譽點精緻點心

营业中

休息中

星期日例牌要同爸媽飲下茶其實杏花邨既選擇真係唔係好多但如果要揀一間嘅話我會揀譽點😄位就等左一陣 想講d茶真係好熱😂 係熱到飲唔到嗰種點心就正正常常咁啦 今年覺得大牌子稻X難食左又貴😅 同係杏花邨既名X呢又太多人加服務差所以會簡呢間～

飲茶是中國的傳統之一 而點心同飲茶 永遠也是一同出現 今次嚟到杏花村 譽點 一嚐 五千年的文化 估唔到 有意外收穫 當日一行四人 中午時間來到不用等位 入座後 侍應開茶 落單到點第一籠點心來臨 所用時間 不到15分鐘 十分快速 當日我哋其實叫了很多籠點心 但是 大部分質素跟一般酒樓水平差不多 沒有太大必要寫食評 當中比較驚豔的就是灌湯餃和鮑魚燒賣 這兩個點心 的賣相和用料 都十分有心思 是整頓飯下來大家一致認為必點的菜式 鮑魚燒賣 所用的鮑魚雖然是罐頭鮑 但軟嫩程度都很足夠不會很難咀嚼 是灌湯餃份量十分足夠用料也相當華麗 所用的高湯也十分清甜。這間餐廳飲茶一盅兩件的確是不錯選擇。

星期日本來打算同阿嫲飲茶，但由於太多人，改往這點心店。點心的選擇不算多，但大路的都有，最開心是全日免加一。茶費每位只是$4，但茶不是壺上，而是杯上，店員加茶也頗密。不過因為茶熱，而用的是無耳杯，就有點困難拿起杯子，所以，傳統的英式下午茶和中式茶樓用的杯有耳是有原因的。阿嫲因為牙不好，好像已成為了粥品的專家。她説這個皮蛋瘦肉粥的粥底好。濃湯菜肉餃是椰菜豬肉餡，味不錯。手工拉布腸粉很大碟，食得出不是來貨種類的腸粉。因為樓面的員工不算多，很多調味調如甜豉油、辣油、胡椒粉等均放在枱上的調味架任用。加點了一個蟲草花蒸雞飯，也不錯，自己加豉油也不錯。食品的質素高，點心即叫即蒸，是酒樓以外的好選擇，唯沒有大枱，如一大班人或一個大家族想聚餐就會有難度。三兩個人就很好！

譽點精緻點心一家大細星期日去食早餐。今次揀咗去杏花邨，泊車方便吖嘛😂無乜目標，只求一間坐得舒服，唔迫唔趕咁食個早餐。加上今日係有D想食點心。所以就去咗譽點。2大2小叫咗9樣嘢蝦餃—皮薄，唔會一舊粉，蝦都算大粒。燒賣—好普通，D肉好大舊，都有D肥。牛肉—細細粒，味道較淡。牛肉腸—味道較淡，腸粉算滑。雞扎—足料，有魚肚。春卷—即炸，香脆，熱辣辣。鳯爪—夠味，好味。珍珠雞—餡料較少，真係好珍珠😂灼生菜—有杞子湯浸，不錯啦。齊體味道不過不失，正常點心。但環境不錯，價錢合理。

因為陪老公去杏花邨打波，打波前當然要搵D嘢食有氣有力先可以打波嘅去到見到商場有部分做緊裝修所以就去另一邊揀餐廳，見到間舖頭小小嘅食點心嘅地方就行咗入去試，又估唔到質量唔錯。4個人都係食咗不夠300蚊炸物嘅點心都係新鮮炸起，又唔會炸到黑萌萌蝦餃個皮都夠簿，燒賣都唔錯，有個娥姐蒸粉果勁多花生味道又好豐料蒸蘿白糕D蘿蔔超多落少少胡椒粉木魚燒茄子不過不失，珍珠雞餡料夠足，鳳爪排骨飯D飯唔會蒸到濕淋淋，鮮蝦腸粉個皮都可以，每人都係收4蚊茶錢又無加一，可以滿足我食點心嘅地方

星期日跟老爸老媽去飲茶就必然嘅事，但飲開個幾間質數有下降所以去試吓新嘢，朋友去過依間話幾好就去排隊啦，排咗半個鐘到就可以入去，茶得普洱茶飲都ok因為屋企人都只飲普洱點心價錢唔貴款式就一般酒樓有嘅嘢，不過對我嚟講就夠，因為飲茶都係食個幾款點心，點心出來嘅水準仲好好，不論蒸嘅炸嘅都恰到好處，最緊要係皮簿餡靚全部熱辣辣夠新鮮，最值得讚揚係服務方面，平日除去5星級酒店地方外招呼較好外，好耐無試過全程有人幫我哋斟茶，仲keep住加熱水，連兩位老人家都讚

成日話一盎兩件，但重頭戲永遠都係嗰兩件。而家點心店開到成行成市，新加入戰團嘅有譽點精緻點心。蜜汁叉燒飽係飲茶必食。雖然有啲縮水，但總算係熱辣辣，味道略鹹，個味有啲似X仔點心急凍叉燒飽。晶瑩鮮蝦餃又點呢？個皮Q感十足，蝦肉攪得好碎吓，有一粒咬落仲有腥味，即時大派負皮。金珠咸水角個皮好厚，但咬落都算脆。皮味略甜，如果鍾意食個皮就好。（講嚟講去得個皮，因為個餡⋯⋯）鳯爪排骨飯有鳳爪兩小條，排骨兩三件，好彩呢度每枱有枝甜豉油任你淋，咁都叫有啲味。總括嚟講，啲點心係熱嘅，加茶嘅侍應都好勤快（茶錢每位5元）。完！

年初二同朋友gathering, 兩個都住柴灣，又唔想去藍灣半島，就搭地鐵去杏花村食，因為新杏花新城地下勁多食肆。去到杏花村，見到對住地鐵站有個燈箱，就行埋去望吓，見有間譽品點心，岩晒我同朋友兩個唔洗食得太full。一落扶手電梯就係，入到去唔洗等，裝修都有d心思。茶係普洱，都ok，唔濃。今次試咗雞札、紅油抄手、皮蛋瘦肉粥、雷麻池湯丸。茗茶$5位，其他4樣餸都ok, 表紅油抄手細細粒都幾cute, 唔算好辣，岩廣東人口味。另外覺得侍應服務係好好，要乜有乜，叫佢地幫我地影相都無托手爭