譚仔雲南米線 (已結業)

其實，我都不時光顧譚仔記的尖沙咀這間分店可能是水準保持得最好的她最出名的是米線，湯底清香可口平時我是甚少把湯麵的湯喝清光的，但我實在忍不住口了！正！她另一馳名出品是土匪雞翼，聽聞是當年四川的土匪「研發」而成的，信不信由你了？！？雖然加了價，應該說是一年內加了好幾次價但係我仍覺得幾抵食

聽聞譚仔o既米線幾得, 所以就同男友o黎o左呢度試下, 我地叫o左1個過橋米線, 要酸辣湯底, 同埋1個土匪雞奕(細), 食過咁多酸辣米線, 呢度o既湯底真係夠哂出色, 碗米線一o黎到, 我初時仲以為佢比錯我, 因為碗米線好似清湯底, 不過我就即管試一啖, 睇下有無o黎錯先, 試o左一啖, 真係有少少嚇親, 雖則唔係好辣, 但又真係有酸辣味喎, 感覺唔太味精, 點都好過其他地方o既湯底, 個湯面有一層層o既辣油而個土匪雞奕o既表面整得好好食, 但我覺得裡面o的肉好似唔太入味, 不過我男友就覺得幾入味, 仲幾鍾意食添!! 下次o黎到, 我會再試試其他口味o既雞奕先, 嘻嘻!!!

跟友人一起來晚飯要了腐皮雞肉生菜米線、清湯($28) - 湯底味道不錯，大大碗，足料雞肉竹笙米線、酸辣湯(26) -友人說味道不錯，酸而不辣新彊香草雞翼(大，共五隻)($24)-上次試過土匪雞翼，味道較濃，我反而喜歡這次的香草的味道！凍檸茶($5)好大杯，不太甜很喜歡這店子，擠是擠了點，但真的好吃呀

呢間比其他分店貴都算喇~~~鬼叫佢係tst仲要比其他分店少d料~~~偷工減料~~~雞肉得個幾粒~~~加克價都仲係咁少,,,我覺得佢地要檢討下囉~~~

一向食開深水步果間。是日到附近做facial，就來這一間。十點幾都仲好多人。配料還是比較少choice，有新的長豆卜，不知是甚麼？叫了雞肉小辣，都好辣呀，食到一頭汗。而家加酸/麻辣都要加$1，野飲呢間係加$5，仲有，如要多碗清湯，都要加$2。門口仲貼住，話8月1日起要全面加價。下次會想試$22五隻的土匪chicken wings.

今日出tst見工,見之前突登黎食。自從上次同朋友黎食過土匪雞翼之後就愛上譚仔,但今日1個人會食唔晒d雞翼,所以只係嗌左碗米線。lunch時間,好多人,想搭台都唔係易,好彩有人走先有位。d人多到d牙姐好忙,不過叫佢落單,好快咁做完d野就即刻幫你落。見間隔叫雞肉,所以就叫左碗雞肉清湯米線。雞肉清湯米線：我覺得好大碗,有好多米線,味道幾好,麵ge口感又唔會話勁淋。d雞肉就麻麻,1粒粒1粒粒咁,冇筋唔un,但就唔算滑。有d後悔冇叫酸辣湯底,下次食。重要同朋友1齊黎食土匪雞翼!!

再來光顧譚仔米線，保持一溉水準叫了一碗魚蛋牛肉米線，一碟土匪雞翼魚蛋爽口彈牙，十分可口清湯底湯味濃郁，鮮甜十足米線也十分爽口今次的土匪雞翼稍覺火喉略猛，少少燶，而且有一陣香草味... 莫非在燒土匪雞翼時，也同時燒香草雞翼不過，整體水準仍算不俗

早幾日同個FRD講起尖咀有乜好食我話返左新工後樓下就有間譚仔然後佢話都聞名已久咁我就話帶佢來試下我地來到夜晚6點幾得一兩檯客因為我同佢勁推土匪雞翼所以一坐得就ORDER左先米線慢慢再諗我因為病緊唔敢食雞所以平時叫慣既竹笙雞肉就想改牛柏葉竹笙點知落單時才知得總點同聯邦先有牛柏葉有D失望... 只好改為豬潤水準同聯邦果間差唔多只係好似硬係覺得D "食送" 少D我FRD都食得好滿足唔會大碗過頭食唔晒

我分別食過大角咀、深水涉福榮街& 元州街同尖東哩間, 覺得最唔好味係尖東哩間，我平時食開中辣，但次次去尖東哩間我都覺得d 湯冇味,都要加鼓油, 其他個幾間完全唔會有哩d情況發生, 所以去左3次已經冇去lu !!反觀深水涉元州街就最好味!!

中午同同學食米線，點了酸辣湯底、雞肉、墨丸米線。雞肉同墨丸同上次食的一樣，不過不失；反而湯底不是我杯茶，第一它只是少少酸，辣味更形同虛設，味道太淡了。本來想試新口味，不過建議湯底都是麻辣的好。

前幾個星期, 友人推介呢度食米線. 由於本人都好鍾意食米線呢家, 但老尖就未試過, 所以雀躍非常, 心諗如果到間正米線老尖就真係成個人精神哂啦.叫了竹笙, 雞肉, 魚蛋米線. 碗到, 喂勁多泡囉, 大佬, 十足十打邊爐打到尾聲湯底咁囉. 老實講我相信係竹笙令到湯多泡, 如果真係咁既話咪取消竹笙呢味囉, 唔夾就唔好免強嘛, 咁係唔會有幸褔架. 排除呢個因素, 其實成碗都只係中規中矩, 小弟無意再幫襯.

因為對上兩日都食不同店舖的米線，今次食的係出名的譚仔。都係叫左雞肉、麻辣（中）、墨魚丸米線加凍咖啡。今次因為十二點左右，好少人，好快就有得食。食它的米線，同景霖差不多，個湯都係無香味，不過它的奇妙之處不是香味雞肉因為食過好好食的，相比前兩間，它是散而細的，無雞味，唔滑，好似肉絲咁～～前兩日的湯辣好多，今次係唔覺得辣，好彩個湯飲落都係咁好味，濃濃的，成日都唔知點解咁好飲墨魚丸真的係唔得，軟，唔彈牙，食左都唔知係什麼丸～～凍咖啡都ｏｋ的，起碼有咖啡味係它唔好彩，因為食過兩間令人回味無窮的，今次食這間自然覺得好普通，份量都係差不多

我同老婆之前食過深水步同佐敦o個間。今日係尖咀呢間試下:1. 豬潤，雞肉米線，5小辣(老婆食)2. 竹笙，腐皮，雞肉米線，5小辣(老公食) + 老婆最鍾意飲既凍horlick呢間價錢比深水步同佐敦貴，加餸及飲品都貴d，味道就冇深水步同佐敦咁好。d米線好似腍d，maybe煮得太耐，d湯同餸就差唔多啦，不過老婆覺得overall來講呢間冇咁好味。下次都係去返其他分店食。

食過咁多家譚仔, 尖沙咀算係比較差的.唔好講價錢貴過其他地方. 始終呢度係尖沙咀.不過貴左, 份量又小左, 就唔係咁好喇.辣度唔夠, 我食呢度的特辣, 好似去第二家分店食中辣左右. 配料都ok, 係份量好似小左dd. 食完都唔飽.平時同朋友食, 加埋雞翼同白肉, 會飽. 今次覺得未夠喉.如果為食譚仔而食, 我唔會再去尖沙咀branch, 不過如果係行過突然好想食, 都可以入去o既

2006年8月31日四個人去尖尖食譚仔米線. 這次是我第一次吃, 試了之後覺得辣度夠, 但係唔知係唔係我咩配料都走晒...食起上黎只係覺得一般, 都係雲南既酸辣米線岩我多的.而個土匪雞翼太多芝麻, 炸得太燶, 味道還可以.