影片
电话号码
2375-9008
附加资料
开瓶费:$80一支, $40 半支装
切饼费:每位惠顾$150或以上, 可免切饼费
营业时间
星期一至星期六: 12:00-15:00 1800-01:30 星期日及PH: lunch closed dinner 1800-11:30
以上资料只供参考，请与餐厅确认详情
招牌菜
食物质素其实还可以，猪肉汤拉面还不错。但部分服务员态度却「非常有进步空间」。话说我们二人一进店，其中一店员便问我地：「几多位？」同伴即用手做出2人手势。但店员没有看到，就觉得我地无回应佢。即时递上餐牌时面口已经麻麻，当时我仲未为以。点知到点菜，叫左个拉面，再问佢烧饭团有咩料，我地好明显用广东话问佢，佢却一直木口木面，唔讲野只系手指指个餐牌。到我地问佢有咩店内推介，佢就突然话：「哗！原来你识广东话架？？你地头先无应我我以为你地讲其他话咋！」我照答佢：「其实我地应左你你睇唔到。」都算啦…继续叫佢介绍，佢就话唔知我地有咩喜好，好难推介。跟住我话唔系炸野就ok(因为有bb,怕太热气会影响到个胎）点知佢又话：「如果系咁，连叉烧拉面你都唔应该食啦！」（其实…我听到佢咁讲经已有d无言）同伴再问：「咁菜类呢？」店员：「咪普通炒椰菜啰⋯」同伴：「咁沙律有无介绍？」店员照读餐牌有边几款。我feel到这种对话根本无意思，所以叫佢照落order。亦由于对方态度太差，我地决定唔再加单。为免影响情绪，亦唔再同店员争辩。老实讲，食物真系唔差。但我地真系唔会再去，点解要为碗面走去俾人串同受气呢？？傻的吗？？
继续阅读
上星期一有晚去左佐敦既言居酒屋食野.叫左个杂锦鱼生饭, 份量十足, 卖相一般, 但新鲜.放左好多虾籽, 又用日本米, 仲有好多香葱, 好味. 另外贴心咁俾左2款唔同既酱油你去点刺身~好食~@@同事叫左长葱碎吞拿鱼腩饭, 我地2个饭SHARE 食, 佢个个卖相俾杂锦鱼生饭更靓, 佢D鱼蓉甘香味道一流, 仲有只蛋系上面~加埋鱼蓉, 正~!仲有叫左烧牛利, 质感唔错, 烧得几好食.比较特别系个南瓜雪糕, 佢罗个南瓜装住, 卖相一流又CUTIE, 食落南瓜味好重, YUMMY!中意食南瓜既要试下~
继续阅读
行行下街见到几得意咁就去食啦...舖头细细...但好有日本舖头feel....仲有部电视播紧日本既游戏节目..可能我地早去到....冇咩客...但差唔多7点就不停有客入....我地2个人叫左好多野食....最记得一个叫河豚干....睇落去好似冇咩特别...但食落去真系好好味....我地心血来潮想叫清酒....咁佢地好有耐性介绍比我地....淡淡地,容易入口....值得一赞既自家制饺子.....正....好少地方食到咁好味...真系一言难尽....
继续阅读
间餐厅并冇搞圣诞大餐,只系平安夜去咗𠮶度食唔知点解食评个个都话好食,但系我觉得好难食1. 带子寿司:粒带子味道同一般既冇乜分别,不过薄过平时食开啲回转寿司既一半,价钱就系𠮶啲回转寿司既一倍以上2. 海胆寿司: 海胆味道都系同一般既冇乜分别,分量亦算合理,不过唔知点解唔系橙色,佢系淡黄色3. 软壳蟹卷物: 真系名符其实,只软壳蟹软到呢...好似开咗好耐既薯片,同一般唔同既系个卷物入面包咗好多蟹子4. 清酒煮蚝: 蚝都系好细,不过有三只,冇乜渣5. 和风烧牛脷: 呢个味道口感都好,略嫌唔够热(已经一上枱即刻食)6. 牧丹虾刺身:size一般大细,虾身够弹性,新鲜7. 蟹子沙律:都系同一般冇乜分别,冇惊喜,不过佢只蟹柳竟然冇撕开,要自己搞8. 烟肉虎虾烧: 我只觉得系好普通既烟肉包住只虾嚟烧既串烧,不过价钱唔系普通串烧价9. 牛肉锅乌冬: 咁多样嘢竟然最好食系呢样,味道适中,不过牛肉少少澥,乌冬口感好因为够弹牙
继续阅读
家姐同朋友食完一次之后极力推介个秋刀鱼刺身, 仲话净系呢个月当造, 所以同家姐去食 不嬲都对d细细间o既舖头仔有d 感情, 觉得佢o地自家制o既o野食会有heart d... 果然, 无令人失望 佢个厨房细细, 得两个人, 侍应得一个, 系会耐d, 但系我觉得可以接受, 去得呢d 地方食饭都唔会想快d 食完快d 走o个只 其实佢除o左刺身同寿司之后, 串烧亦都系佢主打, 不过, 真系烧得几耐.... 个秋刀鱼刺身, 无写o系menu度, 要你自己问佢先有 其实我之前无同家姐讲, 我不嬲对秋刀鱼刺身麻麻地, 又酸又腥腥地, 同埋我觉得d 肉d 口感成日都好似霉霉地咁, 我知d 刺身本身唔系霉, 但系放到入口d感觉系.... 唔使同牙咬都已经可以”颜”烂, 又唔同拖罗咁入口即溶o既感觉... 总之, 就系麻麻地.... 但系呢度呢个, 又真系与别不同, 味道鲜甜亦有咬口, 比出面贵两倍都抵o既..... 好难得我o地两个”刺身寿司痴”竟然净系叫o左秋刀鱼刺身, 其他都系烧物... 再一次证实o左, 我都仲系食唔到蚝.... 咬o左一啖已经唔掂, 好彩今次无反胃.... 本身个蚝无问题, 系我自己不嬲都食唔到….. 其实仲有叫其他o野, 不过挂住食无影到相..... 题外话... 食食o下, 隔离枱坐o左个日本人.... 日本人食面真系”o雪”得好大声..... 如果我咁样食面, 比我阿妈闹死都似..... (P.S. 舖头细, 要等位… 预早少少时间去…)
继续阅读