裕和日本美食 (已結業)

以前依個價都覺得OK既，因為佢\樣樣都大大件～好抵食！搬左大鋪後，開頭都KEEP到，但到依家D野食水準越來越唔掂．．．三文魚薄到唔知點咁，而食物份量亦越來越少，反而仲貴過以前上次去吃牛柳飯，竟然有\"縮\"味！！侍應服務亦麻麻．．．地方已經細，D檯都比人撞唔少，食都食得唔舒服夜晚去仲慘，又嘈又要食得快～老闆娘又趕客咁，唔再ORDER就要走總括黎講，依間野唔再值得我去！！

那個裕和（日本野）很不錯，有點點家庭色的，食了牛油魚、赤貝、墨魚咀同芝士蟹籽（這個是米虫推介之一）sushi，豬軟骨凍烏冬（米虫十分鐘意食這種白雪雪，滑luit luit 的條狀物體，這個米虫覺得清清地，喜歡味濃的朋友不要試），雞軟骨串（這個也是米虫一定會食的東西，正常味道），吉列鰣魚（老闆娘推介，一般），xx芝士年糕（這個有點貴～$25/2小件，不過好好味，年糕脆卜卜的，入面有芝士，不錯不錯）價錢方面，嗯，不算十分平但以日本料理來說算平＿$177/2位（不收加一）

是日下雨..淘大依然唔少人行..為0左唔想等位..早d同友人食飯..6點半就去食喇..都冇咩人..兩個人第一round叫0左:朱軟骨冷烏冬(真係凍的,爽的烏冬,不過個汁就冇咩味,要點d豉油先得;個朱軟骨仲唔講得笑,真係軟綿綿,入口即溶的,不過畸嫌唔夠入味)海膽三文魚sushi(海膽ok,不過唔算好好食)中華沙律(nothing special)象拔蚌sushi(ok fresh)第二round再叫:日式hashbrown (fresh,溶溶的薯仔,吉列的外衣.正野)蟹籽sushi(好彈口的籽,fresh 的)墨魚咀sushi (爽口彈牙的咀,有個standardized0左的小辣汁)三文魚sushi (幾fresh,小厚,ok)total 145hkd,唔洗加一,d人都ok 好service,識得收碟加茶,都食得過.

　　我嚮附近返工嘅，以前係淘大商場細鋪嗰陣已經開始幫襯，親眼睇住佢由細鋪變大鋪，原本都戥老細開心，不過，ｄ嘢食好坦白講真係差咗！　　我敢講以前真係正好多，ｄ魚生係好鬼新鮮，我必食有三文魚剌身、鹽燒雞軟骨、明太子雞翼、芝士蟹子壽司、牛油魚壽司．．．　　以前只有散叫，冇任何套餐，我一個人閒閒地食lunch都成百銀，我都捨得、覺得佢值，一個禮拜幫襯最少兩次，鋪仔細細，得六、七個位，好多時都要等位，住附近嘅人往往都外賣，而家轉咗大鋪，我都試過好多次，價錢貴咗不特止，食物質數亦差咗，而且仲出咗午市特價餐，食物款式雖然多咗好多，不過就唔夠細鋪嘅時候"精"！　　仲有，ｄ侍應好"鈍"！！！睇嚟，我又少咗一個搵食好地方。　　唉！回憶總是美好的．．．

同朋友行完街對上一個星期四~~ 同朋友o係德福行街~~行完因為覺得德福冇咩o岩食~~ 所以去o左淘大搵食~~見到呢間o野~~ 因為未試過~~ 行o左入去~~兩個女仔~~ 一人叫o左一個迷你魚生飯~~都真係幾迷你o下... 如果好肚餓的話一定唔夠食~~跟住另外叫o左幾客壽司~~ 3 文魚~~ 辣鮑魚~~ 魷魚咀同櫻花尤魚~~推介係個魷魚咀~~ 好夠味~~ 口感十分好~~味道其實ok~~ 但係o的份量就真係麻麻~~ 唔太抵食~~

我o係呢間食店都食左好多次喇^___^老闆同老闆娘好似睇住我大咁,有時都會一個人去食下~唔..我覺得呢度既三文魚好好味,厚切,薄切都好得,什錦魚生飯亦值得推介,仲有帆立貝,係熱食黎既~好味道^o^38蚊2隻~最好一人一隻喇,如果一人食哂就太"漏"喇@.@玉子啦~鰻魚啦~甘海老同鮮帶子壽司都係令次去到必食的~完全唔使睇餐牌~cc不過.....近呢幾次去,發現到一樣野,就係佢囡囡會去幫佢手..但佢囡囡態度很差...../_____\有幾次都\大大聲咁同老闆娘講野.....一d面都唔俾..在場仲有好多客o係度..加上..見到佢地果日咁..我都食得好唔開心..我同個朋友講如果叫佢黎幫手係俾佢鬧既,我寧願佢唔好黎喇=.=v以一個客人黎講,佢真係令到我地食得好唔開心..平時我覺得老闆娘佢地好有親切感的嘛=.=...我多事了..哈哈

因朋友推介情人節與仔仔到此一吃..六點過d..就開始愈黎愈多人..七點就full晒要在門口等位..特別推介芝士年糕....超好味入口軟軟的..食下食下..還有芝士香雖然$25 只得兩粒...不過值得一試!!銀雪魚即叫即燒...15分鐘有得食...襯熱食..好好味!!所有材料都好新鮮..豬扒麵都大大件...

我都同意搬舖前好食o的！可能間舖大咗o既關係，又真係大咗好多o既，存貨都多咗啦，難以控制。以前都係做外賣多，又冇熟食呢，淨係得串燒，o個時有芒果奄列(我唔記得係咪奄列嘞)，e家都冇嘞！不過佢o的飯就真係好似差咗少少，三文魚厚切就几好，夠肥！牛油魚都唔錯，劍魚腩就好似失咗色，我食咗幾次之後都冇再食！總括黎講都係以前好o的！

佢以前未搬鋪時好好味o家，依家比以前無咁好，不過依然好好味，好食過元氣什至好多所謂有點名氣o既日本o野，我反而覺得魚一丁o里d都無佢o既壽司咁好味呀!!最重要係魚生好新鮮，强烈推介牛油魚，好少鋪頭有o家，食落去有少少油油地又甘甘地，好正o家!!!唔明點解d人講到咁差，所以忍唔住要平反一下，因為大部份人食過好話正o家，我d朋友同同事仲經常幫襯o家!!不過老實講，佢個格局又真係不倫不類o既，門面唔吸引，同埋唔好睇佢個格局咁差就以為唔方貴，其實同食一餐元氣差唔多呢!!

事源於六月廿二日晚，本人與友人分別點菜共有兩款冷盤及一款熱盤，雖則上冷盤的時間必定比熱盤快，但最終經我們久候下催促及本人二十分鐘後吃完兩款冷盤方能奉上；而令友人感到氣憤是熱盤的溫度只屬微暖！ 觀察所得，該段時間中店內入座率約七成，即大概有二十多人，我們發覺店員實在非常忙著應付外賣單！同時，還有一事值得特別留意，就是友人駭然清楚地看到有侍應只以匙使勁地在用過用作盛串燒食物的碟子上刷掉食物殘渣後，未經洗淨將之再循環使用！

睇完戲喺附近食晚飯,入到去有d想走,食日本野既地方用D咁既枱櫈,不倫不類,D壽司飯很硬,魚生很腥,很難食,打我都唔會再去,P.S 點解佢間野唔係係日本菜,而係係廣東菜既,佢9成都係食日本野噃,HA HA!

以前d 野好好味,好新鮮,但e家就冇咁好味啦...

牛扒即叫即煎好入味, 麵豉湯很好味, 另送3片三文魚剌生, $35 真超值!

之前鋪仔細細時真係好平好新鮮好好味,但搬左鋪之後,d飯又硬,賣相又唔好看(d壽司散晒),而且碟碟都比以前貴幾蚊,間野d裝修重騎呢,日式食店用酸枝,好老土呀,真係唔搬好過搬啦,以我地消費者黎講真係無咩好處囉,以更貴價錢去食d更難食野,搵你去啦!

用料新鮮及壽司是即做的,價錢平,大約10-15元2件,以這個價錢有這樣的質素,我想同區沒有其他選擇,可惜地方太細,bar枱勁唔好坐,位少(得7個位倒),外賣就較為適合,堂食就要考慮啦,不過D壽司真係勁好味架!