譚仔三哥米線 (軒尼詩道)

营业中

休息中

琴晚有朋友介紹話 「三哥」特辣更正，今日就來挑下機先🌶️🔥💥 #麻辣女子二人組今日叫咗 「魚腐+酸菜」特辣米線🍜三哥係辣過「譚仔」，但係中意「麻」方面的話就會係後者✌🏽✌🏽✌🏽 如果要中意食「辣」當然係前者，真係會辣到有鼻水，但好似其他YouTuber 就冇，都食得哂既⋯至少杯檸茶係外賣走😝仲叫咗「蒜泥白肉」okay wor ，好夠濃味！青瓜都係normal la正常野⋯⋯😎P.S:❤️ 頭幾啖食就覺得「譚仔」較好，但食落後發現「三哥」既辣越食越過癮，最後「三哥」勝。但中意「麻味」重就要考慮譚仔啦🙏🏼 譚仔三哥米線 (銅鑼灣)地址：銅鑼灣軒尼詩道439-441號香島大廈地下大家有更多食「辣」好地方，不妨推薦俾我地試下😚#TR90達人#怎吃也不胖#肥dodo食記

所謂「活到老學到老」，本局長以堂堂局長之尊，都不忘增值自己。是晚本局長於銅鑼灣進修，放學後身心俱疲，饑腸轆轆，遂決定吃碗米線補充體力。本局長著小二來一墨演懶肉片圖薯粉，煳辣湯底走韭菜，凍檸茶。墨丸大粒軟熟可口，腩肉半肥瘦剛剛好，片頭亦軟硬適中。湯底香濃，薯粉煙煙靭靭，但本局長心生疑惑，此粉呈扭紋狀，豈非另一米線店之水晶粉邪？但無論如何，美道是不錯的。總括而言，此米線專門店食物質素不俗，侍應嬸嬸們服務態度良好，本局長體力得以補充，盡興而歸。

【又係你呀三哥?】上星期無咩心情食貴野，放工近近地去食三哥，當然我永遠都係叫煳辣薯粉，見到三哥又出新小食，梗係要試下啦～/🥚煙燻溏心蛋💰HK$10餐牌話隻蛋係用茶葉及赤砂糖燻製，再配上譚仔三哥的秘製辣椒醬。嗜辣既朋友一定好開心，因為真係超級辣，係辣到咩味都冇得辣字，仲要係辣到落喉嚨，冇茶香，冇蛋味😟自問都鍾意食辣但下次唔會再嗌/🥕辛烤素菜卷💰HK$18估唔到三哥都有素食，上碟已經切好四件，見到好足料，有菇菌同雜菜，可以自選醬汁：怕辣就叫重慶口水汁，嗜辣就一定要叫麻辣涼拌汁！我幾鐘意呢款素菜卷，下次會再叫！

自己一直都是譚仔三哥的忠實粉絲，知道最近新出了一些小食便同事們趁午飯時間去試一試。銅鑼灣這一間分店有兩層，不需等候太耐便可以入座，環境尚算舒服。第一下當然要先試一試煙燻溏心蛋， $10已有交易，先用滷水汁滷至雞蛋半熟流心，再加上譚仔三哥的秘製辣椒醬作點綴，香辣惹味，可以一試。三哥（重慶）酸辣湯底冇得輸，每次必點。上面啲咸酸菜真係勁正。尖椒皮蛋是我最愛的小食，酸酸辣辣咁，每次都會食到一椒不剩。土匪雞翼相信很多人都很熟悉了，水準依然。

無論幾時起身，幾時肚餓，只要經過這邊，就會來這裡一下，我點的是清湯底的米線+竹笙還不錯，竹笙挺多的，適合吃不了辣的朋友，我還加了一份炸醬，鹹鹹的挺開胃，朋友點的是過橋米線+微辣，當時店員還提醒說，會有點辣，但朋友本身就是喜歡辣，他心想能有多辣呀、況且點的只是微辣，結果辣度簡直出乎意料之外。

平時諗唔到午餐食乜好嘅話，食譚仔三哥就最岩啦，又平又多嘢揀。今日叫咗一碗胡辣10小辣米線，配料揀咗魚腐同埋魚蛋。胡辣本身用咗好多香料去煲，所以湯底都幾濃，魚腐就係新鮮嘅魚腐黎，唔係機整方形個隻所以好好食。魚蛋夠晒彈牙， $42一碗夠晒飽啊。

因為有朋友指三哥可以走米線, 但是這間分店的店員堅決說不可以, 最後去了雲桂香(仲諗住可以食下三哥). 可能只有這間分店做唔到， 建議喺坐低前就已經問清楚， 費事坐低咗要起身走

喜歡三哥嘅原因係，因為佢有薯粉，三小辣唔太辣，味道剛剛好，今次叫左魚片頭和豆po，我覺得魚片頭少左啲，和比較細舊，成碗份量食完唔多夠飽，不過味道一樣水準。有薯粉食，係佢令我想食嘅其中一個要點。

覓 覓 \_凸_/餐廳定位： 白領，遊客， 學生，高端人口，情侶，街坊，文青 ，長者，健康人士，素食者，毒人如我賣點：服務，創意，地域優勢價錢：大眾化食用方式：外賣，堂食Wifi：不知道上菜速度：快奉送：餐具，調味料裝修：高級版茶餐廳，三哥主題燈光：柔和噪音：一般，可以接受溫度：適中，冷氣些許冷服務質素：服務員充足，勞累，敏捷，貼心。點菜菜式：好，不好過敏原：蔥備註：和green monday推出素食米線小辣有辣味，但番茄湯底很淡優惠：少麵減1元。謝謝你的閱讀與留言因為我是邊吃邊寫的窮忙學生，所以統一用一個格式，再按需要作小許更改。

還可以的米線，無功無過，在香港能吃到這個水準的就還算不錯了。酸辣米線不知道為什麼非常酸，辣倒像是胡椒粉的辣，酸菜和豆皮也沒有防腐劑的味道，整體是健康的。土匪雞翅很多汁，3只24蚊，價錢平。服務態度一般，好像不是很滿意遊客的樣子，只能現金結賬

早幾日都好想食辣野，所以夜晚就去左譚仔到食麻辣米線。佢既麻辣湯底好夠辣味，食完一啖，真係有d麻味停左係口入面。另外再叫左個是蒜泥白肉！勁足蒜泥！而且我鐘意佢個白肉唔會太肥！不過食完要食返香口膠去下d蒜味😂

Eggplant🍆 one of my favourite veggies💜..相信一講起米線，大家都唔會對呢間米線店陌生吧。價錢大眾化`食物份量足`配料種類多`辣度有得選擇，bb辣都有呀 唔知有幾bb呢👶🏻❓最近又出左新小食🍆 & 野飲🍹啦。一向對茄子情有獨鍾💜 好愛吃，任何類型既煮法 我都好鐘意架。哈哈 今次等我捉返朋友陪我試先。ll面頭滿佈住大量蒜蓉，一向蒜蓉焗既野都好好味。而茄子更加要食 因為我飛弗❤️。賣相估唔到咁靚靚 焗得唔差呢；味道好蒜香 又juicy；仲帶點點微辣 18種香料真係唔簡單 好惹味；價錢仲好平 $19就可以試到啦。係咪好吸引呢❓😋ll食得辣野 當然要點飲品來解解辣吧。蘋果酸🍎類似蘋果醋，酸酸甜甜 食辣野岩晒 可以解辣嘛。仲聲稱「解辣救兵 三啖回魂」哈哈。ll另一款就好開胃，好香話梅味。柑桔原來同香梅幾夾 我都幾鐘意。「原粒香梅 潤喉醒胃」 真係愈飲愈開胃呀。2款飲品我都好滿意，加配都係$10杯咋，好抵飲呢。..新口味❤️ 辛感覺🌶 辣得好過癮♨️小二。。再來一份燒茄子呀 唔該😝..

🎶勿演懶肉實小勒，有譚仔歌，點可以冇三哥😂魚腐煳辣米線($36)去親三哥，最鍾意食煳辣湯底，惹味又香濃，好多人以為煳辣姐係胡椒，實情係將香料炒香再煮嘅湯，所以食落有好重嘅孜然味，香口！而且有得揀辣度， 10少辣啱我呢啲鍾意香口又唔食得太辣嘅人✌🏻魚腐係我嘅至愛，魚肉味重，而且彈牙，好有口感🥰解辣蘋果酸 (跟餐+$10)酸酸甜甜好爽，對於唔係好食辣嘅我，簡直係恩物，因為食咗半碗米線開始，都覺得有啲辣，飲幾啖即刻解辣🤩繼續再食都得🤤辛蒜燒茄子 ($19)燒茄子嘅秘密，就係要有耐性，因為茄子要燒得夠淋，就要落油慢慢燒，呢個茄子做到👍🏻加埋辛蒜嘅香辣惹味，好好食丫🤤 正常一個米線都係$35左右，平價食個lunch，細食嘅OL仲可以叫「少米線」平$1下午茶時段仲有素食系列，有機會要試下先

🔅🔅🔅好忙碌的一個早上終於到午餐時間好好慰勞自己去大食一餐譚仔三哥🤩🔸米線控上癮得已經不能自拔了除左價錢合理之外仲要快 靚 正又夠飽🔹<墨丸鮮冬菇三哥酸辣湯米線> 米線份量一直都係咁多不過我每次都會食晒做人一定要有衣食如果有時唔太餓都會叫少米線必叫三哥酸辣湯好正好開胃又唔辣雞肉好滑好嫩份量多仲要完全提升湯鮮甜味墨丸超彈牙爽口好好味～冬菇好新鮮完全吸收湯汁🔸每一啖米線要配一啖湯好快就可以清晒一整碗一個人食米線既好處係等位好快因為可以搭檯

今日係銅鑼灣做啲野, 做完野又係時候食個lunch。呢間係銅鑼灣既譚仔有兩層, 其他分店好少有兩層呢, 佢仲要有啲裝修, 所以都坐得幾舒服。今次係二樓食, 佢上面都算多位, 唔錯。今日就要咗碗墨丸清湯米線。因為本身唔係好食得辣, 所以一直食譚仔都係叫消湯。佢個清湯唔係好濃味啱啱好。而墨丸唔洗講, 由細食到大都覺得好好食, 出面可能會太淋無咩料, 但譚仔既墨丸係好實在既, 食得出係足料。所以食咗咁多年, 無特別想食既就會叫墨丸呢。