覓廚

营业中

休息中

CP值極高的香港原味道串燒店力推😋清酒煮象拔蚌，配上秘製醬汁帶出鮮味，絕配燒蠔，肥美鮮甜，D汁好味到飛起北寄貝嫩滑彈牙玉子燒有驚喜龍蝦啖啖肉，還可以一隻龍蝦做兩個口味一定再encore🥰

第一次黎，行到門口見到都幾多人捧場，我估應該ok掛。點知真係唔錯，老闆推介既蟶子超肥美，花甲今日狀態麻麻，佢照直講，叫我地唔洗嗌，非常老實。扇貝好新鮮，去咗裙邊同肝，燒完唔會韌同苦，今晚每一碟都好味。香港仔有好多連鎖店，最近仲開埋壽司郎，大家當然排曬長龍。小店生存空間的確不多，有好味的，就應當大大力支持，咁先可以繼續食到獨特既味道。下次黎會試埋佢個桶蠔雞皮串燒。希望多啲人認識用心經驗既好餐廳。雞腎、金菇肥牛燒馬友墨魚汁腸

今日同事帶我去香港仔一間小店食lunch，仲話要食貝殼類食物，本身我仲擔心衞生情況欠佳，點知呢間店舖令我喜出望外。海鮮除咗鮮甜，所有貝殼類產品都啖啖肉之外，成間店舖都非常衞生，午市套餐性價比極高，海鮮烏冬餐加飲品同甜品$90有找。仲重要嘅係，店舖專門請有需要人士，所以我要貢獻我第一次，係Open Rice撰寫文章，力推呢間有溫暖、有味道嘅餐廳！

第一次幫襯呢間南區小店， 睇得出 係家庭式主理。食物款式都好多樣 ，尤其係海鮮。 同埋比起其他串燒店有樣好就係都有啲烏冬粉麵可以食， 唔怕淨食串燒唔飽。 佢一個價錢基本上都係兩串， 除非指明嗰啲係例外。燒豬腩肉係超級推介， 燒得好香仲有少少脆邊， 就算係豬腩肉食落都唔會覺得好油膩。 而其他串燒份量都好足， 雞腎全部都大大粒。 同埋每個串燒都有唔同嘅調味，口味唔會咁單一。 而飲品價錢都算合理， 見週圍都多街坊客嚟食。回頭指數⭐️⭐️⭐️⭐️⭐️

今時今日，一提起去香港仔食嘢，再唔係魚旦粉世界，老細名乎其實係土生土長香港仔居民，努力💪不懈密密耕耘，由樓上舖仔轉咗地舖後，地舖裝修別具特色，而更不會因為現時物價通漲，成本大幅飆升，將價就貨，影響出品，至於海鮮選料和其他食材，老細從不假手於人，更花盡心思，精挑細選，所以制作出品，不但保持水準，海鮮🦞食材鮮甜美味及維持地方特色，串燒更加芬香撲鼻，自家配制涼茶，如紫背天葵更是串燒絕配，錦上添花嘅秘制辣椒油，點出地道風味

芝士牛油燒金菇 我好鍾意食 唔單止有牛油香 好重芝士味 的確唔錯 鹽燒牛脷串 調味剛剛好 外脆內軟 墨魚有驚喜，冇煮過龍 唔會鞋 好彈牙 👍🏻甜品今次食咗芒果布丁，布丁係有兩層，下面係芒果啫喱，啱晒過口癮 好食除此之外佢仲有啫喱杯揀，有青檸同提子口味，夠平店員親切 好好態度🥰🥰嘢飲有自家製涼茶(夏枯草+羅漢果）或紫貝天葵山楂茶 唔驚食多咗串燒怕熱氣裝修方面有落過心機 埲牆係畫上去仲寫咗舖頭上面嘅招牌菜式，枱與枱之間都有空間，夠闊落，坐得舒服

必點燒桶蠔雞皮卷燒貴花蚌燒北寄貝燒扇貝佢所有食材都係即叫即燒 ，仲要食材都係採用日本竹炭黑海鹽首先桶豪雞皮卷好酥脆，脆雞皮入面包住桶蠔，好有創意嘅一份串燒，第一次食，有驚喜想食嘅要早啲嗌！今次晏咗嚟所以得返一隻可以叫燒貴花蚌好！大！隻！落咗蒜蓉去燒，好重味，隻貴花蚌好juicy, 仲要好鮮甜忍唔住同朋友encore返幾隻🫵🏻👍🏻燒北寄貝同上，非常出色，我個人會鍾意食貴花蚌多啲因為大隻啲，夠滿足燒扇貝好多蒜蓉 夠晒香😼亦都冇燒到好乾燒蟶子好鮮甜，同樣加咗蒜蓉去燒，極惹味仲有叫咗花甲，可以揀清酒或者醬油去煮，醬油會有少少辣，花甲足料新鮮燒羊架唔騷，仲有得揀五成熟定係七成熟，好少串燒舖都有得俾你揀，值得一讚