角落咖啡廳 (已易手) 新餐厅

推介指數：🍽️🍽️🍽️🍽️｜Comment｜可以用open rice Apps book到位好方便Cafe裝修好靚 好適合打卡不過個入口嗰啲難搵 好隱蔽食物味道 正👍🏻|食咗咩|🍄大啡菇意粉🍴All day breakfast ☕️Coffee📍Location🚇相近地鐵站：中環站...#cmhere #hkig #hkfood #hkfoodie #中環 #cafe #chillandeat

今日book咗2:00過嚟試吓呢間波希米亞風嘅角落咖啡廳，我哋今日2:00嚟到只係得一枱客，我哋四個人揀咗兩個窗口位坐，兩人一枱！呢間餐廳真係打卡一流有千秋，擺設都好靚，真係適合文青打卡，今日係平日，所以有set lunch$14X, 包一份意粉或者飯，加中size 飲品，仲可以加$18加小食，有春卷或者炸蝦，我哋四個人帶咗兩個意粉，嗌咗一個大啡菇黑松露意粉和一個客蟹籽煙三文魚白汁意粉，兩個都好好味，另外加咗兩客春卷，春卷脆卜卜加埋啲泰式醬好好味！至於飲品我哋嗌咗兩杯熱朱古力一杯綠茶latte，同埋一杯特飲！最後再加多一個朱古力芝士蛋糕，真係一個完美嘅配搭！ 我見到餐牌仲有啲沙律下次一定要試吓！同埋其他味嘅芝士蛋糕，下次再嚟試吓

一間位於蘭桂坊嘅文青餐廳喺酒店上邊嘅😎啲嘢食質素超級好…..羊架都唔錯⋯⋯牛油果沙律幾好食⋯⋯佢個意粉係最吸引我，係明太子意粉😍😍😍⋯⋯係我最鍾意嘅🤪🤪

今日同朋友見面，見到OpenRice呢間餐廳佈置好靚，就book咗。餐廳比較細，靠窗嘅坐位係好靚，但一啲都唔舒服而且隔離枱超級嘈，講嘢好大聲，破壞咗成個氣氛。我同朋友各人叫左主食（黑松露忌廉磨菇意粉、蟹肉蟹膏意大利飯）同兩杯咖啡。咖啡完全冇咖啡味可以講係一杯奶，並不是咖啡廳嘅質素。意粉同飯嘅味道係正常，但我返到屋企肚屙左兩次…個肚仲痛緊。整體嚟講，環境係好靚，好適合打卡。但如果大家要求咖啡嘅質素，就可以唔洗黎嘆咖啡..

中環蘭桂坊酒店波希米亞風打卡餐廳行完4個鐘頭山山頂行去薄扶林水塘田灣食完中午海鮮餐再落中環歎番個tea飲杯咖啡 傾下計生酮伯爵茶蛋糕奶茶蛋糕唔想食太甜，可以揀茶味蛋糕Cappuccino latte 仲可以揀燕麥奶 脫脂奶❣️

閒日同同事食嗰 lunch，同事揀左呢間 cafe，去到環境幾好，雖然唔大，但係都乾淨舒服，有嗰打卡位。Lunch Set 既選擇唔多，一個主食加杯野飲，可以加錢要多個小食。可能係人手關係，雖然客人唔多，食物都等得比較耐。先黎既係 Rose Latte，拉花配番嗰玫瑰，有心思～咖啡就偏啖，玫瑰味比咖啡味特出，個人就唔啱口味。炸春卷就似平時買現成番屋企炸既水平，但就新鮮炸既，不過不失。主食揀左蒜香煙肉意粉，蒜蓉味好香濃，帶少少辣，味道ok。但煙肉就接近沒煎過，唔香，可以做好啲。整體黎講，食物係家庭質素，沒咩特別。

黑松露雜菌芝士大啡菇意粉 $138晏奏中環食個lunch, 呢間cafe幾靜幾舒服，望到外面街景，意粉味道唔錯，醬汁夠濃郁，好濃黑松露味同芝士味，但大啡菇比較細隻啲，配料較少蘋果芝士蛋糕 $48蛋糕就普通，食唔到好濃芝士味，只係食到雲尼拿香精味，蘋果肉得少少，蛋糕本身無蘋果味，或者其他款式會好啲

又係時候一齊開心飯聚！！今次係我發板，揀間環境&食物比較精緻嘅餐廳仔，靜靜地悠閒地享受美食+吹水！！呢度環境真係好靚呀，有個靚靚捕夢網！！大家都過左一個愉快滿意的餐聚，太好了！！煙肉卡邦啦啦意粉 黑蒜煎帶子意粉芝士梳乎厘蛋糕 伯爵茶蛋糕 柚子梳乎厘蛋糕大啡菇雜菌松露意粉 藜麥沙律

樓上coffee shop尋找之旅今次我哋揀咗中環蘭桂坊嘅一間波希米亞風既樓上咖啡店，之前見佢都好多人嚟打卡嘅，咁我哋見夜晚又唔使等位，咁就上嚟幫襯啦😛好啦，打完卡，就嚟食嘢啦！我哋先叫咗個Grilled Salad Bowl: 入面有烤珍珠筍、紅菜頭、椰菜仔、南瓜烤串茄、仲有意式沙律菜 - 唔好睇佢咁嘅樣，其實都好大碗！之後我哋嗌咗個腸腸嘅拼盤，啲腸略嫌少咗啲，同埋普通🙂另外我哋嗌咗個豬扒配薯條，味道正常啦，又唔會太難咬嘅。重點係最尾上枱嘅奶茶蛋糕，蛋糕配咗一堆Popcorn，味道適中，不太甜，志在打卡🫢打卡位嘅slogan: Being Happy is not an aspiration, it is an attitude. 講得啱呀，你想開心定唔開心，完全取決於你自己😌總括來講，唔使等位，而又想打卡嘅話，我覺得可以上嚟一次，主要都係想搵個清靜嘅地方同朋友傾偈聚會😅不過佢門口都難搵😅

腸胃敏感的，慎入！！！同朋友喊左：雙子意粉➕三文魚翠玉瓜意粉➕富蘋果生芝士蛋糕➕奶茶蛋糕➕三杯飲品（近$600)慎入點A. 雙子意粉有點鹹，朋友食完飲左兩杯野飲。慎入點B. 三文魚翠玉瓜意粉超級無敵鹹，我食完一啖，就無法入口。因為真心食唔到，同侍應反應後，侍應拿走五分鐘，又黎左一盤。以為係新整，但食左兩啖，覺得係用熱水過左一次，因為個味變得稀左，而唔係淡左我食左兩三啖放棄，朋友覺得浪費，都幫手食左兩啖。結果….返屋企，我同佢肚痾左成晚😳 （食過同樣嘅嘢得尼個咯。慎入點C. 蛋糕好細，裝盤係靚，得個樣可以睇，真心唔好食，樓下麵包鋪八蚊一塊都好食過佢。慎入點D. 落單系統壞左，但事先又唔講。啱啱睇左之前的食評先見到，應該已經壞左好耐，或是從來未正常過。咁點解唔直接整個menu?

5大罪：1）學人掃code落單 間餐廳人就得小貓三四隻 㩒落單果陣同我講太多客死app 落唔到單 懷疑佢做開啲客都係鬼黎2）叫左塊牛扒 鹹到直頭食到啲鹽 一粒粒喺個口度都未溶 仲要收$288 普通茶記/ 扒王之王都好味過佢3）冇得揀蛋糕 迫人食tiramisu 蛋糕林bat bat 啲cream似消毒酒精4）熱朱古力唔熱 serve at room temperature5）自問都食得快 食左15分鐘都冇 趕住收碟 唔知係趕收工定點 又唔係要交枱 大佬你都冇乜客咁趕做乜 總結： 千祈唔好黎食

一直都好想試，但係呢間餐廳Walk in嘅話可能要等，今次特登訂枱。lunch time嘅時候叫咗一個set，百幾蚊有煮食同埋一杯嘢飲，中環來講性價比還可以。至於甜品，味道可以，未去到話非常之好味。

一入去有好靚既吊椅打卡位❤️有幾張枱係坐窗邊可以望住中環嘅街道❤️亦好喜歡枱同櫈既設計❤️拉近距離感💖叫咗兩份蛋糕分別係：奶茶蛋糕同富士蘋果芝士蛋糕咖啡同甜到嘅膩但又好靚既飲品😆蛋糕係有驚喜，唔係死甜，食完唔會好口渴兩件蛋糕質地都好輕身，冇咁有罪惡感🤭如果keto中嘅寶寶仲可以食keto蛋糕添😆雖然窗外落足兩個鐘頭雨但係同朋友影吓相食吓嘢兩個人靜靜地享受黃雨下嘅時光.都係一場唔錯嘅下雨天❤️

又去開左一排既餐廳~角落我又係度ff好大,點知都係細既強烈推薦揀窗邊位(3個),一嚟空間感大啲,二嚟窗邊位有cushion比較舒服一個星期前左右book左,所以店員都好貼心咁幫我留咗個靚位(至少影相嘅時候唔會影到其他人)不過其實星期日去都唔係full食物真心唔錯嘅,幾惹味,亦都唔算話太貴,叫lunch set $108 食到飽飽,包埋一杯嘢飲,仲可以打卡,我諗市面上都比較少缺點:Rose Latte 好甜,飲咗幾啖就被迫放棄,餐具殘舊,有隻碟可以係崩咗七八個位都唔換。店內佈置乾花,乾花嘅碎屑四處飄散,會跌落食物😅

中環有個小角落～曾經風摩一時，我今日終於食到了～大啡菇意大利飯，餐廳落足心機用醬汁烤菇，醬汁與鮮菇味同時存在，甜甜的很美味，再用醬汁慢煮意大利飯；少酸的意大利飯配上甜甜的菇，是完美的組合！