西樹泡芙 (觀塘站)

营业中

休息中

🥭芒果乳酪泡芙($28)泡芙係偏硬身，上面抌咗糖粉，中間夾住大大粒呂宋芒果。芒果有少少酸但加埋啲cream，味道都OK。呢個價錢嘅話就貴咗少少，都係朱古力泡芙好食啲。

今日順路去開觀塘地鐵站，聞到好香牛油忌廉味，見到好吸引的泡芙，忍唔住買咗五個返屋企，给一家人做飯後甜品。其實呢間泡芙店的款式種類好多，買相好吸引，令人花多眼亂。本人不喜歡太花巧， 經過一番心大心細之後，揀了士多啤梨脆皮泡芙和朱古力曲奇泡芙。我見到店內有好多優惠推介，除咗泡芙之外，還有麻薯、流心朱古力蛋糕、流心芝士蛋糕、泡芙三文治、心太軟等，而每個月的2號，仲有買二送二的優惠，記得mark返個日子，擇日再來。

🍓士多啤梨乳酪泡芙我超級鍾意食士多啤梨，加上而家士多啤梨當造，所以一定要食返個士多啤梨泡芙。泡芙出面脆脆地，有少少似奶油豬嘅感覺，口感唔錯。乳酪泡芙比鮮奶泡芙更加好食，可能係因為乳酪有啲酸酸地嘅味道。士多啤梨好甜😋

每次經過西樹泡芙都比店舖發出來嘅香味吸引，個頭好自然會轉去望一望。今日發現佢新出咗《冬日旋律》系列，於是買咗黑糖金栗🌰及九州紫薯🍠，再加多一件意大利芝士，作為今晚一家三囗飯後甜品🥰。九州紫薯泡芙，甜薯忌廉香滑而不膩，仲有紫薯粒增加口感，配合鬆軟帶有奶油香嘅泡芙，味道一流。黑糖金栗泡芙，栗子蓉味濃口感順滑，配上原粒甘栗及黑糖水晶，不甜不膩帶有微微嘅黑糖香氣。意大利芝士泡芙，軟熟嘅意大利芝士，口感濃郁又唔會太甜膩，泡芙面頭沾有朱古力粉，再配上意大利手指餅乾，口感更加豐富。

3點鐘又到嘴痕既時候，外賣左粒白桃吉士泡芙。成日行過地鐵站，佢個香味真係邪惡既誘惑。值得讚係真係拎到返去都唔會淋哂，個皮仲好脆，吉士超多甜度還可以，唔會好甜。但水果似係罐頭生果味，價錢都算合理既

I live near this Japanese shop which is best known for its palatable cream puffs but I only have been walking past it near lunch or dinner time so have not really got a chance to grab something there to satisfy my sweet tooth. Feeling peckish, I went for 5 puffs just to treat my family - chosen were the newly arrived peach custard ($27), and apple crumble ($ 29), as well as the classic Hokkaido milk ($ 25), chestnut ($28), and blueberry yoghurt ($26). Consistent with what I remembered, the shop

一回家看到雪櫃裏邊有這間西樹泡芙盒子，都估到應該是有友人來探訪了。將吉士味的泡芙留給別人，自己就拿了個綠茶紅豆味的。😏泡芙的質地沒舊日那般厚實，綠茶餡料不算太多，綠茶味道也不太濃，味道亦不太甜，不知為何，覺得我以前的，好像味道比較甜，以及質地會偏向硬身，現在好像比較軟林、比較空虛。後來還有兩個玻璃樽的布丁，底下有幾盒糖定還是焦糖，加落布丁到就會比較甜，不過本身都帶點甜味，但是光是吃布丁就比較乾乾。

成日經過依間店都聞到好香，今日忍唔住買咗個芒果乳酪泡芙返屋企食！泡芙上邊有三至四粒芒果🥭，食落有啲啲酸。始終唔係當造時段，所以都接受到😂。個乳酪忌廉先係精粹，真係好好味，酸酸甜甜咁🙈，配埋啲芒果粒一齊食好好味！泡芙有啲位都脆脆地，幾好。👍🏻

本身路過見到泡芙口痕想買黎食😋但差唔多到我個陣見到前面買Mochi我又心思思想試😂Mochi 85蚊6件，有12款口味任你揀！如果你有選擇困難症可以一次過買哂12件🤪都係160蚊😂😂用黎裝Mochi個包裝盒都幾靚，重會送埋叉仔，送比人都得體😆職員重會放包冰種喺入面，唔洗驚返到屋企溶鬼哂！今日試左6隻味😋😋士多啤梨、白桃烏龍、抹茶紅豆、朱古力慕思、芒果乳酪同埋榴槤慕思拎到返屋企都重係好硬，佢本身建議要攤20分鐘先食口感先最好！整體d味道都唔錯，朱古力幾濃🍫白桃烏龍就有清香嘅烏龍茶味幾特別！不過部份Mochi顏色太似，職員又冇特別mark邊粒係咩味，想搵粒榴槤都搵到第三粒先中😂😂

經apps 訂現金券$35/5張$20現金券（價值$100）、 一氣換左4個味（蘋果金寶、白桃、芒果、意大利芝士味）總共$109，扣$100現金券，只補錢$9，即都係用左$44/4個。好抵食😌蘋果金寶味道好正，嘅脆口加蘋果鮮果肉。意大嘅利芝士好濃香芝士味tiramisu

今日經過觀塘地鐵站比呢間泡芙吸引左 雲石牆好靚🤍 西樹嘅選擇好多一個泡芙嘅價錢大概廿幾蚊 所以都真係幾抵食濃朱古力曲奇$20: 係幾意外嘅味道 朱古力嘅味唔算好出但係就有曲奇嘅感覺 大家都可以去試吓原味$20: 其實係所有款式裏面 我都係最鍾意基本款原味 因為先可以食真啲佢最好食嘅cream (同埋好似原味嗰款大啲?!) 去到嘅各位就唔好錯過啦！大家都可以試吓其他味道～ 舖頭仲有好多款奶凍同Mochi比大家選擇 我亦都見到有Mochi Day嘅廣告牌真係幾抵食呀！

某日經過觀塘地鐵站，見到好多人排隊，原來有買二送二優惠。好耐無食過puff就湊下熱鬧啦！ 佢買二送二係指定款，本來係北海道牛奶，因為賣晒轉左士多啤梨。 都有一定人流，職員快手，成個過程10分鐘搞掂。士多啤梨乳酪泡芙。呢d日子，士多啤梨應該算當jo，以為會好好味啦，點個士多啤梨好酸，當我以為佢果d係cream可以中和下，點知係乳酪，變左酸上加酸，勉強先食得晒。另一個味就無普通朱古力吉士。呢個反而好味，外皮夠脆，都有香濃朱古力味。吉士好多，好rich! 結論：唔係特價唔會再買

西樹泡芙 #觀塘西樹泡芙都算係由細陪住我大👶🏻👧🏻👩🏻，印象中細細個喺香港最出名嘅泡芙就係呢一間同埋 bread papas，不過一直都係鍾意呢間多啲啲，因為佢嘅款式比較多🤤。但隨着網絡越嚟越發達，依家越來越多網店售賣各種甜品，已經好耐冇再幫襯過西樹泡芙。今日咁啱行過，見到佢哋推出左秋之甸味🍂🍁嘅系列，分別有紫香Q芋、金薯Q芋、黑芝Q芋，分別係以芋頭💜、地瓜💛、黑芝麻🖤為主，然後每一款各自再配上紫薯芋圓、番薯圓、芋圓，完全係中晒我最鍾意嘅嘢食！忍唔住叫咗個金薯Q芋！金薯Q芋🍠$28用上朱古力味嘅泡芙🍫，入面有地瓜蓉、番薯圓、忌廉同埋椰果，比我預期中好味！泡芙嘅朱古力味都幾香，而且成個泡芙都好脆。入面嘅地瓜蓉係意想唔到地重地瓜嘅甜香，而且非常綿滑，甜度都恰到好處，份量仲比我預期中多，呢個價錢來講係絕對滿意。連番薯圓嘅煙韌度都唔錯，配埋甜甜地嘅椰果一齊食好好味。忌廉亦都令到成個餡料更加creamy，但又唔膩。唔知係咪冇乜期望，整體來講真心覺得幾好食，搞到好想試埋其他個兩款口味。味道: 4.5/5性價比: 4/5

冬天食泡芙好好味，因為唔會用咁快溶，做下午茶，自己在公司沖一杯英式西茶，就很好味了。仲有好多唔同口味任君選擇，不過我最愛吃朱古力味。而家仲有印仔咭，儲夠印仔可以免費玩泡芙。

今日放早輕輕鬆鬆去行下街😚😚😚, 順便去apm 睇戲, 睇戲之前又未到晚飯時間, 得番半個鐘 食個快飯又好似太急😆. 諗起mtr有間西樹泡芙, 一於買返幾個, 入場之前食靚靚甜品。😋😋😋 西樹泡芙嘅口味好多， 最經典當然係新鮮芒果乳酪味泡芙 ，同埋新鮮士多啤梨乳酪味泡芙。 仲有抹茶紅豆味泡芙、 牛奶布甸味泡芙、 三重朱古力泡芙， 呢幾種都好好食。不過可能係因為放工時間 ，好多味道都買曬，未補得切貨 😣😣，所以我到最後揀咗三個芒果乳酪味泡芙，同埋三個抹茶紅豆味泡芙😆😆。芒果乳酪味泡芙酸酸甜甜， 芒果餡料絕不吝嗇， 一如以往咁好食。抹茶紅豆味泡芙， 抹茶忌廉比較企身實淨 ， 紅豆又淋又唔會過甜😋😋😋