影片
以上资料只供参考，请与餐厅确认详情
招牌菜
由于晚上10点比较难揾食, 咁啱路过呢间嘢, 友人一支箭冲咗入去, 冇办法下唯有试吓啦, 入面只有1台客系两父女, 老板娘放下餐牌, 见到个价钱, 由$69鲜茄意粉到$599一个特惠晚餐, 贵到呢....... 装修又破旧, 其实咁嘅价钱可以食到靓D环境食物质素好嘅西餐厅啰!本人要咗个$99鸳鸯扒(猪+鸡)配薯菜, 友人就要咗个$128七成熟西冷配薯菜, 等咗超过15分钟都未黎, 咁少客人都要等咁耐, 突然烟雾弥漫, 劲油烟, 好似煮㶶嘢咁, 都唔知系咪冇抽气系统, 之后等多5分钟, 终于有得食喇, 鸳鸯扒同薯菜味道都可以, 但个7成熟西冷就变咗9成熟, 味道唔似腌过, 要好用力先切得开, 切开入面有少少少少红, 但食落真系好"鞋"!!!食完之后, 老板娘问都冇问就一嘢收走哂D嘢, 埋单又要加一, 整体黎讲好唔得啰! 就连邻近Axxx都好食过呢间嘢........
继续阅读
可以由头难食到尾真系好难，但佢做到...睇食评就多，写真系第一次，但今次真系忍唔住要'表扬'下佢！落左单要等成廿几分钟先开始有餐汤上，中途水都无杯，五个人去食，开口叫佢俾杯水，侍应问3杯够唔够？果然够环保！个虎虾汤稀到水咁，跟左条方面多士，黎到条方包多士系林林地，谂住呢d细餐厅唔系咁讲究. 个凯撒沙律系用沙律酱沟出黎既，绝对唔敢相信佢系凯撒，因为凯撒有既材料除左菜佢有之外，其他一样都无. 叫左个5成熟既牛扒，黎到可以变左一块好似用松肉粉奄左一星期既猪扒咁，肉质完全松散，无牙婆都岩食. 仲有叫左个唔知咩鸡扒饭，唔明点解可以揾到只鸡边个部位既肉鞋到咁，仲有叫左个香草蕃茄天使面，个酱宜情甜到好似食紧甜品，最少放左8匙糖. 餐饮跟左三杯咖啡，呢下真系劲难顶，杯野好酸，一d咖啡味都无，究竟系咪俾错左杯野我地？！店内最搞笑系贴左张野话庆祝九周年，唔通香港人系无味觉的？！
继续阅读
室内装潢，可以“无装修”形容，白墙似是剥落了一般，吊画也没太多。午餐包餐汤餐包，忌廉汤有点杂菌，但已磨成蓉，还好。餐包是厚多士，烤过并略带牛油，香口开胃。鸡扒竟会卖光？实在荒诞。不想吃猪扒怕太干，只好吃挨贵一点，西冷！问问店员得知薯菜是薯角及菜，所以还是配饭实际。西冷扒远比猪扒大件，卖相亦好得多。长有整只碟子般长，除中间部分较熟外，两端都可算是做到了五成熟。五成熟最能保留肉汁，超过五成大半会较干，肉汁较少，这是个人意见，亦可能是不少人的立场。友人的薯菜只有一条薯角及其他菜，太少了，至少也要一双薯角吧。虽然有些部分难免有筋，或太肥位置，但$58午餐有西冷扒，不能要求过高。
继续阅读
龙脷柳餐 $149 BBQ猪仔骨餐 $159 (包自制雪糕甜品，大虾汤，沙律，餐饮) 鹅肝西冷餐 $129 羊脾扒餐$119 (只包餐汤，餐饮) 酥皮心太软 $58 (跟餐 $29) (好食指数:6/10) 2013-08-10 大虾汤比较稀，唔似西餐汤。龙脷柳炸得几脆几鲜味。可惜猪仔骨，西冷扒肉质较梅，过腍。鹅肝薄，食落更有酸味，无左食落入口即溶𠮶种感觉。羊脾扒肉质唔错，无膻味。酥皮心太软系表皮多左层，但酥皮唔够脆，唔够朱古力味。
继续阅读
食lunch 餐厅装修残旧四个人去食 叫咗四个西冷扒餐上餐汤 野菌忌廉汤 认真有阵臭菇味 到主菜 叫咗6成西冷扒 嚟咗4旧10成熟嘅西冷牛筋切又切唔到 咬又咬唔到鲨鱼都食唔到唯独汽水好饮
继续阅读