西樹泡芙 (觀塘站)

营业中

休息中

自从早排食左次泡芙之后，家下每逢见到西树泡芙既分店都会心痒痒想食返个泡芙，因为泡芙又多口味又好味，每次都想试唔同口味。见今日经过地铁站又遇到呢间店，就买左三个泡芙，拎返屋企同屋企人开心share…有好多唔同既口味，有简单既吉士、忌廉口味，或以朱古力为主既口味，或以生果为主既口味，真系超多选择，令我次次都要谂好耐先决定到买咩。今次我以生果为主，选了一件白桃吉士，一件芒果乳酪及一件士多啤梨乳酪。买三件装仲有盒子，十分贴心，店员仲放入了冰包，可以冰住d泡芙，唔怕融。返到屋企同屋企人开心分享，一人一件相当开心，而且仍是冻冻的，好正。我选了白桃吉士，白桃甜甜的，十分juicy，而且吉士香又甜，好正，最爱泡芙的脆皮，好好味呢。而家人都说芒果乳酪及士多啤梨乳酪都相当好味，因为放置了满满的水果，芒果及士多啤梨又香又甜，份量又多，卖相又靓又好味。而且乳酪酸酸甜甜，相当开胃呢。期待下次再路过店舖，又可以再试其他口味了。