裕和日本美食 (已結業)

工友食評餐牌上有好多套餐，$78 一個人不能說是好平，不過好似有好多嘢食咁，一於試下佢!今天真的好累，叫左一支sake，為自己加加油sake味道還可，其實都是貪過癮，望下金箔，加多一點生趣!首先來到的是麵豉湯，一匙都是未融的麵豉，可知一二!個餐來了，賣相明顯不討好:"什錦魚生"- 魚生出哂水，菜絲釋出的水把"蟹子沙津"弄得不倫不類，炸蠔 - 食左都不知是蠔，只食到油溢味，那個"熟三文魚飯"上那十數片三文魚碎..真係碎到好似一個剩白飯咁 只有個反卷較正常!總評: 業餘過一個煮嘢食叻少少的主婦，而也解釋到點解得我一枱客。

今日心血來潮想食燒物, 就落左去"裕和", 因為佢既"明太子雞翼" & "串燒雞軟骨"都係我既至愛, 由以前未搬大舖就已經係佢fans^^ ...一坐低, 就朝住燒物方向去, 點呀點... 點左好幾樣.... 1> 刺身拼盤, 自選5款$89 --> 價錢ok, 不過刺身唔太新鮮 2> 串燒拼盤 $28 (腎, 豬爽肉, 冬菇 & 雞軟骨) 各一串 --> 腎> 硬, 雞軟骨> 超乾+無味3> 鐵板炒雞腎 $28 --> 幾惹味, 唔錯...不過D腎片好細塊&超碎...4> 蟹子 $12 --> ok, 海瞻壽司 $45 --> 新鮮既, 不過都比板長貴$10喎5> 鹽燒3文魚鰭 $22 --> 最ok呢個, 搵唔到野彈佢6> 明太子雞翼 $24/ 2隻--> 無以前咁好食&細隻左好多7> others..... 8> 鹽燒雪場蟹 $68 --> 哇, 呢個乾到呢... 仲話推介!! 同個侍應講, 佢地話: 燒乾D, 咁先香口呀~ 我話

睇住呢間鋪由鋪細搬細鋪...點知越做越差...以前呢間鋪係食劍魚腩出名新鮮. 而家唔知係咪做大左. D魚生完全唔掂. 最離譜係個魚生飯. 70幾蚊得2片三文魚搭幾片好平既魚生. 連三文魚子都無. 但收70幾蚊. 我真係好想問佢為何呢到值70幾蚊呢?

一晚食兩次, 叫同一個餐... 點解要咁? 因為要睇戲（隔鄰的九龍灣百老匯看「大搜查之女」）：開OT令時間不夠（睇戲前得15分鐘），只叫了一人餐兩人share... 唉，鄰座眼望望，好像很寒酸呢 。我吃拉麵，Lala吃壽司魚生；天婦羅share。 自選拉麵餐 ($69)： 小砵（前菜） 雜錦刺身（三件，師傅精選） 雜錦壽司（三件，師傅精選） 雜錦天婦羅（四件） 又燒／豬軟骨／蔥燒牛肉拉麵（三選一）看戲前沒時間仔細品嚐及拍照，老闆娘都奇怪我們為何不叫多點、吃多點...我只有回答：「要趕著看戲呀！看完才來吃過吧！」...看戲後Lala說不如再食，再叫同一個餐分享... 一語成韱。今次她吃拉麵，我吃壽司魚生；天婦羅share，哈哈 。這個餐的拉麵像「下午茶餐」的迷你，壽司魚生呢…份量其實都會夠... 如果是兩個女仔share的話 。細心的朋友，應該會問：點解刺身有六件？又話三件既？問得好，因為上圖是「特別版」：師傅製作時誤會了是另一個餐，而送多了三件刺身所以壽司另行補上... 這樣的服務態度很好！ 不過質素就麻麻地：吞拿魚刺身好「韌」，咬不過，有筋的！好在衛生OK，沒有拉肚子！拉麵迷你，但

呢間鋪頭同大少都食o左好多年.以前呢區無咩壽司店選擇,所以食壽司都係去呢間. 話時話,裕和由一間細鋪變大鋪之後,又再變裝, 環境坐得更舒适.當然,與同區連鎖壽司店走不同路線, 無得比較.有時都懷念以前細鋪食飯o既情況. 雖然要等好耐先有位, 又坐得迫, 但老闆娘做完o野會主動問客人意見, 大家有傾有講, 有咩問題可以即時反映. 壽司價錢唔算平架, 但食物新鮮, 服務殷勤, 每次都好滿足咁離開…相比依家, 環境大o左, 食品款式多o左, 但去食飯o既感覺已經唔同哂. 好似一般食肆一樣, 食完就走, 無o左家庭feel…講o左咁多無謂o野,去返正題先. 雖然食品質素無以前咁穩定, 但我會介紹大家食以下幾樣 :壽司類:板壓鯰魚壽司--必食之選,唔係度度都有得食架,味道有少少酸,建議唔點豉油食.白色部份係魚肉,黃色部份係魚子,好有咬口,一件壽司兩個口感,正!甜蝦/牡丹蝦壽司--鮮甜抵食,尤其係牡丹蝦,將蝦腦取出放飯面上食,一流!呢個食法唔係原創,不過,只要將好o野介紹俾大家就得啦.海膽壽司--每次去食都唔會失望,好新鮮甜唔苦.剌身類:榮螺--平靓正,清理得乾淨,新鮮自然無腥味啦.其他剌身唔係

皆因門口的價錢相當吸引,所以入去一試兩人分別叫了滑蛋肉粒飯和鰻魚天婦羅飯兩個套餐跟有前菜和湯本人的滑蛋肉粒飯送來前已傳有陣陣的香味個汁加上蛋和碎肉相當好吃,撈飯一流而且份量頗大, 偷試了朋友的鰻魚天婦罹,感覺十分特別第一次吃到鰻魚來做天婦罹,吃感不錯,十分香口整體上感覺不錯,很多午餐選擇而價錢亦合理值得一試的午餐日本料理

先講整體意見, 食物質素好麻麻, 唔好食... 份量超少!! 環境唔得, 坐得好逼, feel so bad~~我o地兩人 order 左 2 個 set lunch, 1) 辣味刺身飯, 同埋 2) 鰻魚天婦羅飯 ..個辣味刺身飯得"幾粒"刺身, 刺身份量同飯 gei 比例係 9 比 1呀, 好在仲有 d d 辣汁伴飯, 唉~ 至於個鰻魚天婦羅飯只係 4 小片 炸過 gei 鰻魚, 跟碗白飯, that's all... 兩樣食物賣相差之餘, 味道都唔係好... 好後悔入左去食野!!

這是小弟第一次寫食評,如有任何冒犯,請見諒!這也是我吃過其中一間比較差的料理店,不吐不快,詳請如下:七時左右去那裡吃晚飯,巳覺得很奇怪,只有兩枱客,由於是新裝修,環境很不錯。但食物就不太好了,連日本料理最基本的待客綠茶也一般,茶壺是用塑膠,水又不夠熱,感覺已不太好。點了一個廚司推介餐,三文魚飯是凍的,伴菜的金菇也很"嗱"西,三文魚沙津很"希",沙津醬很少,三文魚刺身很"暗",淡已無味...巳不想吃...另外叫了三文魚套餐,手卷還可,壽司飯太硬,三文魚飯當然又是凍冰冰了....我實在很難想像他們收加一,食物巳比同區附近同類型的食店差.....但是價錢和質素不成正比,希望他們去看一看"高級"的做法。現在的食客要求巳高了不少,再不是"求其"的便OK了。請他們明白,食客始終最關心的是食物質素,而不是門面,口碑才最重要。但是,我不會再去了。真的很懷念以前牛頭角嘉禾園附近那間小小的"櫻X壽司",那才是貨真價實的料理店啊!

因為學生有8折, 我和同學幾乎每日都去食.我老豆超鍾意食刺身, 有次係第間日本料理食食下覺得唔掂都要嗱嗱林埋單搭的士番去裕和食, 可想而知吸引力幾大. 不過我冇幫過D野食影相, 請唔好見怪.......不過值得一試我地每次去都會叫一大碟和牛...一大碟刺身...等等..先百幾蚊一個仲有呀佢地D烏冬都幾煙"UN"架...一定要試...而家仲新裝修左添...唔知開番未呢...得緊開番去食.............................

兩個人食晚餐, 一般啦, 不過不失.牛肉湯麵 ($38)個牛肉好"蘇", 個湯都一般.豬頸肉冷鳥冬 ($42)個豬頸肉就燒得乾咗d, 但係算多, 個烏冬應該真係手打, 好煙韧, 但係個烏冬汁就淡咗d.埋單$88, d店員都有禮貌, 但係有一個爭d, 環境都ok, 因為啱啱裝修完.

禽日去淘大行街，餓餓地入左依間日本o野第一次去食，見佢無人唔駛等可以快o的有得食侍應介紹o左個招牌貨→鰻魚飯過我食嘩！！知我肚餓定喇，超快有得食亦都可能快過頭，件鰻魚都未解曬凍就拎o黎比我仲要成件鰻魚乾爭爭．．搞到我掂都唔想掂侍應好似發現到依個問題，好快咁幫我換過碟點知換過都係咁，原來所謂招牌貨～都係不外如是，令人失望唔慢得間o野lunch time都咁靜．．．我諗我o地以後都唔會再去幫襯！

同友人入左e間野都食飯我叫左個吉列豬扒飯友人叫左個三文魚定食本身杯茶唔錯都覺得ok但係問題黎啦我個吉列豬扒飯白飯一小碗得一塊豬扒細細舊豬扒炸到有焦食落又硬又粉難食到呀...友人的三文魚定食2舊三文魚壽司根本係薄切佢個咩反卷整d魚皮係入面我試左一舊已經覺得好難食d三文魚飯得d三文魚粒飯同魚既比例係8:2不過侍應服務都oke間野絕對係得杯茶同服務係ok

主打手打烏冬，小弟試左個冷烏冬，烏冬的確非常烟韌，但係個烏冬汁似豉油開水一樣，有色冇味，落埋wasabei 都冇乜幫助，索性叫過第樣食，三文魚生$18 三片，諗住過下口癮都好，點知三片加埋未夠一塊厚切，分分鐘仲薄過一件三文魚壽司既份量，最後上蒲燒鰻魚定食，鰻魚一Ｄ都唔肥美，Ｄ鰻魚豉油浸晒個飯盒，好鹹，結果我連個飯都放棄埋，兩舊水都食唔飽，簡直入左賊竇一樣。我諗呢間舖頭最大好處係入面冇乜人夠清靜同埋唔駛等位囉！

果日去淘大拎野,落的士見到好似幾平就入左去,d野食幾新鮮唔錯,sushi特別係uni,牡丹蝦,勁大隻,好甜,但係好多野可能佢係即整既關係所以我覺得會耐左d,其次覺得d烏冬好食~好彈牙,炸野都好新鮮出到黎都好hot唔明點解d人講到佢咁差,佢之前係點我就唔知因為我都係第一次去食,,我覺得會番去再食low~係環境差左d low,會有d迫既感覺,服務就真係一般,但係整體覺得佢都好食呀...可以去試下,又唔算貴

我在細鋪已經幫趁,細鋪時一星期幫趁一次,現在較少去,食物差左好多,壽司又細件,飯又硬,有一次,我等外賣,我習慣叫完即比錢,因為整完一拎可以即走,點知有一次肥婆老闆娘收完我錢,我就企埋一邊等,到壽司整好佢竟然問我比左錢未,吓,你收我個喎,中途又無其他人比錢,佢找比我d錢重喺褲袋,我咪問佢有無閉路電視呀,你睇返啦,佢重好似唔信咁,你收完我錢又無比收據我,萬一佢真係要我再比錢,咪口同鼻拗,最後佢無奈比我走,但我覺得有無攪錯呀,我比左錢你,但好似係你free比我咁,難道全香港得你一間日本野食嗎,我是有權選擇的,就是不會再去,此次令我太不滿了