西貢金雞海南雞

营业中

休息中

今日去到有口啤，專注做海南雞雞的金雞叫左個外賣。叫左雞胸白飯。一打開個飯盒，全是雞柳，勁健康連雞皮都沒有，只有雞肥油膏。打去詢問點解會全是雞柳，負責人話雞胸即係雞柳沒錯，所以要雞胸嘅客都係咁出餐。我知道雞柳是雞胸中的一部分，亦食過好多海南雞雞胸飯，食全雞柳真係得呢間，即使買其他野食算數。已不是第一次，今次特意打返去問先肯退錢。

今日去試咗一間叫金雞的海南雞飯店🍗，整體體驗非常滿意👍。首先，雞肉的質感令人讚嘆，嫩滑多汁，每一口都充滿了鮮甜的雞味🐔。同時，雞皮金黃亮澤✨，看起來讓人食指大動😋。飯的部分亦相當出色🍚，用上香濃的雞湯煮成，飯粒鬆軟卻不失彈性，帶有淡淡的薑香和雞油香氣🍜，讓人一吃難忘😍。配上的三款醬料：蒜蓉醬🧄、甜辣醬🌶️和黑醬油，各有特色，為雞飯增添了不同層次的風味。特別喜歡蒜蓉醬🧄，香氣十足，與雞肉非常搭配👌。湯品也是一大亮點🍲，清澈見底，口感清甜，喝下去感覺非常舒心🥰，恰到好處地平衡了整頓餐點的油膩感。店內環境乾淨整潔🧼，裝潢簡約明亮💡，座位安排得當，給人一種舒適的用餐體驗🪑。服務方面，店員友善且效率高🧑‍🍳，點餐後不用等太久就能享受到美味的海南雞飯⏱️。總括來說，金雞海南雞飯在食物質素🍴、環境及服務上都做得相當出色，是一間值得推薦的餐廳🏆。無論你是海南雞飯的愛好者❤️，抑或只是想找一頓美味且價錢公道的飯餐💰，這裡都不會讓你失望🤩。可唔可以幫我將以上嘅食評口語化咗佢，等到香港嘅人比較容易明白啲

雞皮好鹹，還有毛。雞肉夠嫩，但雞胸部分一般。不太會光顧第二次。感覺並沒有宣傳上那麼驚艷。外賣速度很快，付完錢等不到一分鐘已經拿到了，感覺像提前準備好分好盒的，有客人買就直接給了。最不理解的是，半只雞唔雞脾

多次光顧，終於記得要比個好評海南雞飯分量有大有中可以揀，價錢相差不遠，所以都係睇食量去揀雞好滑，雞皮都唔會好肥油飯好好食應該撈左啲乾蔥油酥一齊，所以同大部分既油飯都唔太一樣味好食

都食過佢好多次，個海南雞飯一定要叫大飯，感覺份量多好多，同埋佢啲海南雞真係做得好滑，雞肉有味嫩滑，塊雞皮都係極品，通常食到一半嘅時候都會覺得好重罪惡咁，唔食雞皮。但係食食吓又會忍唔住食返，佢塊雞皮好入味真係靈魂之一。

睇落平平無奇嘅海南雞飯，但係呢度食落就真係醒神添！海南雞滑得嚟緊致，啖啖雞肉夾帶啲滴嗒油脂，唔點醬呢，淨食都已經一流👍🏼。跟住個醬料，最正係件黑醬油，鹹甜得嚟唔膩口，啲雞肉掂埋啲醬，喂，簡直係絕配！然後個豬腳，緊緻嘅肌肉包裹住厚厚嘅骨膠原，微微肥膩，齋嚼落，口感豐富得滯😋。個湯都唔馬虎，飲落暖笠笠，滋味滿滿，真係同外表平民嘅飯店有個明顯對比。總結嚟講，呢家嘅海南雞同豬腳都算係掂過精！你喺附近行過，可以考慮落嚟體驗下，特別係想食個有質感嘅晚餐，又或者和朋友仔慶祝時，呢度實係一個唔錯嘅選擇。食物質素高，環境擺設雖然唔係高級，但都算舒適及乾淨，服務都算親切。快啲嚟，唔好再等喇！🍗🍖🥢

唔知點解食親海南雞都會諗起呢間心目中好似冇乜邊間好食得過佢雖然好耐冇黎食過，但食完水準都keep到呀～雞好滑身，油飯唔算太油撈下調味好開胃平時夜晚唔係好食飯既我都可以食哂全碟中Size雞飯最勁係咁多年價錢好似冇乜貴到，仲係$5X，野飲都係加幾蚊，當食個茶記下午茶都$4X既時候，$5X食到個晚餐真係抵到個人認為環境可以改善下，咁岩坐正果張好似冇抹過枱自己抹完阿姐送餐見到有飯係枱面直接拎張單放上去遮住就算不過整體員工都nice既

今日就用第4張$100 -$50嘅coupon，叫咗兩個飯預左聽日中午同晚餐返工帶飯用嘅，兩個飯加埋都係$78，真係好抵！😁😁～～～例湯～～～兩個飯都會跟埋例湯，係正常南瓜🎃湯！😀😀～～～馳名滷水西貢狀元豬蹄飯～～～豬蹄好大件，有大大塊肥豬肉🤩🤩，份量同瘦肉各佔一半😃😃，但食得豬蹄就係要有肥豬肉先好味😋😋，滷汁超級入味，瘦嗰邊嘅肉亦唔會好柴☺️☺️！～～～去骨麻辣雞飯～～～其實即係海南雞飯加麻辣，帶返公司叮返熱連隔離嘅同事都聞到超香🤭🤭，雖然隔咗一晚，但雞肉依然嫩滑，份量都幾多☺️☺️

#chuchu食在荃灣📍 西貢金雞海南雞 荃灣最好食嘅海南雞，係幾好食嘅，不過比較地道，坐得會有啲逼，同埋佢哋都幾好生意，好多人嗌外賣，就變相坐係入面就冇咁好Service💡抵食，食物又唔差！—————————————————————❣️金雞二人餐 $172 個餐好抵包好多野！🐥 招牌去骨海南雞（半隻）個雞真係好滑，仲要去埋骨，啱晒🐷呢啲懶人，配薑蔥茸、酸辣醬同甜豉油，唔同嘅醬都有唔同嘅味道🐟馳名香煎手打咸魚蓉肉餅煎得好香口好薄身，不過唔油膩，咸咸地！🍲住家老火湯南瓜湯！啖啖南瓜肉，好濃！冇乜味精！好正！🥬滷水汁時菜菜心好新鮮好嫩的🍚 油飯軟硬啱啱好，撈埋一啲配料，不過可以再香啲！.❣️ 西貢滷水狀元蹄飯 $52 肉好淋，汁都好濃，好食的！—————————————————————不專業評分👅好味指數: 8/10 💰性價比: 9/10👍🏻推薦: 8/10 —————————————————————🏡地址: 西貢金雞海南雞 (荃灣)荃灣昌泰街3-5號富榮大廈地下2號舖👉🏻西貢佐敦九龍城都有分店的！🕑營業時間: 12:00-00:00—————————————————————#chuchu食港

新年初三去荃灣行街，好多鋪頭都冇開唔知去邊度搵食飯。經過咗呢間西貢好出名嘅雞飯，佢竟然好有開仲要冇新年加價，入去食啦。個價錢又平啲雞又好味，隻豬手仲要好香添，包埋個菜兩個人先百幾蚊，真係唔知去邊度搵。

去親荃灣要食海南雞嘅話，都會揀呢一間食，雖然佢嘅裝修唔係特別靚，質素絕對比得上一啲名牌海南雞海南雞飯 (中)Size可以選擇中或者大，我呢個就係中size。最鍾意佢嘅雞肉滑滑，咬落去啖啖肉，加上自家製嘅油飯，好香帶少鹹。最要提嘅係佢嘅醬汁，同平時出面食到嘅味道唔一樣，辣椒醬帶點酸，中和返海南雞嘅油份，我可以成啲醬撈飯食🤣所以每次食呢間都係一粒飯都唔會剩，最緊要係價錢平，食飽飽都只係$50👍🏻👍🏻

金雞位於荃灣昌泰街，主打無骨海南雞飯。這裡的海南雞有雞味，又夠滑，配搭油飯，味道吾錯。醬汁一次過提供三款，有辣醬、薑蓉及蠔油。如果食量不大的朋友，可以叫中雞飯$47,男士可能要叫大雞飯$52才夠食。跟飯還送住家老火湯，湯味濃郁。

第一次入呢間食海南雞，好奇麻辣+$3，于是就試試佢。見到上枱覺得好神奇嘅海南雞飯，覺得似Cross over 咗2種雞，先食邊邊冇辣果部份，點啲醬…雞好滑有雞味，整到唔似雪藏，有驚喜！而且真係冇骨，份量偏少，男仔食唔會夠。再食中間麻辣果啲，我就唔覺辣麻…都有少少嘅，但以海南雞嚟講好特別，幾鍾意食。個湯都幾好飲，有青紅蘿蔔，粟米同南瓜（融咗）整體好食/抵食過隔離泰國果間，唔怪得職員做到冇停手。鋪頭細細我坐個位直望廚房2個師父斬雞，算唔算表演一種？哈

西貢金雞海南雞荃灣昌泰街3-5號富榮大廈地下2號舖♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎突然間發現，原來西貢好出名既金雞海南雞係荃灣都有分店😍，呢間海南雞飯真係好正，海南雞出名好滑，好好食，大家有時間可以去試下啦😆。🌟 招牌去骨海南雞飯(大) $52首先， 要講下個雞先， 真係好滑， 而且仲要去埋骨。另外就係個飯，好重雞味 ，但食落口又唔會覺得好油， 好正呀😻，呢個價錢真係好抵👏。 另外仲配埋個南瓜湯，個湯一d 都唔馬虎，啖啖都係南瓜🎃。整體推介指數：❤️❤️❤️❤️🤍♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦

支持港產片，今個月睇咗三套🎬《明日戰記》、《阿媽有咗第二個》、《緣路山旮旯》。尋日咁啱要去荃灣，就憑票尾去金雞換免費海南雞飯，排咗近一個鐘，6個人6張票尾換咗6盒飯仲送埋例湯🍵雞件有雞肶、有雞翼、都有雞胸，d肉都好滑，皮夠爽。點雞食嘅醬汁有酸辣汁、黑醬油同蔥茸，都好好味湯係用雞骨煲嘅，有好多南瓜蓉同青、紅、白蘿蔔粒，好足料又好味。油飲好好味，份量又多，一個人食一盒好夠飽。呢餐免費餐大家都非常滿意