影片
营业时间
今日营业
07:45 - 22:00
星期一至日
07:45 - 22:00
以上资料只供参考，请与餐厅确认详情
虽然已经推出咗好耐，但直到今日先有机会试。本身惊佢好辣，不过只系10小，仲可以走辣椒圈，完全handle到。点咗化骨仙掌燕饺捞薯粉，真心觉得好掂呀！超级惹味！劲开胃，我嫌唔够多份量可以再多啲𠻹！虽然近年啲人批评谭仔（3哥）质素好似冇以前咁好，但偶尔都有佳品！呢个捞薯粉喺佢转Menu之前睇吓可唔可以食多次先，哈哈
继续阅读
深水埗一人食咩好系列 谭仔三哥下午茶，简直系抗通胀，穷人恩物，每日下午1430 到 1700，有下午茶，除左有平时见唔到捞油面，炸酱午餐肉饭蒜泥白肉捞饭之外，仲有薯粉。 但我最中意都系： 2𩠌米线(腩肉，鸡肉)+土匪鸡翼+香草鸡翼+热柠檬水，咁都系$43蚊，另外自己再斟多2杯热水，如果杯柠水饮晒，就再将热水倒返落去杯柠水度，变相又可以饮多2杯。 任选两款小食个度，虽然有蒜泥白肉，不过太油，最抵食梗系选两款鸡翼😂P.S. 呢期优惠用会员app再减多$5
继续阅读
食厌左西式早餐，谂黎谂去唔知食咩好时，入黎三哥食个两𩠌米线早餐先。叫左猪润火腿少米线，糊辣十小辣，加多士，热奶茶多奶。盛惠38蚊。咁富丰盛既早餐都唔过40蚊，抵啦。猪润爽口，仲有我最中意既糊辣汤底，浓烈既糊辣味，真系好正。少米线份量岩岩好。食完个米线再食埋块多士，成件事好完满，满足到我想食多士，又唔想食西式早餐既心情😂奶茶要叫多奶，因为呢间d奶茶偏苦茶味比较浓，所以多奶对我黎讲味道岩岩好。呢间谭仔姐姐都比较亲切同有礼貌，唔知系咪因为邨屋商场舖做开街坊生意既关系，态度普通都比出面街舖既友善得多。
继续阅读
谭仔三哥米线相信大家都好熟识最近新出既热锅你地又试过未呢~火加哥热锅有3个味分别系水煮鱼片鸭血锅、蕃茄汤肥牛鱼片头锅同今次我就简左蕃茄汤底三哥既番茄汤底一向都系我至爱热锅系2人用套餐 总共$98每个本身有京白菜、豆卜、青瓜、云耳、唐芹同芫茜材料都几丰富套餐亦都包括1款2𩠌特色热锅+2款自选𩠌(total4𩠌)+2款特色小食+2份主食同2杯热饮𩠌方面我推荐鸭血同午餐肉!!加落蕃茄汤系劲夹!其他𩠌我就拣左响铃同墨丸主食就米线同+$5既乍酱饭米线本身已经煮熟左 可以将热锅既汤淋系米线或者饭上面一齐食乍酱捞饭都唔错 可惜乍酱得好少而且个饭偏干同硬其他就同平时食开既米线冇咩分别我地仲+$6升级特饮打边炉就系要饮冻野先爽!另外个火要15分钟就换一换燃料，见D员工要系咁换火都邓佢地辛苦整体泥讲系几得意既但套餐限制左加𩠌数量如果可以加多几款𩠌就更加有打边炉既feel啦~
继续阅读
香港数一数二三哥米线连锁店。店舖经常要排队等位。推出了新产品2人火锅，有3个口味，今日试水煮鸭血鱼片锅，味道中规中矩，皮蛋出色，醋云耳最爱，小食酱汁岀色，就味道重了一点。
继续阅读