譚仔三哥米線 (青衣城2)

营业中

休息中

🚦譚仔三哥（青衣）三哥派舉手🙋‍♀️終於食鴨血！見到鋪天蓋地嘅宣傳仲有好多Foodie介紹🫡期間限定梗係要試一試🫢🩸三哥水煮湯老油條鴨血米線🩸$55（生菜、竹笙、三小辣）7.5/10【我愛三哥】因為係第一次食鴨血，發現原來鴨血真係冇味嘅😂口感類似豬紅不過冇咁實淨最值得一題嘅係佢嘅老油條👍其實我覺得有啲似響鈴，不過再厚身少少🤏我諗係炸過幾次，仲有少少硬嘅所以浸耐啲先至會可以又淋又脆🤩生菜同竹笙真係好正，索晒啲湯😋👅豬脷👅+$11（外賣自取優惠）7.5/10【有啲油】本身期望似雞腎嘅質感但更加接近牛脷嘅口感🤩佢更加淋身，口感好好有少少嘅麻辣同埋芫荽、花生🥜成件事夾埋味道都唔會太單調比較唔好嘅係好油，但油得來又唔夠辣😢佢將啲豬脷切到細細塊，所以好似好多咁細細份，但係食咗好耐都未食完咁😂整體7.5/101️⃣三哥來講，呢個定價貴咗少少，不過都係可接受嘅範圍🧡2️⃣一句講晒就係平時三哥嘅質素，係有水準嘅，我愛三哥🫶3️⃣外賣自取非常唔錯👍油條都唔會淋😁仲有外賣自取嘅優惠🥳🔖鍾意我嘅分享就follow我啦💌

星期四去咗青衣城食譚仔三哥原來中午堂食都幾多人 等咗差唔多15分鐘先入到去我哋即刻嗌左新出品嘅 老油條鴨血水煮魚湯底加普通酸辣湯底配生菜雞肉另外仲嗌左三隻土匪雞翼飲品嗌咗葡萄烏龍茶首先講講最新出品嘅老油條鴨血水煮魚湯米線個人都係比較鍾意傳統嘅麻辣湯底但無可否認水煮魚湯做得相當合格 湯嘅鮮香同埋辣味平衡得剛剛好 只係因為個人口味比較鍾意麻辣湯底 但作為新出品來講可以試一試😙鴨血方面完全冇腥味👍🏻老油條亦都相當脆👍🏻但略微硬咗啲😅推薦指數⭐️⭐️⭐️最後補充多句：「三哥」嘅雞肉都係偏鞋口 雞肉方面都係去返「譚仔」食好啲至於葡萄烏龍茶 烏龍茶嘅味道未算好突出 而且同佢葡萄嘅味道唔太夾 下次我都係嗌返凍檸茶好啲🙃推薦指數 ⭐️⭐️

青衣城分店職員態度差佳完全唔識叫飛永遠四人枱只會叫一兩個人入坐仲話要自己睇時間 真係令人佩服咁多4人位就係都唔叫嘈完話投訴佢哋即刻叫勁多3個人🤣並且外賣永遠少幾餸🤙🏻🤙🏻🤙🏻講緊係係非繁忙時間仲要唔止一次可以招聘到啲咁嘅職員真係你哋公司嘅榮幸有佢哋貴公司肯定能夠大紅大紫自己職員係度無限趕客

剛剛食完壽司，🤴🏻唔夠飽，再陪佢食個麵順便試新野😙😙～～～香辣回鍋肉蝦仁蚊米線🍜～～～蚊米粉就食得多，米線就第一次。原來都幾大碗，回鍋肉有幾塊，蝦仁就4-5隻，彈牙爽口！我覺得炆米粉會比較爽口，米線就‘立’D、重身D！但🤴🏻反而鍾意食呢個口感😜😜～～～麻辣醬銀耳鹿茸菇～～～好夾、好出色嘅一道菜，銀耳及鹿茸菇好爽脆，麻辣醬亦帶出本身嘅鮮味，我同🤴🏻都好鍾意❤️❤️～～～露絲瑪莉蘋果梳打～～～記得要撈勻後飲好味D，蘋果味一般，但呢隻綠色幾靚😊😊

譚仔三哥。新嘢回窩肉蝦仁炆米線🍜所講既「炆米線」，我就覺得係撈米線，佢幫你撈埋咁解。米線份量都好足，又唔會太淋同癡岩一pat。回窩肉即係平時既腩肉，唔知係咪咁，普時食個啲腩肉又無貨（青衣城個間）。蝦仁一般，唔係爽口，平平無奇。個辣就會越食越辣，辣完就會好口渴，好味精。

🍜螺酸湯米線配海螺片及麻辣豬皮 今次試試新嘢🤤，螺酸湯以酸為主，再伸延到辣味，湯料有酸辣豆角、酸筍、辣椒粒、蔥等，鐘意酸辣嘅朋友唔好錯過啦😉 至於配料，主打有海螺片及麻辣豬皮，海螺片螺味明顯，食落鮮甜軟冧，豬皮好厚又大塊，索晒湯汁🥰，兩樣配料都大大塊，誠意十足🤩🐡椒麻涼拌魚爽肚食三哥唔加小食總係覺得差咁啲嘢😝 呢款魚爽肚新得黎又幾辛😂，真鮮甜爽口😆，係索索聲個隻，一啲都唔會嚼到牙鉸軟，另外用椒麻涼拌青瓜🥒，加多層爽脆口感，成個配搭清新冇負擔😆💙🍍鳳梨藍蝶花香梳打通常碟豆花嘅嘢飲都係冇味，不過呢款除咗有樣睇得之外，味道亦都唔錯😋，以鳳梨同青檸調配以成，底部鳳梨果茸嘅甜味加上梳打氣泡嘅衝擊，既可以解渴又可以解辣，爽啊😆！整體而言，鍾意酸辣嘅朋友可以試試個螺酸湯米線同椒麻涼拌魚爽肚，非常開胃🤤🤤

今日叫咗碗過橋米線同埋竹笙雞肉米線，我覺得過橋米線最抵食，樣樣都有食完好滿足，最好味係個酸菜，第二都食唔到咁好味。再叫咗個生菜，d色唔多新鮮，食咗一半唔想食，無下次

由冇人等到好多人！ 非常失望的大集團！ 會發生啲咁嘅嘢，所有米線都準備好原來個小食燒燶咗！ 重激氣🥵😡😡😡😡其他所有米缐都凍曬！ 唔去追問，係冇人理你，追問完之後都係一樣！ 好可能大集團愛理不理！ 有沒有顧及客人買外賣一小時吃飯時間觀念？客人即信賴付諸流水，我咁多人食係個信譽問題，只怕付之流水嘅順着一去不在返其實寫食評投訴都冇乜用大集團不會理會客人感受的！ 其實可以應對得好啲😡😡😡😡😡😡😡😡😡

生活喺米線之城荃灣，真係有咩口味米線未食過不過離開荃灣後要食米線，主力都要幫襯連鎖店先得。自從青衣城開咗三哥，第一日已經變人龍店無計啦附近都無呀嗎青衣人渴咗咁耐點都排一排呢晚家人話想食三哥，喉嚨有少少唔舒服食個清湯好了，大約等20分鐘時間都可以接受豬肚魚腐清湯米線走青走芽不得不讚連鎖最好就係會分湯，唔會浸到返屋企變烏冬，不過呢日米線好似少少煮過龍，湯得返微暖（路程唔算遠）豬肚都ok有咬口土匪雞翼好在有叫招牌小食搭夠，真係隻隻都入味夠晒juicy，略嫌細隻咗啲囉…

其實係我眼中譚仔係好食好多，炸醬同檸檬茶係特別好飲但係礙於位置嘅問題，搭完地鐵梗係買譚仔三哥，叫咗兩碗面，一碗係墨魚丸蕃茄湯，一碗係過橋米線蕃茄湯真係冇乜味唔會難食，但有啲失望🙍過橋米線要值得一讚嘅係佢個膠兜唔似譚仔，佢係真係有嗰大碗裝住晒所有嘢，但譚仔係分開兩個普通碗裝比你，分量比平時少咗好多，包括埋個米線🍜 呢個呢個嘅份量係好足夠！但啲餸就真係無譚仔咁好食😂 但呢間好似成日都咁多人排隊，所以如果唔想等要買都要早15分鐘打去

今日幫襯久違既米線，去左青衣城2期既譚仔三哥雲南米線。入到去，無論帶位，執枱，點餐，送餐以至收銀，所有人都非常有禮貌，而且服務態度亦非常好👍🏻食物質素都唔錯。感覺管理層响呢方面下過苦功。所以，即使我唔太好米線，但我仍然會繼續幫襯青衣呢間分店☺️

今日黎叫咗兩周限定新米線「姬松茸螺片雞米線」，啲雞肉一細舊一細舊，好似唔熟咁，雞既份量亦好少，仲要肥肉既地方比較多，米線入面亦幾粒乾既菇，湯底味道都好普通，下次叫返招牌麻辣米線食算。😂

每次搞到外面好多人等到好燥，啲樓面好唔識安排座位，搞到外面啲人望入嚟見到好多吉位，特別係嗰張長枱，而且四人枱經常叫AB號碼，問阿姐阿姐話有分攞飛時間次序，我見有啲遲過我拿飛都早過我入去，離晒譜

知道最近譚仔三哥岀咗新湯底同餸🤩🤩加上屋企附近新開咗間分店 今日就去咗食😙.✨水煮湯鴨血米線+ 貢丸水煮湯底辣度由5小辣起跳⬆️今次我就揀咗要2小辣🌶️🌶️未食淨係聞個湯就覺得好香🤩🤩呢個湯用咗15種香料同醬料提味飲落好香麻味 之後就再有辣同鹹香味個人覺得冇想像中咁辣😚下次叫辣啲先🤪至於配料方面 有鴨血 豆卜 芽菜 唐芹 腐皮鴨血用咗濃湯+胡椒煨扣2個鐘 食落特別入味😋加上鴨血幾嫩滑 仲幾有咬口添 唔錯👍🏼而豆卜就吸哂啲湯😙再配埋其他配料同米線一齊食 真係愈食愈惹味啊😆😆 有興趣嘅就快啲去試下呢個新餐牌啦😎如果想試下新餐牌 但又唔想食水煮湯可以改轉要其他湯底嫁🤓🤓🤓

一個人喺青衣城搵嘢食，諗住簡簡單單食一餐，行吓行吓，原來青衣城有第二期，見到有呢間「譚仔三哥米線」，冇乜考慮之下就入去開餐😆叫咗「過橋米線」，貪方便因為佢有好多種toppings, 乜都有少少可以食😆，味道就係預期之中，亦相信「譚仔三哥米線」比日本嘅Toridoll 株式会社トリドール 收購咗之後，品質會更加穩定。不過其實我分唔到「譚仔三哥米線」同「譚仔」味道有乜分別😆仲有，佢裝修好正，寫住好多大家熟悉嘅語句，例如：凍鏈茶小田😆