譚仔三哥米線 (晨光大廈)

营业中

休息中

呢排午餐迷上呢度的下午茶！除了平都平價之選！每次都有一張小食券留下次食，雖然分量唔多，但都幾難得！👍🏻呢度湯底選擇多，食麻辣悶咗我就鐘意選擇糊辣！好濃胡椒味，咁凍食好暖粒粒！👏🏻加兩蚊有飲品✌🏻仲可以走冰👍🏻一餐埋單都係30幾☺️值得繼續幫襯！

糊辣既感覺就好似食串串加左d七味粉辣粉既感覺，話辣唔辣，不過夠惹味，而且好香好開胃，如果未食過既朋友，我絕對絕對推薦(๑•̀ω•́๑)其實糊辣由5小到小辣既差別都唔太大，只係味重dd，今次嗌左雞肉糊小，雞肉都幾多，但米線未夠完美，可能因為午市多人得濟，糊辣既湯係會飲上癮(ฅ´ω`ฅ)飲完一啖又一啖，加埋米線，冬天食成個人暖曬￣﹃￣，下次諗住食重慶酸辣，因為未食過，所以未決定食咩辣好(๑•́ ₃ •̀๑)

不嬲都好鍾意食譚仔，特別係冬天。食完特別暖粒粒，超正呀而我最愛既譚仔就係呢間！點解？因為有超可愛既忌廉哥呀。而且呢間既譚仔呀姐服務超好又有禮貌。不嬲食開大碗既大辣，貪佢咩送都有，又平又大碗。岩哂我呢d選擇困難症既人士啦。大大碗，食完都勁滿足啊土匪雞亦都係黎譚仔最重要既原因。雖然要等15分鐘，但姐係代表係新鮮即整既。一上台熱辣辣，勁大陣孜然味，咬落皮脆肉嫩又多肉汁。譚仔真係又平又抵食既代表啊唔使100蚊，就已經好飽了。

受到老婆嘅感染，搞到連我都好鍾意食三哥。今日早收工，所以買三哥外賣翻屋企食。由於系路途有一定距離，所以我選擇咗分湯，米線就無謂影啦，我今日揀咗三哥酸辣湯底加木耳絲走韭菜。三哥酸辣嘅湯底其實唔算辣，係酸酸地有少少刺激，超正！！當然仲有我最愛嘅土匪雞翼，雞翼外皮香脆乾爽，內裡肉質嫩滑juicy，基本上我次次食三哥都一定會點，絕對係我嘅至愛！另外叫咗個一人小食，口水汁青瓜。其實係中口味，所以唔會辣，青瓜又爽脆，唔覺唔覺就成碟食曬。三哥，我愛你。

一直都支持食"三哥"的米線, 昨晚我一行4人響觀塘康寧道,3樓你果間舖食. 我地坐𥦬邊位第二張枱. 食完後繼續坐一陣同朋友傾計, 你清理好我們桌面之後, 見我地未走, 又坐響冷氣位下, 就開大個冷氣, (坐底前係無開), 明顯係想要凍到逼人走. 因為我坐半個鐘以上就要趕人走嗎? 場內其他位置仍有空缺都要咁做. 令到我現在冷傷風了. 另外，我行去埋單時,伸手去試下其他冷氣風口位, 發現只有我坐位的一部開得特別大風. 要求顧客走可以出聲, 用埋D陰招。

好少會咁既叫法, 我叫左牛肉同腩肉, 好肉肉湯底叫左酸辣, 十少辣.牛肉都叫林, 不過味唔濃, 不過不失.腩肉我食開譚仔, 我覺我譚仔既腩肉好食D, 因為切得好薄, 而且佢用既調味,做得好濃味.相比之下, 三哥既調味就失色了.不過如果你鍾意食淡味既, 可能三哥會岩你~另外, 我上次黎工哥時係叫魚腐腩肉, 當時既腩肉份量明顯比今次我叫牛肉腩肉多......係米因為2個都係肉, 所以少左呢??

來到譚仔 (三哥)，和同事們到達的時間已經是2:50。有人想點蕃茄湯底(下午3點才開始供應啊～)，想早點下單，阿姐早一分鐘都不肯，按規辦事Ok 的，但態度真的可以好少少，而且還等了很久。⋯⋯幸好味道不錯(聽說)。我點了過橋米線⋯⋯是我去過這麼多次之中最最最大碗的！那煳辣湯底有點淡(比起之前)而那凍檸茶有點怪，有點變異了的酸，快吃完之際，不小心從我的位置看了廚房的運作，員工在切檸檬，難道⋯⋯我杯中的是放到最尾水的材料？

番大學既時候，有一間米線掘起，提起佢個名，相信無人唔識，而且總有一間係左近，佢就係譚仔，然而譚仔又有分有三哥同無三哥，以前朋友成日會比較邊間好食d，但我覺得兩間各有特點，可以今日食譚仔，聽日食三哥。今日，補鐘早收工，黎三哥食番個lunch先，平時夜晚七八點黎好full，今日下午三點黎，所以無咩人，一個人坐四人枱，爽！唔好問我點解三點先有lunch食，有得食已經好好。今日工作辛苦，豪d，叫左竹笙三哥酸辣！點解係豪d，因為其他食材係5蚊，竹笙係7蚊架！竹笙索晒三哥酸辣湯，我已經分唔到係辣定熱，不過係好味既，辣度對於我來說剛好。三哥酸辣湯係三哥既賣點之一，酸酸地十分開胃，和普通酸辣比，更重辣味，而且感覺加入了較多香料。再追加12蚊既麻辣木耳！爽口，辣得過癮。另外，譚仔三哥做緊優惠！兩點後，叫一碗米線即送野飲，抵！呢個都係我選擇三哥原因之一，食辣食到熱辣辣，凍飲很重要，你懂的，哈。

叫得飯堂就緊係周不時都會去食下架啦我諗除左我地，譚仔其實都係唔少人既飯堂，平平地又一餐呀嘛！不過好唔好食同坐得舒唔舒服就間間都唔一樣啦......我地好中意黎觀塘既呢間同忌廉哥crossover既三哥譚仔嫁，貪佢地方夠大坐得舒服之餘，每次食物既份量都好足！！！我地大多數都會叫個過橋套餐加個小食同飲品，特別餓個日就會加多個小食/加底，通常都唔洗過百就食得好滿足架啦小食當中我地最中意order既係尖椒皮蛋平有平食，貴有貴食，其實最主要係睇下同邊個食既姐

因為下就去apm睇戲，就諗住係觀塘附近食午餐，由於一直係三哥的忠粉，就一於黎附近呢一間未幫襯過的三哥食晏。一入到黎就見到好大個三哥同忌廉哥的figure, 好得意！由於我地黎到已經係下午兩點，過左lunch hour,唔洗等位。我叫左雞肉酸菜三哥酸辣，一黎到飲啖湯，好淡！係又唔酸又唔辣果隻淡！自問係三哥的忠粉，但呢碗個湯底真心失望！朋友嗌左普通酸辣，我飲過一啖，又係好淡味，比其他分店的質素真係差好遠我諗我絕對唔會有下一次機會再幫襯呢間三哥

我個人真係好鐘意食譚仔 可能因為本身都鐘意食米線 而且價錢經濟又實惠 今次就去左觀塘依間譚仔三哥 由於都幾肚餓所以諗都無諗就嗌左個過橋米線套餐 10 小辣再加杯凍檸水 一共 $58 蚊大件夾抵食 三哥 d 碗個樣好似唔同左 而且不得不説 三哥既套餐配料既份量的而且確係比譚仔既份量要多 食落去米粉比較有口感 所以如果有得揀以後應該盡量係去三哥會係好食少少

叫左一個套餐酸辣湯底和土匪雞翼，酸辣湯底好正，酸酸辣辣又吾會太咸，豬潤不會太韌，雞肉好滑，墨丸魚蛋好好味，又有乍醬和酸菜，土匪雞翼好入味，雞翼兩邊又不會太窿，雞翼皮脆內嫩。

不嬲都係譚仔3哥狂熱分子，吾知點解就係有種癮。今次經過觀塘，見到原來忌廉哥既分店就係依度，就順便食埋個lunch最愛3哥既湯底就係3哥酸辣同埋煳辣。今次嗌左煳辣竹笙 最正係煳辣可以嗌辣度 我就嗌左3小。好爽竹笙份量都多，加上吸晒啲湯底一咬就更滿足了 。煳辣個味係好似土匪雞翼陣味，孜然粉既香氣。今次嗌左細既蒜泥白肉，同朋友吾夠食囉。細真係吾多塊，所以嗌大就大滿足啦依間分店除左食好正既米線同白肉，仲可以同忌廉哥影相，好開心！

當日病病地，想食得清淡一D，於是淨係叫左個清湯金菇米線，大大碗，湯底十分鮮味，略帶微咸，腐皮煮得好腍但又唔會爛曬，芽菜脆口，米線粗幼適中，滑溜彈牙，金菇既份量亦都唔少，食落爽口帶有清清的甜味。整碗米線雖然簡單，但各方面都做得好好，最後加多杯凍檸茶，埋單價錢又實惠，是很好的貼地之選。

食譚仔一定要食三哥，呢間仲要同忌廉哥cross over。三哥個三哥酸辣湯底係必叫，以前得麻辣湯個種辣我覺得好化學，好似叫十小五小個湯都係米白色，d 麻味唔個點黎咁。但係三哥酸辣就好唔同，係有辣椒紅卜卜gei，呢種辣味先岩口味。每次都會叫雞肉米線三哥酸辣，再加土匪雞翼同白肉，佢gei 小食都真係幾好食，不過就要等耐d la，同埋有時都會有漏單情況，等太耐都要同姐姐追追