譚仔三哥米線 (338 Apartment)

营业中

休息中

星期五在公司食午餐，和同事商量後決定叫譚仔三哥外賣😄 我點了煳辣湯底十小辣轉薯粉，配腩肉加肥牛😋 我之前一直食開清湯湯底，但試過煳辣湯底之後就返唔到轉頭😅😆👍薯粉亦都好好咬口，口感好強，亦好飽肚😄👍腩肉同肥牛之間我比較鍾意腩肉，腩肉有啲小軟骨，但其實肥牛都唔錯☺️ 我幾乎每次都點呢兩樣😆我哋另外亦有再加點一盤湖南土匪雞翼，一共5 隻，雞翼平均都幾大隻，而且非常之惹味😋我和同事都好鍾意食😋😋😋👍

行經上環見到譚仔三哥出左新產品-撈紅薯粉，辣度可以揀走辣。紅薯粉裏面既材料鴨掌，夠晒淋，而且去骨，夠晒貼心👍紅薯粉好好食，唔會太硬，撈埋d辣汁夠晒入味，唔食得辣既記得走辣，因為少辣都好辣架🙈

琴日好肚餓，事但見佢推介就買。原來外賣少咁多，牛肉又老又硬，配菜又少，麵又少，原完唔係個回事。唯一好既係湯熱，麵湯分開上。下次再試堂食，如果唔Ok先決定唔再幫襯。

天氣凍凍地，想食返d熟辣辣既野，行經餐廳門口，見到有推介火鍋米線，所以同朋友去試吓我地order左魚片鴨血鍋，火鍋包埋2杯飲品、2個小食、2碗粉（可揀米線或薯粉）味道相當唔錯，辣度都恰好👍

在上環體育館打完羽毛球後，一出體育館就見到對面有譚仔三哥，店內環境很大，基本上都不用排隊，而且職員服務態度很好，積極介紹餐牌裏面最新的菜式給我們，不過我們還是喜歡吃散叫的米線，當天叫了蕃茄湯底的米線，濃濃的蕃茄味，讓整個菜式增添了不少滋味，我一直都覺得譚仔三哥最好吃的就是貢丸和肥牛，果然冇令我失望，而且也叫了一個特別的飲料（下圖），十分好飲，而且外觀也很有創意，下次打完球之後，一定會再去多次譚仔三哥，這個變了我每周的必去餐廳了

星期一約朋友放左工去食個quick dinner…於是決定去上環譚仔新舖食下質素點，見到有個優惠好抵，就係叫一碗四餸米線，就可以加$20有個單餸米線，仲可以半價加個個半價叫大份土匪雞翼，一人一碗米線（一份三餸，一份兩餸），真係超飽超抵食

第一次試上環呢間譚仔三哥，有工作在身，所以自己一個過黎食晚餐。😂好多單人位，坐得幾舒服。環境唔大，但又唔會覺得迫。姐姐做野都好快手，出餐速度都ok。👍🏻腩肉，炸醬，湖辣十小辣 ($44)食材無問題，一如既往既唔錯質素，湯底都好夠熱。😆係個十小辣反而無平時咁夠辣，湯底都唔夠平時濃。不過都唔錯既，係個米線我覺得唔夠爽！奶蓋芒果爽椰香甘露 (加配$13)呢個我第一次試，芒果味係有，但唔係好夠，椰香味都唔算好突出。不過甜度適中，配料都爽口，13蚊可以接受。😁

岩岩去完外地返黎特別想食三哥 係其他地方唔會有既味道🥲.唔可以堂食都想叫個外賣頂頂癮呢間分店都幾忙 大約等左15mins終於拎到我碗米線🥺.不嬲都叫開竹笙蕃茄湯中辣小米竟然比我見到新加左配料 - 肥牛唔考慮喇 即加🤣🤣🤣.蕃茄湯水準穩定 香濃 又有大大舊蕃茄肉忍唔住要飲幾啖湯 而且唔會口渴口乾相信係冇添加味精既!竹笙都係我叫米線既首選因為可以吸晒啲湯 正啊😍😍😍😍😍. 新配料肥牛 其實都係正常肥牛不過我真係好鍾意食肥牛 所以叫埋🤣.真心希望三哥可以出啲product 比外地既朋友都食到咁好食既米線🥺🥺🥺

每日每時都充斥著一個阿姐的聲音，非常吵鬧。阿姐任何事情都要管，每句話要大喊三遍：過來坐！落飛未！安心出行掃咗未！出去買單！出去買單！出去買單唔該！在這裡食真係壓力好大。希望阿姐明白，大嗓門不代表熱情，甚至非常不禮貌。客人唔係幼稚園小朋友，無必要比咁多指令。明明人地起身要去買單，你對著人地大吼三次出去買單。明明幫人地落緊單，還未做完手頭工作，又要大喊大叫對其他客人發號完全無必要的指令。真係讓人心煩。

午餐想方便快捷我最鍾意食米線🍜 一向喺譚仔三哥忠實粉絲嘅我咁啱推出左新既米線❤️ 香麻辛辣配搭好似幾特別咁我就試吓啦😚PS見到大大個Jeffrey 代言我唔係Fans都覺得好Charm🤣 每間分店Cashier 隔離都有Jeffrey廣告既A5卡比大家攞返屋企架💓⭐️ 砂砂湯肥牛鹿茸菇米線 🍲砂砂湯底一飲落去濃郁嘅感覺湧上嚟🌶 百感交集又唔會太重口味👍🏻 肥牛索晒啲湯汁好過癮🐮 鹿茸菇平時比較少食但係菇味好香濃🍄 仲有啲滋補嘅感覺好值得一試💕⭐️ 煳麻辣椒豬肚 🥓辣中帶麻感覺好刺激👻 豬肚口感好爽口好正😋⭐️ 奶蓋芒果蒟蒻椰香金露 🥭好似一杯飲得嘅楊枝甘露🧡 消暑得黎又解辣❄️ 估唔到三哥有咁高質嘅野飲

試下譚仔三哥最近出既新款野😋🐮 砂砂湯肥牛鹿茸菇米線🌶 煳麻辣椒豬肚🥭 奶蓋芒果蒟蒻椰香金露特登叫唔辣想試真d個砂砂湯底真係好香濃好惹味呀😋中意食香濃惹味既朋友仔一定要去試下呀🤤有唔少既肥牛同鹿茸菇好足料👍🏻鹿茸菇好爽口而且肥牛亦唔會韌每一啖都食到香濃既砂砂湯味好正呀🤤而煳麻辣椒豬肚就夠哂香辣爽口🌶食完辣野飲一飲冰涼又香甜既奶蓋芒果特飲中和返口裡面既辣成個午餐就完滿了❣️

食得都唔期望咩好招呼，基本禮貌都有掛！一入去自動自覺，安心針咭自已攪掂。坐底揮哂手都冇人理，到個肥亞姐同前兩張枱落完凍飲，叫佢過嚟寫埋，佢話要轉頭先！？得果兩步路都唔行？咁我望住佢睇吓咩咁忙啦，佢就行咗入廚房。果時已經想走。跟住有個推外賣單出完去嘅亞姐返入嚟。咁算，落咗單。咁我就望住個廚房位等食。個肥亞姐又走返出嚟包外賣，又話轉頭嚟落單？佢繼續包，我繼續望等食，佢走埋嚟問我：你望咩？嘩？要落單果時又唔見你即刻行過嚟喎？！一路食發覺原來肥亞姐淨係企係出菜位做包外賣，其他員工做佢跟班行出行入接佢啲外賣包。如果係經理唔做落單，咁叫其他嚟落囉！食譚仔咁耐都唔知有個咁嘅特殊職位！咁唔鐘意就咪做啦！

適逢情人節，商家都諗一D噱頭吸引客人，譚仔三哥近幾年情人節都做二人餐優惠，仲送搞鬼辣味朱古力。有情人的可以要一份，沒有情人的都可以與好友同事或家人分享，所以能夠吸引不少人幫襯。套餐包括一碗過橋米線、三隻土匪雞翼、一份細木耳、一份細青瓜及兩杯特飲，仲送上兩粒辣味朱古力。兩人分夠飽的。食物跟平時水準一致，沒有甚麼特別，但想講講辣味朱古力和特飲。🍫辣味朱古力外表亦整成辣椒樣子，夠特別，包裝印有龍島的標誌，食之前有過一點期待，但⋯⋯食咗一少啖發現味道似花椒味加少少白朱古力力的感覺，有夠奇怪。食剩一半發覺朱古力有點像蠟筆🖍️🤪🍹特飲-葡葡烏龍茶飲落感覺是沖到好淡的烏龍茶加葡葡果醬，所以不能話烏龍味好濃。總括來說，呢餐都算可以接受，偶爾有點新意刺激一下都好既。

打算叫個餐，唔該左四次男服務員，一次扮望唔到，三次經過但係唔理我西口西面，其他較我遲入黎ge客人已經點曬，冇嘢講其他嘢冇咩特別其他服務員冇問題，服務態度都幾好幾熱情

2021年10月18日 晴午餐唔知食咩好首選一定係譚仔。今次叫左三送: 魚腐, 腩肉同生菜。魚腐都係中意食譚仔呢款, 中間軟軟又有d 咬口, 吸曬湯汁, 一流不過今次食中辣都唔算太辣, 都係中意食大辣多d 。