許留山 (已結業)

楊枝金糕$89面頭有一些柚子粒, 甘甘苦苦的.糕身分兩層, 第一層應該是椰汁糕, 內有西米, 但味道十分十分淡底層是芒果布甸, 這個單獨食味道是不錯的, 但如果一齊食的話, 因為椰汁層佔了3分2, 所以味道會變得很淡走時見廚櫃有大大個芒果布甸賣, 還不如買這個, 無記錯價錢仲比較平呢其後發現到期日是購買之後的一天~~

芒果的糯米糍似乎是某個人的最愛。如果她不開心，一份芒果糯米糍就可以令她笑返。雪蛤好飲，但芒果糯米糍又平又抵，通常我地食完堂食也會外賣比家人享用。職員笑容好好。太子真的是寶地。

對於芒果迷既我黎講，講起許留山就一定係佢既芒果飲品以前中學果陣都好興同啲朋友/同學放學既時候去買杯許留山飲，每次去都一定會叫佢啲芒果類既野，因為許留山啲芒果夠好食，入面配搭既蘆薈同小丸子又夠咬口。但係早幾年香港多左好多台式飲品舖，我同啲朋友慢慢都轉左口味。由以前淨係鍾情芒果，變到珍珠奶茶,水果茶,芝士奶蓋等等乜都飲一餐。但係飲左幾年慢慢發現，原來真係會飲到厭，開始又想轉轉口味。直到前幾日難得又同班中學同學聚翻，係太子食晚飯後有為朋友突然提出“不如大家一齊去買杯許留山飲下啦”。我同以前一樣叫左杯“粒粒芒果爽”，雖然價錢比以前貴左幾蚊，由廿幾蚊杯加到三十蚊，但味道依然冇變！果然許留山啲芒果勝在夠爽，入面啲果肉夠足料，飲每一淡都可以飲到果肉，令我根本飲到停唔到口。係呢杯芒果爽入面可以令我有機會尋會初衷，更令我回味到中學的時光與回憶。

經過旺角好多好多嘅台式飲品店， 但係就突然之間好想食芒果咁啱就見到許留山喺附近， 我諗我已經有兩年以上冇食過啦， 又行到累累地，就入去食下嘢啦 叫咗一個套餐 59蚊， 有一碗多芒小丸子， 同一個xo醬炒蘿蔔糕xo醬炒蘿蔔糕個樣有啲肉酸， 但係味道係好嘅， 但分量實在有啲小另外呢個多芒小丸子， 唔知係咪因為係跟餐嘅關係所以分量都係少， 芒果唔夠甜， 小丸子唔夠煙韌， 實在係有啲少失望， 畢竟印像中嘅許留山係好好味嘅， 可能芒果唔岩季節喇

出色嘅甜品，可能已經令人忘記了許留山原本就是賣涼茶龜苓膏的傳統老店，確實許留山嘅轉型非常成功。熱賣嘅芒果無論係甜品，飲品製作已成為許留山出品嘅主流。多芒小丸子，清甜嘅芒果肉、芒果汁、一啖入口冰涼舒𣈱，好飲又好食，閒來一杯超爽啊

行去旺角，周圍人多車多有啲攰，有時都想搵個冇咩人靜靜地嘅地方坐底唞下氣今日見經過許留山，行到有啲攰又有啲時間，就入嚟食個甜品坐下香港人感覺許留山多數都係做大陸客生意，不過出奇地呢間人唔多，但都多數係香港人食5點幾呢個時間唔上唔落，自己一個叫咗個芒果冰因為個店員企喺門口，有啲外賣落單所以坐舖頭入面嘅位都幾難搵個人serve你等咗一陣終於落到order，其實一個冰呢個價錢唔平佢餐牌仲有好多貴啲，配埋熱食小食嘅選擇，不過興趣都不大芒果唔會太酸，下面個冰都幾結實，overall嚟講味道唔錯

行完街好攰，見未肚餓，又想同朋友坐低休息下同吹下水。本想去始創中心嘅仙踪林，上到去原來已經結左業。唯有出番去商場搵其他，咁啱見對面有間許留山，就入去hea下。望下餐牌，嘩。。而家飲杯野都好貴下喎，$39可以食餐飯。但入到黎又想休息下，就算啦~ 超多芒西米 $39 - 椰汁味好濃，芒果肉唔係佢個名咁叫超多，同西米比例屬正常，芒果味略嫌不足。粒粒芒果爽 $39 - 底部係芒果啫喱，因為加左芒果汁入去，所以芒果味都濃郁。芒果肉份量同屬正常。

提起芒果，唔難聯想到許留山。以前中學的時候經常飲，十幾蚊有一杯，然後價錢愈加愈貴，但個杯就愈黎愈細，就無再光顧了。今日到太子找朋友，很口乾，看見這間新開既許留山分店，於是決定回味一下中學既味道，發現正在做買第二杯半價的優惠，所以買了兩杯粒粒芒果蘆薈，計番每人20蚊左右。粒粒芒果蘆薈。其實係幾好飲，自己好鐘意芒果，所以都喜歡芒果飲品，許留山的芒果飲品好多芒果粒，十分足料，加上蘆薈，好似食緊啫喱，為飲料加上一點小清新。呢個芒果既老品牌，難怪去到韓國都咁受歡迎，去到韓國價錢翻倍，都係係香港飲抵d。

跟他找了整夜，竟到處也沒有好幾家甜品店，最後維持原判，選了這。。。。芒果撈ya53椰果生果種類多，個底係如常芒果冰渣，賣點所在，吃了十多年的舊味道，一人吃，好夠，大滿足。鮮果鴛鴦西米露48選了西瓜哈密瓜汁做底，冰冰好正呀，太耐無食過，生果幾新鮮，賣相佳。西瓜燕窩蜂蜜爽39好味呀，勁凍wo，刺雪鴿膏多d既，西瓜清甜無假甜，十分解渴又温和呀，掂過星哈黑好多，值得飲。食後感：充滿回憶嘅味道，今次同佢第二次黎，絕對會再黎。

飯局後想食番個甜品，原本諗住去海記嘅，但係門口成棚人等緊位，一行朋友又想坐耐少少，揀無乜人去嘅許留山就啱哂嘞。芒椰蘆薈爽，呢杯嘢由中學個個禮拜都飲，到到今日突然之間發現原來已經成十年冇飲過，十年黎個味依然冇變過，蘆薈依然咁滑，椰味依然咁香，芒果依然咁甜。

路過始創中心地下，發現了這間許留山新店，裝潢以芒果黃為主題，有別於一般分店。被期間限定的新產品綿綿雪燒吸引了目光，其外形有如玉子燒般，蠻有趣。看到正價$40有點卻步，幸好消費滿$15可用$28加配，遂買了杯西瓜蘆薈爽。對這個玉子綿綿燒很好奇，於是走到廚房門外偷看（拍），幸好沒有被阿姐驅趕。原來是從雪櫃拿出冰凍的棉花糖和雪糕，再用火槍輕輕燒溶表面，有如火炙玉子燒般。芒果綿綿雪燒 $28綿綿雪燒是一個公整的正方體，體積比想像中小了點，微焦的外皮真的很像玉子燒！！本以為像火焰雪山那般軟和甜，原來這棉花糖質感較紮實，真的有像玉子燒，而且不會死甜；微暖的棉花糖包著冰凍的雪糕，未至於冰火交融，但口感不俗。回家查看這間跟許留山合作的Prep Time是甚麼料子，原來是主打無添加手製英式棉花糖。從小到大對棉花糖的理解是冒險樂園那些絲絮狀的和BBQ時燒那些一塊塊的，這款英式棉花糖的質感則介乎兩者之間，入口溶化，口感輕盈，頗特別。很快便吃完一客綿綿雪燒，完全不覺甜膩，還可以吃更大塊！不知道這間Prep Time還會推出甚麼棉花糖製品呢？

今日去左始創中心地下新開o既許留山, 試下佢同合作Prep Time o既作品~ 芒果綿綿雪燒。向來我對芒果都麻麻地,去襯許留山都唔會叫有芒果o既野食,不過今次加埋Prep Time o既英式手製棉花糖,食落煙煙韌韌好有咬感,唔會太甜,加上係即叫即燒, 唔會雪到硬板板, 唔錯唔錯,大家快d去試下啦^w^

芒果撈ya63照舊有椰果加生果舖面，但香芒部分的撈ya就轉變成粒塊，明顯將價就貨了，有點失望，幸好還是好冰凍，芒味濃。多年無食，已由當初的3x漲價到63也真夠誇張。燕窩雪烚59凍食不錯，還加了蓮子，但不算抵食，燕窩要自加，尚算清潤。