親親甜品屋

营业中

休息中

夜晚9點左右黎食，以往都幫襯過幾次，外賣開中式甜品覺得正常。首先，入到店面 呢度好細，冷氣完全冇開咁滯，因為冇門 所以feel到熱風不斷往店內湧入。30度嘅天氣我keep住食都出汗。環境差評。試咗一個亮晶晶$43😰都唔平架 以呢啲小店，冇環境冇擺設都幾貴。黎到就係雲尼拿雪糕上面有啲碎冰，椰汁墊底，三種唔同size嘅小丸子/明珠/西米。以白色為主。可以話係除咗球普通雪糕有d甜，其他完全冇味道😅甜品又唔凍。小丸子冇味但好煙韌。椰汁都係唔甜，好失望。可以話係$40幾蚊食垃圾咁，唔明質素咁差嘅甜品店係如何屹立不倒幾十年。重點黎啦，食嗰陣我左手面有隻小強係牆面爬行。😱我加緊速度快手食完，只想逃離小強同儘快返屋企涼冷氣。俾錢嘅時候，我叫女侍應。係我腳下有隻5cm長係街邊常見嘅大強。🪳差啲尖叫，女侍應過黎打算踩死佢，咁大強受驚直接往廚房跑去。題外話，食緊嘅15分鐘keep住有客人黎，以外賣為主，都有三百幾蚊生意。我諗呢度都係靠熟客維持生意。而且女侍應有問客人冷氣凍唔凍，客人大聲答：「唔凍」應該唔會有下次。總結：又熱又多小強，甜品唔好食唔甜唔凍，雪糕係普通雀巢嗰種，建議快逃！！

馮星期六都一定會買熱咋喳，有時會加糖不甩。因為實太好食！凍既有香蕉船，紫米露，西式雪糕甜品每次買，老闆娘可能應得我，每次都會送多碗湯水比我！平時都好多人幫襯，就算幾多人等，啲人都唔會走，特別係過時過節，一到夜晚就好多人排隊。除咗好食之外，更重要嘅係佢哋好有人情味！記得第一次買熱咋喳，老闆娘出嚟同我講，一碗熱，一碗凍，咋喳一定要食熱，叫我返去試吓食熱咋喳，保證我以後都會買熱咋喳。就係因為佢俾咗選擇我，我以後都係咁買熱咋喳，唔會再買凍咋喳。雖然我搬走了黃大仙，但每馮星期六都會幫襯！支持小店！♥️♥️♥️♥️♥️😃😃😃😃

人情味糖水舖有傳統糖水足料健康十足十足媽媽以前煲糖水亦有新式糖水一家親，多芒，遊船河全部都好食夏天必食老板娘好nice係呢個苦悶嘅生活一碗糖水安慰心靈望住街嘅風景好舒服Foodpanda 左咁耐都係第一次咁認真評論飯後一直都缺乏一杯糖水終結一日嘅好生活有一日揾到呢間親親糖水舖價錢合理輪候的地方十分合理老板娘親切服務態度真係十分好靈芝茶葉蛋十分入味好似有獨家秘方燒賣可口成功慰籍左我一晚空虛嘅心靈誠心推薦

黃大仙區冇咩邊間糖水舖好食，而「親親」算係區內幾好食，咁多年都屹立不倒嘅糖水舖，小妹在讀書時期成日放學打完波都會同波友一齊黎「親親」食糖水～😏畢業好幾年之後再返黎食，由短頭髮留長頭髮，老闆娘竟然仲認得我😂😂，仲記得我食多芒小丸子一定要走明珠。雖然區內大部分都係做街坊生意，不過記得食客嘅店舖真係少之又少，仲要相隔咁多年都仲有印象，感覺好有人情味～☺️花生湯圓（$28）一碗有六粒湯圓，仲會附送一件蕃薯🍠，薑湯好薑！薑得黎唔會好辣，係小妹最欣賞嘅！❤️湯圓即叫即包，即叫即整，保証新鮮！湯圓皮算係幾煙韌，花生餡係自家製，都幾香口，有啲人會追求流心餡，不過我就覺得唔流心有唔流心好，咁就唔會覺得油。整體來說，「親親」嘅價錢都算合理，糖水在區內來說都算有質素，值得一試！😏

放工想食下甜品，就約埋屋企人嚟到呢一間甜品舖食甜品啦，因為都就快食晚餐所以就諗住三個人share。身為芒果控，所以就叫左一兩個芒果甜品，但係好失望呀。。。首先芒果甜品食得出係用新鮮嘅芒果，我覺得好似係芒果醬汁+芒果蓉😭😭😭，好濃嘅糖漿味。至於諗住叫呢個由一堆生果既甜品應該都唔伏，但係點知都係中伏。佢嘅生果好唔新鮮，蜜瓜食落口係有心奇怪嘅味道，好似壞咗嘅感覺，價錢仲要唔平㗎，CP值好抵糖不甩係唯一正常嘅甜品。仲要提一提佢嘅用餐環境真係好差，因為佢隔離係一間蔬菜舖，間蔬菜鋪長期都開着大喇叭做廣播，所以成個甜品舖都係勁嘈

睇戲後醫肚，2個人share食，嗌左蕃薯糖水，糖水夠薑好夠辣，d蕃薯都夠入味，個人覺得口感啱啱好椰汁紫米露，臨近收鋪，凍嘅賣哂，淨返暖暖地嘅，照點味道ok最後太夜，外賣多個麥米粥走，好足料，第一次食依款，味道似八寶粥，但唔會太甜我個人比較喜好中式糖水，少食西式糖水/甜品，但店內都有賣西式嘅價錢方面，個人認為屬於合理市價，可以接受

同朋友們聚舊 黎黃大仙食完晚飯 想傾多陣 當然要搵甜品食下啦 每次食親都會嗌多芒明珠小丸子朋友們都會推薦呢個之前都有試過佢既腐竹白果薏米糖水 都係真材實料咁煲出黎 超足料 不過要下次食再補返相今次講返多芒先 佢啲小丸子本身無味既 加左芒果既甜就會好夾 所為既明珠其實係西米 我估佢係碗入面晶瑩剔透咁 所以叫明珠 環境方面 鋪面係比較狹小 不過人流係多keep住多 都多人黎買外賣拎走 價錢方面合理店舖既人態度都好好 有時會同啲客人傾計 會睇到有啲客人幫襯到熟哂整體good

最近常常行街至深夜，周圍試食糖水，走到慈雲山，來到這間路邊小店。正在苦惱選擇那款傳統糖水時，發現他們有自創特別配搭，例如：紅白亭 = 雪糕 + 紅豆沙 + 豆腐花亮晶晶 = 雪糕 + 椰汁明珠 + 西米 + 椰果金玉滿堂 = 芒果汁 + 啫喱 + 芒果 + 西瓜 + 哈密瓜我點了紅白亭，$39，幾好食。

嗰晚天寒地凍，食完飯行過呢間糖水店，聞到勁濃嘅煲姜糖水味，咪入去試吓同驅吓寒囉。小店選擇都唔少，認真编印成本菜譜。我哋叫咗姜汁蕃薯糖水同芝蔴湯圓，蕃薯糖水姜味香濃，寒天食啱哂，原盅上好夠熱，份量很足，的確物超所值。隔離枱食客仲要叫老闆娘俾少D，免得食唔哂浪費。黃心蕃薯，大大件芝麻湯圓一碗有六粒，内裡的芝蔴餡料份量恰到好處，芝麻餡炒得好香、幼滑。糖水用蕃薯糖水做底，很夾配。總结，此店無論食味、賣相都不俗，加上價錢相宜，大家不妨一試！

有一次叫咗碗口爽爽，冇加芒果汁，一食就愛上咗。第二次再叫，今次有加芒果汁，但有芒果汁反而味道有點兒混亂，應覺怪怪的。第三次食，冇加芒果汁，味道很淡。第四次食，冇加芒果汁，似返第一次食嘅味道。係足料但味道好唔穩定啊！今次仲叫咗碗咋喳， 係足料嘅！冬天食熱糖水外賣，外賣嘅發泡膠盒受熱，令糖水有陣發泡膠味，希望會改善下發泡膠盒嘅問題。服務方面，其中一位唔係太好，明白做街坊生意，可唔可以有返d好態度呢？我同佢講唔要芒果汁，要花奶，而另一碗咋喳就走花奶，佢自己又唔留心聽，最後問咗我3次，之後係另一位員工返嚟幫我整，呢位聽1次就明，頭先個位仲要黑我面，好簡單一碗唔要芒果汁要花奶，一碗淨係走花奶，點解唔留心聽客人講嘢，仲要黑我面呢？

發現呢味喳咋, 係一個偶然糖水嘅份量好足, 餡料亦好豐富,有各種豆類, 紅豆花生綠豆紅腰豆鷹咀豆眉豆,仲有西米同薏米, 料多過糖水, 好飽肚,如果正餐食得飽又去食呢碗喳咋的話,恐怕會食唔晒, 我第一次食就係咁天氣凍嘅時候更啱食, 暖身又填到肚味道方面, 甜度適中, 糖水嘅稀杰度亦恰到好處,就算落埋椰汁, 都無影響到整體嘅味道,唔會太稀或太杰, 食落帶微甜, 唔會好漏, 難得細細間小鋪都做得出呢種唔欺場嘅質素,鍾意食喳咋嘅朋友可以一試~

今天又熱又濕，一家吃晚飯，但未到吃晚飯的時候，有點肚空空，一家吃什麼？下午6點有位⋯⋯去吃糖水：有熱有凍，有中有西式糖水。阿媽話傳統夠薑蕃薯🍠糖水丶綠豆沙丶桑寄生🥚☕️丶腐竹白果丶清潤木瓜雪耳蓮子糖水丶芝麻湯圓⋯⋯🍎🍉🍇🍓🍌🥝🍍新鮮雜果涼粉丶多芒小丸子，金玉滿堂丶一家親丶口爽爽⋯⋯🍧🍡🍨，起初唔知乜，後來見到好多芒果丶水果、連啫喱丶椰果丶小丸子丶西米丶蘆薈⋯⋯！仲🈶️咸點魚肉燒賣丶茶葉蛋☕️🥚⋯⋯比起連鎖店，價格相宜！

綠豆沙要22蚊，貴過深水埗3蚊。深水埗綠林19蚊咋。腐竹糖水好似腐竹粥咁杰。唔好食，唔抵食，唔知點解有咁多笑臉。全間舖得五張枱，每張枱坐兩個人。不過都有熟客，佢地食綠豆沙，燒賣。因為唔好食又大碗，所以少有地食唔晒。其他食物一般都要三、四十蚊。

即興去食糖水，間鋪頭好的式，鋪面可以容納十零人，位與位之間比較迫，當日去到，見有2班人等緊，咁諗住都要等，點知一去到話2個，就即刻有位：叫左個多芒果明珠小丸子，$37，啲芒果真係好多，切得好大粒，不過不失，反而個人中意佢個小丸子，有啲甜，吾似其他糖水鋪咁淡。不過食到最一半，啲芒果好酸，仲要有啲黑邊😵，結果都係無食..再叫多個黑白（芝麻糊+豆腐花）$32。芝麻糊熱既，豆腐花就凍既，芝麻糊味道好濃，相反豆腐花無乜味。

食完晚飯同屋企人買糖水返屋企食，買左兩個番薯糖水同一個芝麻糊共$74食到火到黎 食左幾淡，請左垃圾桶食伏到爆，兩個糖水都勁淡芝麻糊無芝麻味既，番薯湯水又好似無落薑咁，完全無小小薑味番薯又無味，好似飲緊水咁究竟點先可以做到又貴又難食？😒😒間嘢仲好似開左好耐下睇其他食評好似小人食傳統中式可能其他ok？不過呢個我真係接受唔到！！！！未試過咁有熱衷9秒9上黎打食評下次都係落返九龍城食好過