譚仔三哥米線 (奧海城二期)

营业中

休息中

米線爽滑彈牙,非常美味。雞肉鮮嫩多汁,烹調得恰到好處,令整個菜式有種清新爽口嘅感覺。配搭上脆脆嘅生菜葉,更添一份清爽感。 價錢平民,既健康又美味,堪稱係一道優質嘅快餐選擇。對比其他油膩膩嘅快餐,呢碗雞肉生菜米線絕對可以一試!

喺奧海城放工又有點肚餓碌下手機app 見到三哥堂食用餐又有優惠就入去食啦坐低用手機app 點餐堂食或外賣自取滿$80 減$20點咗個過橋米線$58加豬膶$7 同埋加豬肚 $7叫多杯凍檸茶走甜 $10加埋 $82， 減$20，埋單都係$62清湯再加佢餐廳本身有提供嘅辣椒油，好惹味另外加咗豬膶，真係有加到，加完都食到有十塊左右加豬肚都有四大舊而凍檸茶叫走甜又真係有走到整個用餐經驗良好店員態度有禮唯獨餐廳就比較有點焗促好似而家天時暑熱真係要多啲冷氣先食得舒服有呢個優惠下可以食到咁大碗又多餸嘅米線，性價比好高會繼續幫襯

好耐無食米線了，今日就趁放假去咗三哥到食。酸菜湯好DuckDuck🦆🦆米線1人餐🫕呢款米線用料豐富,有煙燻鴨胸同鴨腎花。湯底揀左🔟小辣🔥，湯頭都夠酸，酸菜非常之多。米線本身彈牙有嚼勁，鴨腎花幾爽口，鴨胸則帶少許煙燻味，整體味道都唔錯。黑芝麻奶蓋豆乳特飲🥛豆奶的確可以幫助解辣，但奶蓋黑芝麻味道唔太特出，豆乳嘅味道亦唔夠濃郁。自選米線三餸:炸醬,貢丸,魚腐🍜揀左3️⃣小辣嘅麻辣湯底🔥🥵，米線轉左做扭紋薯粉。薯粉幾煙靭，可惜貢丸🍢比較細粒，魚腐表現尚可，炸醬依然好食，我地講笑🤭話可以買嚟搽麵包。嚟三哥主要都係食下情懷😎，回味下佢啲湯底同炸醬，希望下次有機會再試下其他新菜式。

路過奧海城又差不多到晚飯時間見到間譚仔三哥入面冇咩人就入去食啦用手機app 自己掃QR code 落單見到佢有個煙鴨胸鴨腎花米線佢有個餐係包飲品就即管試一次啦個湯揀咗酸菜加麻辣五小辣加豬潤餐飲就要凍齋啡走甜落單後大約五分鐘就上菜碗米線望落就幾靚仔另加嘅豬潤數落有六至七片仲有幾塊沈底，未能盡錄鴨腎花有四塊幾好食，鐘意食內臟嘅一定啱食而鴨胸就有五塊，不過就薄切而湯底就好多酸菜加埋辣椒粒同埋五小辣酸酸辣辣咁真係幾開胃不過湯底就小咸而杯齋啡就真係有走甜整個餐埋單$62 店員態度有禮每當有客人入舖都有greetings埋單後都有講多謝店舖整潔企理會再幫襯

行到奧海城，去到晚餐時間記得三哥手機落單有優惠就去咗附近間三哥食飯一坐低就先用手機三哥app scan 侍應俾嘅QR code再落單落夠$75，就可以減$15叫咗個過橋米線，清湯再加個豬肚，豬潤同埋韮菜睇返碗米線加豬肚，數返都有六至七條仲有少少匿咗喺米線入面而豬潤都真係有多到數落都有八至九塊食落都仲搵到兩三塊匿咗喺米線入面而韮菜份量都明顯多咗好多食極都仲有小小唔好嘅地方係間餐廳都好似冇開冷氣咁食緊中途都滴緊汗同埋個餐廳地理位置令訊號收得冇咁好手機落單都要啲時間等最後埋單 $75 - $15 = $60

今日餓底試左呢個酸菜湯好duck duck米線 佢既酸菜湯都好入味 但湯做唔到米線掛汁 就覺得差咁D 而鴨胸肉同皮係會分開 而鴨腎花切開左變到無左原本鴨腎既口感 如果唔係特別鍾意鴨腎同鴨胸肉可以唔洗特登去試 如果揀譚仔三哥最好食既一定係水煮湯鴨血米線 ☺️好想譚仔再出返呀 ！ #餓底食米線

天氣凍想食d熱野, 叫左蕃茄湯米線, 加生菜木耳冬菇魚片, 隔一陣碗野送到, 飲啖湯先, 蕃茄味濃, 少少酸酸地, 再食米線, 又唔會太淋, 啱啱好, 再食生菜木耳冬菇, 正正常常, 冬菇有陣香味, 再食魚片, 有咬口爽脆, 好食👍👍不過杯咖啡就麻麻地, 飲落去有陣酸味, 所以都無飲晒😅, 不過可能時間尚早亦係閒日, 都好多位揀來坐🤣

回～～三哥又出新米線喇等我又試試先🥳🍜 #回鍋肉笑蝦蝦麻辣湯米線今次呢個米線嘅食材好豐富😍！有腩肉、爽脆蝦仁同鹵豆干🦐，以獨特秘製嘅香濃醬汁猛火即場快炒，全部都係即叫即炒㗎🤩 加上五小辣起跳嘅麻辣湯米線，名乎其實香、麻、辛、辣🔥！🐷 #落力為你烤豬頸肉三哥姐姐落力為你烤出「黃金六両肉」-豬頸肉🥳 豬頸肉以秘製醬料醃製，再原件燒烤至焦香，仲有啲脆邊㗎🤤 仲有醎香「十三香淮鹽」及同酸辣「泰色辣椒醬」配住食，夠晒惹味喇😋🥥 #櫻花珠下Say椰忌廉梳打Say yeah～ 米線太辣唔緊要，飲返啖櫻花珠下Say椰忌廉梳打解辣喇🤗 三哥以懷舊冰案嘅忌廉溝鮮奶為靈感，改良製成呢款新飲品🥤！椰汁奶蓋滑溜香甜，加上Q彈清新嘅櫻花珠珠🌸，推薦！

🍜 #譚仔三哥我係預言家，我測到你想食酸辣湯米線🪄🔮！ 最近三哥又出新嘢🤩 係由 #狼人殺 王子 #邱鋒澤 代言嘅 #三哥酸菜鯛魚米線 😆！身為三哥fans同 #蜂蜜 （鋒澤fans），緊係要去「一戰酸鯛」🤓🍜 三哥酸菜鯛魚米線配 1餸 （$51起）湯底好味、魚片夠鮮😋！ 呢個係正宗嘅重慶渝派川菜，混合咗客家酸菜、小米泡椒、新鮮鯛魚片同埋辣香蘿蔔乾，完美融合咗酸、辣、鮮、香，成為呢碗三哥酸菜鯛魚米線😎 辣度由 5小辣起，除咗可以增加辣度，仲可以另加1-3款自選食材㗎😙🐷 香烤豬柳（原味）/ 香烤火辣辣豬柳（10小辣、3小辣）（$16@）香烤豬柳超好味😋！ 秘製豬柳加人咗孜然粉、辣椒粉等等多種中、西、日式調味料，豬柳外層焦香微辣、内層肉質嫩滑，好味！🤩 另外仲有香脆辣椒花生，好似食緊笑口棗咁，又香口又脆🤤！☕️ 椰香奶蓋咖啡（單點$17/加配價$13）呢個咖啡夠香又唔苦，椰香奶蓋creamy幼滑，撈埋一齊好香滑！

大角咀應該有兩間譚仔三哥一間係大全街👎🏻一間係奧海城👍🏻兩間都岩岩裝修完畢環境都舒適但味道就差好遠奧海城呢間譚仔三哥麻辣湯底濃郁熱辣辣食材新鮮好味米線爽滑彈牙 整體整個過橋米線好好味😋識食一定要食麻辣去到見到有個好底食推廣指定辛辣過橋第二碗半價價錢上係吸引既👉🏻👈🏻但我鐘情於麻辣

三哥終於裝修完❣️有一段日子，以為佢好似我樓下間便利店咁結業🥲 原來只係短暫翻新🥹 一見到佢有新面貌就來捧下場 👏🏻新環境好靚😊好搞笑～ 又整呢啲字不過都唔夠最吸睛嘅牆身，用英文字寫上「譚仔三哥」— TAM JAI SAM GOR成件事high class咗🤣🤣🤣剛好比了呢塊牆身嘅位置比我坐！唔係唔打卡呀嘛？應該係虎年最後一餐嘅譚仔三哥今日咁凍🥶 係要食湯粉嘅🍜 係要食辣嘅🌶食物就不多作介紹了，反正不是新出的，也只是我平時愛吃的三酸湯底、雞肉、豆卜、凍檸茶今天最主要想分享裝修後的環境

阿姐服務超差，買外賣慘過丐食，買外賣張單完全冇價錢，違反商品說明條例。其實只係嗌咗兩個餸，可以喺出面熱辣辣咁樣等，等半個鐘。但單號仲係有40張咁多。擺到明就係廚房做嘢真係太慢。我哋喺度搜尋自己外賣到未，跟住個經理勁囂張咁話，如果唔係堂食或者係俾錢就出邊等。因為我哋係行開咗諗住返轉頭睇吓外賣到未，並唔係有心去阻住佢樓面操作，但嗰個所謂經理嘅態度實在不能接受。我哋話退錢 佢係驚到搵個背脊背住我哋完全唔敢回應。都唔明點解呢間鋪可以生存咁耐。今時今日呢啲咁樣嘅經理，所謂經理服務態度真係唔得。有個堂食嘅食客買單俾錢 仲要話我哋好嘈，我覺得個食客根本冇將心比己，如果佢試吓喺外賣等半粒鐘，出邊仲要熱到30幾度，睇下會有咩反應。今時今日呢啲咁嘅餐廳真係唔食好過食。

晚上7點26分落單外賣自取5隻雞翼+一份生菜。見號碼一直無咩變動，過咗25分鐘再返回睇下攞得未。剛發現仲未有得攞，個店長一句車埋黎：外賣嘅話出去等！ 佢依個所謂店長，首先趕客前唔該阿姐佢睇下個客幾點落單。第二，同樣一句，如果佢識講：同你地去廚房跟跟，大家都好黎好去。叫班阿姐退錢，個個就收聲。所有分店堂食和外賣都唔會再幫襯(期間有個男仔出聲話我太嘈，嘈到佢。其實你唔知個full picture就唔好咁多事啦，你堂食坐低等25分鐘都未食得嘅話，你先出聲啦唔該你)

今次又黎到我最愛既三哥，冇試新品，食返平時最愛搭配——雞肉麻辣三小雞肉嫩滑，顏色偏白。比較少軟骨位，不過咁就最好，因為我麻麻地軟骨haha😹😹呢一間分店既米線水平參差，時好時壞。有時米線會過硬，有時軟硬適中，真係幾睇彩數🤔🤔今次食既米線唔會太冧太硬。至於米味，統一批發返黎既米線水平都係一樣架啦🤔有少量米香味。最後就係湯底啦。麻辣湯底帶點麻香，伴隨住香辣味既刺痛感，十分惹味。不過我就唔係好食得辣，所以都係叫三小算啦🥲🥲

譚仔呀姐一向出名有鄉音同冇乜禮貌。大角嘴呢間真係冇得頂，一路食住野一路問我野，本身講野有口音都算，成口野食對住我講野，我話你食完再講野啦。每個呀姐都坐晒係度，你地開門做生意，係咪應該留幾個呀姐企出黎去服務客人？今日叫左兩個外賣，要分開放，因為其中一個我要送去比其他人，但呀姐又將兩個外賣放埋一齊。後邊同佢地講分開兩個袋，點知一個袋有餐具一個袋冇，都唔知佢地係唔想做定hea做。 成班呀姐又懶又冇禮貌。譚仔老細唔該處理下！