街坊美食無骨海南雞專門店

营业中

休息中

2024年12月27日下午約1時許發生，全程遭一名長頭髮戴眼鏡的女職員刁難。1.店員服務差，手套既收拾檯面後又送餐到客人檯（戴手套手指陷入曬飯菜中），唔衛生，同店員提出呢個問題遭反問「唔通我每做一樣嘢就換一次手套？」，就算唔換都唔好將手指陷入飯菜中吧？2.手機落單，我唔確定飯量，先order normal（有加量選擇，怕又太多食唔曬會浪費），結果上餐發現唔夠，要求另外用碗裝些許遭拒絕，更直言係因為我㩒錯，咁我下次做「大徙鬼」咪避曬問題。3.我要飯前食藥，店內只提供全熱水，啱好我有order凍飲未飲，但係唔夠冷卻杯熱水，我要求些許冰為求杯水冇咁熱，店員話冰要2元，我覺得2蚊唔係貴但係冇必要。我就要求加冰到凍飲裡面，店員叫我先飲一啖再加冰到凍飲入面，我拒絕，因為超唔衛生，要對之後飲凍飲的人負責。4.結帳時，店員企我前面，由於通道窄，我要求店員將付款機攞過嚟比我啪卡付款，店員多次拒絕並直言部機冇得移動，店員一直要求我繞過佢自行過去啪卡，冇辦法下我叫佢企開，再直行過去啪卡付款（事後我發現部機係可以移動，係店員玩嘢）。5.付款後店員大聲兼惡叫囂「你唔好再嚟食！」但佢其實冇咁嘅權利叫人唔好再幫襯，

上次嚟食過 海南雞，今次就試下 醉香雞第一口雞入口，酒味濃，雞髀肉軟滑，雞胸唔會鞋口。我選擇咗走雞翼，仲有其他選項，例如：走雞胸，要雞髀肉就要加＄5配菜 比較清淡，菜味清甜，啱我。如果需要，可以要求走菜。本身係配油飯，我轉白飯，如果需要，可以要求多飯或者少飯。例湯 飲落口都真材實料，除咗有啲鹹味之外，仲有豬骨、紅蘿蔔同粟米味。飲品加＄3，好似凍熱、熱飲都一樣價錢。仲有其他雞嘅選擇，例如：鹹雞、海南雞，口水雞……

又來天一商城發掘美食，見到呢間無骨海南雞專門店嘅下午茶好抵，仲要包埋餐飲或者餐湯，可以一試～無骨海南雞飯💰HK$53海南雞飯轉咗全雞胸，有三款醬可以點，有甜豉油、蔥油同辣汁！油飯粒粒分明，好香口～川味口水雞飯💰HK$53呢度嘅口水雞原來只係海南雞點川味醬，不過川味醬都好惹味，辣辣地好開胃，撈飯一流～

醉香雞飯酒味剛好雞肉啖啖肉、好滑雞皮平時唔多食，但都食左2口，因為好爽口例湯：咸咸地，算好味，又可以食紅蘿蔔同粟米配菜：份量多，味道淡淡地啱我加杯茶走，＄60有找

午市套餐鹽焗雞飯～粟米餃子煎嘅首先個例湯就係送嘅～湯好清甜～飲完唔頸渴鹽焗雞飯～首先雞肉走骨～啖啖肉好正雞肉嫩滑～再配上酸蘿蔔開胃爽口粟米餃子～大大粒～煎得脆口粟米爆汁，正

牛腩 份量唔少，肉質軟淋，炆得入味蘿白 炆得入味，又甜又多汁候柱味啱啱好青菜 翠綠好新鮮，唔油膩例湯：紅蘿蔔粟米湯飲得出 紅蘿蔔粟米味，唔會水汪汪，又唔會得個鹹味。本來想加＄5 飲奶茶，但已 sold out。

之前黎食過海南雞飯，覺得味道唔錯，今次唔想食飯，就試吓佢嘅餃子，有得揀煎或蒸，七隻$47，十隻$54？唔係好記得，十隻抵啲，不過我驚一個人食唔晒，所以嗌七隻菜肉餃就算，可能即叫即蒸，我都等佐超過三個字先有得食，如果好肚餓唔建議食，叫返海南雞穩陣啲，因為海南雞飯真係出得好快。講返餃子先，首先係成個蒸籠咁上嘅，但有啲搞笑嘅係唔會配埋個碗給你，可能問佢拎都有嘅，不過我唔想麻煩佢哋就咁食就算，餃子好大隻，點埋醋加豆瓣醬，味道唔錯，七隻都够飽，下次會再試埋煎餃

呢間餐廳長期都好多人食，不過我就覺得呢到啲職員態度就唔係咁好，完全唔係對客人應有既服務態度🤣🤣不過是但啦都係求其食一餐，可以用枱面QR Code落單或者叫員工落單，今次就試下佢地既海南雞烏冬。湯底就係雞湯，幾清甜易入口，雞既份量都算多，有6-7舊，仲要每一舊都係無骨👍🏻啖啖肉好好味😋啲雞又嫩滑肉質又好，真係唔怪得日日都咁多人食，啲雞既質素真係唔錯👍🏻不過烏冬我就覺得份量較少，如果係大食少少既人應該會一啲都唔飽，如果唔想食太飽咁呢個就啱晒啦~

見呢間餐廳不論晏晝定夜晚都差唔多滿座，就決定搵晚去試下雞可以揀走胸，轉油飯都唔洗加錢👍🏻好抵食，雞既份量正正常常，食落去都好嫩口有例湯送所以我就冇叫野飲~仲有餃子可以嗌，不過餃子款式就較少，得三款(韭菜/粟米/菜肉)，煮法可以揀上湯/煎/蒸，今次我就叫左韭菜蒸餃，隻隻都勁大隻，皮唔厚勁多餡👍🏻 

真係好難食 人生食過最難食嘅喇沙海南雞米線，點解可以將椰奶太辣味完全地separate，但係好搞笑，佢又無鹹味，辣油又多，雞肉極度鞋，係又林又鞋。我知佢52蚊唔可以expect好多，但係我真係從來未係餐廳食過啲嘢食嘅味係咁separate，之前都食過一次海南雞飯，已經覺得kick，今次俾多次機會，依然搞唔掂，以後唔會再食。佢係出名食海南雞但係佢啲雞又林又鞋 ，我未試過食一間餐廳難食到要即刻喺OpenRice告誡其他人

無骨海南雞飯🐓海南雞🐔：雞脾肉質幾軟滑，而雞胸肉質雖然冇咁軟滑，但都唔錯，只2件雞胸肉質有d鞋口。油飯🍚：基本上冇乜味菜、青瓜🥒：新鮮蘿白：冇食薑蔥：唔錯、唔油膩湯：一看都見到多材料，清清地唔錯

街坊無骨海南雞飯🥕無骨海南雞飯$47⭐️⭐️⭐️⭐️☆好大碟，無骨海南雞嫩滑多肉(間中要睇運氣)，附上酸甜汁、海南雞豉油、薑蓉點雞食，🐰最中意將海南雞豉油倒晒落雞油飯撈黎食，成件事又正又邪惡。🥕是日餐湯⭐️⭐️⭐️⭐️☆足料，清甜，不會多味精。======詳情======街坊美食無骨海南雞專門店天水圍天秀路8號天一商城1樓1021-22號舖================#香港美食指南 #hkfoodie #hkfood #hkeat #yummy #相機食先 #吃貨 #吃貨日常 #RR吃貨 #美食 #香港美食 #天水圍好去處 #天水圍美食 #RR天水圍 #RR新加坡菜 #新加坡菜 #無骨海南雞 #海南雞 #天一商城 #街坊美食無骨海南雞專門店

頭先同屋企人去食飯總共叫左5個飯4杯凍飲，侍應已經覆咗次單係4杯凍飲，出飲品果時已經出錯。比錢果陣仲要額外加多左1杯凍飲錢，於是就問個明白。同侍應爭拗一輪，侍應話自己落單可能有問題但又要瀨埋我哋order都有問題。然後，餐廳負責人仲喺廚房走出嚟理直氣壯話我哋不是仲報警，等左廿幾分鐘都冇警察嚟鋪頭，員工道歉都冇句就不了了之。呢間餐廳生意都唔識做，仲推卸責任比食客。根本好小意思，為咗杯五蚊凍飲屈返我哋轉頭，聖誕節食飯食到一肚火！態度惡劣！人格卑劣！浪費我哋時間！

住天水圍北, 附近無咩好野食, 所以通常去天一商場解決晚飯, 呢間座位闊落又唔使點等,晚餐款式都多叫左個海南雞同喇沙米線, 加多份煎餃, 夜晚飯餐50蚊內, 非常抵食, 食過幾次質素保持水準海南雞飯雞好滑 夠味, 略肥少少, 飯質地係我鍾意ge 軟糯, 夠雞油但唔太夠薑味, 但都好好食喇沙湯底非常濃郁美味, 滿滿椰香味同花生(定麻醬)味, 食完米線時差唔多飲哂d 湯, 米線配ge 雞熱d 同少d 皮, 食落無咁膩煎餃餡料飽滿, 韭菜味好香, 再煎脆d 會仲好味

早幾日同朋友去濕地公園之前驚會去好耐所以專登嚟咗呢個商場醫定肚先～(但原來wetland個商場同公園裡面都有餐廳，而且唔算貴🙊)我地叫左海南雞油飯同梅菜扣肉飯share～例湯味道唔錯，唔太覺得有味精，飲落唔油膩👍海南雞比較肥，食落好凍似係雪櫃岩岩拎出黎咁😅雞件都滑，油飯有輕微薑黃味但就完全無香茅味，普普通通啦梅菜扣肉肉質唔錯，唔會好韌，呢個菜式真係好好送飯👍👍不過唔知太濃味定重味精食完都幾口渴🙈整體黎講水準ok，價錢正常，經過開一試無妨～