裕興老上海餛飩鋪

营业中

休息中

呢個小雲吞店經過幾次都想去試了，但可惜一直搵唔到機會，今日終於可以一嚐滋味啦~店內唔算好大，都有10張台，不過就有d亂，雜物幾多下鮮肉小雲吞：小雲吞可以一粒一口，幾鐘意呢款小雲。不過價錢就有d小貴，不過位於尖沙咀吧，鋪租貴~

佢個招牌馳名手撕雞又乾又鞋颯颯仲好鹹，我阿婆九張都整得好食過佢。唔知憑咩用來做招牌。入到去三隻烏蠅好好客咁嬲喺我頭頂。啲員工喺店面整餃子，我喺度食手撕雞佢隔離一陣臭腥肉味。 點解呢間舖未執笠？

今日係一個食到一肚氣嘅經歷，今日咁啱經過諗住試吓食個lunch,叫咗個韭菜豬肉雲吞上海麵，黎到ge 份量正常，韭菜豬肉雲吞味道都叫正常中規中矩 ，唔難食亦都唔係特別好食，係個湯底比較淡冇咩味。但係個重點係啲員工態度差到好似趕客咁。有位短頭髮女士唔知係員工定係老闆，落單過程全程用呼喝學態度，我已經唔該前唔該後，雖然食得呢啲舖頭仔冇預計要好好服務態度，但係佢個態度真係離譜到不得了，每一句都好似想趕你走咁😾😾😾食個晏都好似要俾人鬧咁，真係食到一肚氣，以後都唔會再食！！！

同朋友一齊食，嚟咗兩碟野食，味道都唔太差食咗少少之後，朋友突然叫咗一聲，原來佢見到有隻老鼠走咗入去個類似儲物室嘅房到，跟住同職員講，佢竟然同我哋講自己都好驚⋯⋯即係你一早知道有⋯⋯咁後來個職員幫我哋調位，當我調返轉頭拎嘢嘅時候，我見到隻好似手掌咁大嘅老鼠！個下真係呆咗，即刻乜都唔敢食。間舖好明顯係老鼠個竇，因為個職員好淡定講咗句無事嘅，有老鼠啫，隻老鼠仲要好似好熟路咁跑走咗⋯⋯最後我同個朋友即刻俾錢買單走人，個收銀仲同我哋講無乜嘢嘅，好少事

落雨天，和男友見到有嘢食，就入左去。本來想坐低先掃安心出行，點知俾門口短頭髮個女人，好惡地一聲不響地指住個code，要我哋企門口即刻掃。明白的，但都不用咁惡😅到食嘢，餃子味道尚可，略嫌多肥肉，較細隻，聽到隔離枱問有冇米線，有一位長髮職員態度有點差地説沒有！坐左廚房出面，經常見到職員沒有帶口罩處理食物和飲品，以及天花板射燈很多，導致環境好熱，像沒有開冷氣，整個進食過程都不舒服。只有一次便可，不再光顧。

一入門口已經無人招呼，自己搵位座低就叫野食，個短髮阿姐串到不得了，極度無禮貌，我第一次去食，鬼知你有咩款式既雲吞同麵底呀，我都係想食碗麵醫下肚遮...叫完等左25分鐘先有得食.....叫米線就黎左上海麵，但係個麵成陣生麵粉味，個湯又無味既，連雲吞都無味.....差不多50蚊碗麵，最後根本就食唔落口，呢間鋪頭係尖沙咀咁既態度，咁既味道，點可能再做落去，咁樣做生意，咁樣對客，我真係覺得好差，我絕對唔會再幫襯。

樓面個姐姐點知可以態度咁差！我指住menu 同佢講要小餛飩，大碗($45)既。但來左大餛飩，ok ，同佢講，佢話我唔應該叫大既。咁你又收我大既錢？Find !我食咗，有眼睫毛係餛飩到🙂🙂食到好焗氣

這裡的招牌手撕雞飯一流，雞肉份量多之餘，雞肉是完全入味的，每啖也有鹽水味，鹽水把雞的鮮味提升了，完全有別於一般靠外加醬汁的造法。米飯也很大碗，叫了少飯也這麼多😅 而伴碟的窄菜更可refill的。薺菜鮮肉小餛飩，細細粒但有好多粒，剛好一口可吞掉，很小地方以薺菜為餡料，香味雖然比不上芹菜，但也很清新開胃。豆漿則中規中矩，有豆香正正常常的，不太甜也沒有溝水。這樣特色的食物作為下午茶，感覺非常滿足！平靚正👍🏻

等個糯米雞等咗15分鐘 我問仲要幾耐 之後個黃色頭髮既女侍應話即叫即蒸點心要15分鐘 我話而家已經15分鐘 之後佢一邊行入去幫我催單一邊講話趕時間就唔好嗌 話退返錢比我 轉頭又唔見咗人 原來去咗買麵包

最近经常在这家吃，主打馄饨，又大碗，味道又鲜美，服务也很亲切，上菜速度很快。疫情期间如果外卖带走还有折扣优惠，很划算。店里的工作人员服务很有效率而且态度很好，很好的体验。

1點鐘入黎食晏，半張menu 話無食物：檸檬茶 - 無茶味得少少檸檬味，清水咁款。灌湯鮮肉小籠包 - 扁到一睇就知完全無湯，一咬得粒肉咁大把，湯汁都無滴，灌咩湯？手撕雞飯 - 中中等等，雞肉略乾。員工：問佢野，咩都話唔知，叫我問老細。我一路食，佢就一路係隔離同第個員工傾計，極為滋擾。入左黎半個鐘，2枱客＋外賣客投訴個客投訴糯米雞唔熟。員工打發完個外賣客，自己圍內傾計話唔洗同佢講，唔關佢地事，費是煩。最後一句:Blacklisted