譚仔雲南米線 (金球閣)

营业中

休息中

10-5-2005 2145逢星期二及五有蘭州拉麵食，於是在該晚特別補課時段後去食，加埋一碟蒜泥白肉，還了麻辣度最勁既，配菜為黑牛栢葉及芽菜。蒜尼白肉夠曬濃味，正。牛栢葉好爽，麵就稍為硬左一些，可能真係夠曬麻，麻到要買包紙巾及一杯凍豆漿，食到一半個胃開始唔舒服，最終要放棄左，個胃咁就唔舒服左幾天，怕怕！

d間係我同女朋友認為係香港算係最好味既雲南米線..佢個湯底真係好香..無論酸辣定係麻辣都做得幾好..但我個人鐘意麻多d...初初食時最好要個3-4小辣先..因為都幾辣架..仲好個土匪雞翼不定不提..又係一定要食架..總知一定要試下啦.^^

間舖細咗d,一到繁忙時間就好鬼多人不過真係好低食有次見過佢後行果煲上湯一大舊骨去煲,諗記D湯由此起就想飲埋D湯佢所以次次隻碗都係照鏡(飲晒)先走

2-6-2005今天到長沙灣買東西就順路到了這裏食，之前食過一次一碗都食唔哂。今次和友人要了麻辣過橋米線餐要了中辣，再加一碟四川紅油青瓜，米線好大碗有很多餸，差不多樣樣都有，咁大碗是非常抵食的$31，其中黑栢葉是必食。四川紅油青瓜$22都很大碟，一d都唔辣很香蒜味，而且青瓜食落很爽脆同甜還有些少少酸酸甜甜的味道個人就覺得都幾好。另外不知為什麼原來蘭州拉麵已經沒有得供應了可惜。=_=

食左呢度都有兩年, 發覺酸辣及麻辣的水準欠穏。本人最愛食酸辣的過橋的套餐及麻辣雞翼, 酸中帶微辣, 份外醒胃。另外, 過橋套餐的清湯, 也比其餘的清湯來得清甜。但有時味道的水準欠穏, 近幾次食的清湯過橋套餐, 欠缺以往的清詌, 只嚐到'咸'的味道。酸辣湯底, 及麻辣, 有時也會突然過辣。近來上食物的速度太慢了, 也欠效率, 食完成個米線, 但碟雞翼還未來。其他槕的朋友們也是等了又等。希望能改善送食物的速度及保持味道的水準!

材料又少, 服務又麻麻,食麻辣,最講究係麻,唔係辣,要食辣不如去飲辣椒油,譚仔而家失敗在,麻辣湯底d麻落得太少,太慳材料錢啦!得碟雞翼叫做好少少!

上兩個星期四放學後頗為餓，呢附近有時食雲南米線好出名的地方，其實確實地址我都唔知道，但好好彩行下行下兼誤打誤撞就到達。之前睇見藍鳥兒的食評小辣已經要噴火，我當然不敢輕視啦。這裡的辣度基本上可分四級：小辣、中辣、大辣及勁辣，而小辣可以再分五級，今次我反而選了最小辣，而配料選擇左腐皮及豬腩肉。首先講下個湯底，如果唔加任何辣味，的確飲得過，幾清甜，兼唔口渴，米線份量與配料都係足，豬腩肉可以說是豬爽肉及豬腩肉的混合體，咬落去時仍有口感，帶一點驚喜，腐皮亦我喜愛的食物其中一款，區區淪為預設的配料點會足夠呢？土匪雞翼除左留有少少毛外，很難在雞蛋裡挑骨頭，雞翼比一般大隻好多，黑芝麻香味不算濃烈，但燒得好乾身，骨頭裡都有味道，雖則有四隻，但係咁既質素俾廿蚊仍然不太過份。雖則這裡的雲南米線不算最正宗，但呢個月睇黎都要黎呢度翻炒多一次啦。識多一點點：過橋米線已有一百多年的歷史。源於雲南滇南蒙自。傳說蒙自縣城的南湖舊的風景優美，常有文墨客攻書讀詩於此。有位楊秀才，經常去湖心亭內攻讀，其妻每飯菜送往該處。秀才讀書刻苦，往往學而忘食，以至常食冷飯涼菜，身體日漸不支。其妻焦慮心疼，思付之余把家中母雞殺了，用砂鍋燉

住在長沙灣的我，經常都會幫襯這間「譚仔記」，但次次都淨係食米線，咁多年來都未試過它的手打拉麵，今次都係第一次。口感唔錯，都幾彈牙。不過叫咗小辣，但原來係勁Q 辣，辣到要叫亞姐整多碗清湯黎「救火」。原來小辣都有分五個等級，真係吹啤啤。

見到告示話因為師傅因長期手打拉麵以致隻手有事所以手打拉麵只會供應到五月要食既朋友趁早喇！

今日中午路經此處選擇左o係度開餐叫左個酸辣湯底米線料有竹笙,豬潤同雞肉大大碗好足料竹笙吸左湯既酸辣味唔錯豬潤切得細細又薄薄既一片片唔會un亦幾鮮味雞肉又係細細薄薄咁味道較清三樣之中最好係竹笙配料有少量腐皮同芽菜湯底酸中帶辣都ok咁3蚊一個送都幾抵因為樣樣分量都好多下但味道我覺得同荃灣o個d差不多而且配料既款式又少過荃灣o個d下次唔會專登去食另外都叫左個凍檸茶茶味不足不過只係8蚊杯好抵下

同老公仔去食~試左佢地ge套餐~但我覺得都係四川好食d~但係佢ge土匪雞翼真係好好食~又大隻~好正呀~不過都好熱氣喎~價錢ok~都唔貴啦~我地仲食左蒜泥白肉..反而呢個就唔係幾好啦~可能我未食過咁勁ge蒜啦~老公食完仲肚仔唔舒服tim~可能佢頂唔住~

同男朋友仔去食, 次次去親都係要等位, 因為佢實在太細, 亦太多人食了米線好大碗, 價錢又抵, 之前試過食小辣真係食唔到, 可想而知特辣會點......每次去除左叫米線, 一定會食土匪雞翼同蒜泥白肉, 呢兩樣係我食過咁多間舖頭之中, 譚仔整得最好食的，仲要價錢實惠添!!!

幾年前住係長沙灣附近,已經好鐘意食,咁多年都係食竹笙,鮮柏葉,豬潤,點食都唔厭,仲有土?雞翼,老公就食米線套餐,其實我覺得O的伙計都幾好人呀,唔知係未因為我O地係熟客,之前去過佐敦間分店,佢O地無鮮柏葉,所以點遠都係去返長沙灣....

同過老婆仔食!! 唔錯! 幾好!! good!!

吃過很多次，米線湯底真的好，尤其麻辣不會令人失望，麻和辣皆出色，相信吃到特辣的人不多，我自己也吃到，但的確絶不簡單，怕傷胃。雞翼夠大隻入味，蒜泥白肉豉汁夠甜，但真的十分蒜，味道歷久不散，但真的好吃。紅油系列亦不錯。推介大家去試。二五晚拉麵貴十蚊碗，但的確可以叫佢拉唔同款，又夠彈牙，值得啦。只是試過阿姐整得唔夠熟，但硬。