譚仔三哥米線 (麗城薈三期)

营业中

休息中

今日同朋友晏晝放飯去食三哥，發現原來呢間三哥個景都OK，叫做有個海景睇下，我哋特登揀咗窗邊位，呢間三哥人手不足，樓面得一個人做嘢，雖然人手好似唔係好夠，但係不過平日去食都ok，大約坐滿咗一半左右，唔使等位，我哋坐低，個阿姐都即刻幫我哋執嘢抹枱，我哋叫落單都即刻過嚟幫我哋落單，而且上菜時間都快，等咗大約5分鐘就上齊，啱晒打工仔日常，叫咗一個過橋米線加蒜泥白肉小食，我哋唔算肚餓，兩個人share，都夠食！🥳

今個月全新推出嘅［熱鍋系列］，啱哂依家嘅天氣，夠哂暖苙苙，熱辣辣🫶🏻套餐份量十足，除咗有一個自選熱鍋之外，仲有兩份主食+兩份小食+兩杯熱飲，非常滿足！重點只係$98！依家仲有減$5優惠，推廣日期仲去到7/1，超級抵食！今次就試咗蕃茄湯肥牛魚片頭鍋，由於呢個係熱鍋唔係邊爐形式，所以會成煲熱辣辣咁上枱，再點火保持溫熱！除咗鍋內有肥牛&魚片頭外，仲可以自選兩款食材，我就揀咗午餐肉同響鈴，另外再加配雞肉。午餐肉切得夠厚身👍🏻 但響鈴就唔夠脆身。主食就升級為三哥乍醬飯，冇太大驚喜，但咁配搭都幾惹味。而小食方面只係得4款素食選擇，如果有雞翼或蒜泥白肉就梗好🤟🏻總體嚟講以呢個價錢，真心滿足又夠飽肚！！！

譚仔三哥米線近日又推出好多新的菜式，吸引咗好多新客人，又有很多外賣訂單，我今日入去用二維碼叫了一個菜底加豆卜，足足等了35分鐘，期間追了很多次，要去到廚房出口位站了很久才出到，只是一個菜底加豆卜…就等了35分鐘，樓面職員不停催促，但廚房都出唔到。其實如果後勤未能配合，前方不停做市場推廣，只會令到原先忠實的客人離你而去。我的訂單不是劉丹，全個堂食都有客人不停催單，大家都等了30分鐘以上。最後要食一個譚仔三哥，食完都差唔多一個小時。浪費時間。

今日打風8號風球，唔知食咩好，唯有落樓下食個譚仔三哥米線。果然，TYPHOON下既譚仔三哥米線係好多人食呀。咁我就叫左個三餸米線啦，因為唔想叫小食，所以叫個三餸想食飽少少啦。咁我就叫左個牛肉、腩肉、魚蛋既3小辣米線。牛肉、魚蛋正常發揮啦。但係，腩肉就唔係好得啦，唔知係唔係豬肉既問題，有一陣「豬氣味」，麻麻地。湯底麻辣3小辣，辣度岩岩好呀，而米線都好彈牙，煮得個淋度岩岩好。所以，譚仔三哥米線從來都冇乜令人失望，VERY GOOD！！

下午茶A3 - 譚仔炸醬飯 配 迷你蒜泥白肉+土匪雞翼(2隻) ($37)🔎平時食開嘅炸醬加酸菜🍝✅鹹鹹酸酸幾開胃🤤✅炸醬好送飯，意外地夾🙌🏻✅食米線會沖俾湯沖散啲醬，配飯就無哩個問題🥹✅迷你蒜泥白肉有5片，但蒜泥就同正常size一樣咁多🤯✅✅✅個人認為蒜泥白肉同飯比起炸醬仲要再夾😍✅✅✅中意食蒜嘅人必點重口味之選🧄👌🏻土匪雞翼同平時一樣正常好食🐥📝8/10下午茶C2 - 烘土匪芝士三文治(炸醬) 配 十三香辣小食三寶 ($42)烘土匪芝士三文治(炸醬)✅好特別嘅配搭，又係出奇地夾😮✅食落個味有少少似酸酸地嘅芝士鹹牛治🥪✅芝士因為烘融左，有微微流心效果🫕✅包上面有孜然粉，食落有一層薄薄地嘅孜然味🍢✅上面塊包烘到脆脆地，啱啱好🥞❌但係底下面塊包好似冇烘過咁，仲要夾到濕濕地💦❌炸醬多齋配熱飲都要成$30，唔係太值💸📝6/10十三香辣小食三寶🔎十三辣小食同佢個名一樣都係唔辣咁濟🙅🏻‍♂️🌶️👌🏻個汁有少少似魚蛋檔啲辣汁，但唔辣版，鹹鹹地🤫❌可惜嘅小食全部都係白烚，配料同汁根本唔係混和一體🍥❌而個汁又唔夠辣唔夠惹味，帶唔起小食嘅鮮味😮‍💨📝3/10⭐️總括而言…所有茶餐都有跟熱飲☕。炸醬飯好食😋，蒜

見佢最近開始出咗隻新嘅酸菜魚米線即管試一試點知一食落去係史上最難食的酸菜魚，湯底怪，味道只酸，加生菜煮到梅哂！加杯凍奶茶失望，消費了$61😞人手不足之下，永遠等待，所以越來越差

麗城三哥譚仔位置靚不在話下食碗幾十蚊米線 望住個海 都冇乜邊度有未食食物 淨係坐喺度等碗米線黎嘅時間望吓個海 聞住周圍陣三哥麻辣味 都幾正呀鋪內坐位算多 全部都可望到大窗外境色平日中午兩點左右入坐 都可直入唔需門外等位場內坐滿7成人但送上食物時間仍未算耐$56蚊過橋米線感覺係過完年加咗價？唔知了過橋米線方面米線份量正常偏多材料跟齊餐牌上寫的豬潤新鮮夠臭生菜新鮮夠綠牛肉豬肉雞肉份量亦算多墨魚丸好食有墨魚味唯獨魚蛋偏淋 粉多冇乜魚蛋味總括然而 感覺似加了價 但仍保持食物質素

▪️香辣回鍋肉蝦仁炆米線 全新嘅炆米線吸晒秘製鮮香辣椒醬料 口感柔韌中帶點滑溜 十分惹味🍜 回鍋肉以腩肉炮製 有口感得來亦唔會咁油膩🐷 再配上彈牙嘅蝦仁🦐及爽甜嘅紹菜 令辛香味濃嘅米線 越食越過癮🤤大家仲可以根據自己嘅喜好 選擇辣度及加配唔同嘅餸🤣▫️麻辣醬銀耳鹿茸菇銀耳及鹿茸菇吸哂辛辣麻香嘅三哥秘製麻辣汁🍄 口感爽脆 配埋以粒粒肉碎製成嘅乍醬 食落更有層次感😆▪️露絲瑪莉蘋果梳打 帶點微酸嘅青檸蘋果梳打 加上微微薄荷味道嘅迷迭香 清新得嚟亦可以解辣😋

譚仔平時就食得多，今次就黎試試佢新出糊麻湯魚爽肚米線🍜糊麻湯魚爽肚米線本身配有魚爽肚，魚滑豆卜，湯底係糊麻湯，10小辣（BB 辣），如果想加餸加辣都可以。米線有3舊魚滑豆卜，係芥末魚籽鱈魚滑豆卜黎。食落又幾好食，睇落唔覺有芥末，但食落會有，芥末唔會太多，太攻鼻。依芥舊豆卜比想像中好食👍🏻魚爽肚頭真係好爽口，但係食到最尾都會有少少腥味🐟🐟個人來講覺得糊麻湯10小辣比平時10小辣更加辣，唔知係未因為糊麻湯底配方有啲唔同🙈

成日都好掛住台灣鴨血今次竟然喺譚仔三哥都搵到!🙋🏻‍♀️🙋🏻‍♀️朋友個個都話值得食 真係要試下🙈🌀 水煮湯鴨血米線+墨魚丸叫咗水煮湯鴨血米線+墨魚丸💃💃🕺湯底用咗全新湯底「三哥水煮湯」5小辣起跳🔥 用咗15種香料醬料提味加入咗磨成泥茸嘅花椒/八角/鮮辣椒麻麻辣辣好惹味 辣味有後勁 究極香辣 一口入魂 都有成5塊厚身鴨血同2塊豆卜 鴨血夠香夠嫩滑 唔腥如果唔食得辣 仲可以配各種湯底 照顧到唔同人仕嘅口味!

已經一早打電話去落單 落到去仲要等成30分鐘 如果趕時候真係唔好食呢間譚仔都唔知點解整碗米線都要咁耐 米線啲質素又差左唔會再幫襯囉 見到個個客都係度罵緊 大家想食就要早成個鐘好叫定

譚仔三哥淨係得今日先有 3小辣豬古力 大大與小妹辣豬戀人卡 +$8仲可以換大大與小妹親自設計嘅一碗些牙食襟章🙊 我地都係大大與小妹嘅fans 所以決定今年嘅白色情人節 就去食番個花膠胡椒豬美線 啲雞全部切到細細粒又冇骨 啱晒啲懶人食 仲有幾塊花膠 性價比都幾高🤣呢間應該係全香港最靚嘅譚仔三哥😆 有得一路望住個無敵大海景一路嘆米線😍原來辣之戀人朱古力由前年已經開始有 仲由10小辣、去年5小辣，提升至今年嘅3小辣豬古力🧐 又辣又甜嘅朱古力都真係幾特別🙊 平時食開10少嘅我食食下都真係覺得幾辣🥵 唔知過多幾年出個特辣朱古力會唔會辣到食唔到呢😂😂😂

今日公司收爐, 朝早酬完神, 食完一輪燒豬, 都飽飽地, 於是同班同事去食米線, 作為收爐午飯啦! 我哋一行6 人, 限聚令下被安排2 人1 枱, 但大家隔得好遠。我哋點好菜後見到同事果枱附近有位, 所以就搬咗過去。再同店員講, 佢哋送上嚟時係冇搞亂到的! 呢方面好讚呀!記得有次等咗勁耐都未有得食, 但今次唔駛等好耐就有, 有改善! 今次叫咗冬菇牛肉酸辣湯薯粉,  牛肉同冬菇都好淋, 入味! 不錯! 份量都大, 加上食咗燒肉, 最後係食唔晒嘅。最後要彈下杯凍檸茶, 明明叫咗少甜少冰, 但係都係好甜! 我諗下次要勁少甜先得! 

米線黎講三哥真係做得幾出色最鐘意三哥有好多唔同combination ，而且佢個湯底真係好飲😂尤其麻辣湯底好香，夠香夠麻味。有啲麻辣湯底唔夠麻或者唔夠辣，但三哥個湯底balance 得好好。個米線掛曬個湯汁，食入口啖啖麻辣味。💕最鐘意叫雞肉竹笙米線，雞肉有啲就大大舊、有啲就細細粒（好似餸頭餸尾咁😕）雞肉入口好滑，有少少雞味。竹笙就係街好少有得叫，所以次次黎食都會叫😋依間三哥既重點一定係個無敵大海景，食住呢個平價嘅米線都可以享受到呢個view ，真係正呀🤩🤩

知道三哥9 月時新出咗酸辣魚片米線, 平日想去試但好多人, 今日終於冇乜人排隊, 終於可以入去試啦!!!湯底可以轉清湯或三哥酸辣/蕃茄湯, 不過因為係第一次食, 試下佢原來個湯底先。呢個湯底冇得揀酸度同辣度。想食埋其他餸O既, 都可以加呀!!!另外, 新MENU 仲有蒜燒茄子, 熱情茶理同夠薑瑪莉, 不過今次冇試。酸菜係分開上的, 根據你想要O既酸度自行加。(我碗米線係走咗九菜的)我加晒全部酸菜落去, 湯底味道唔會太酸而且有辣椒味, 酸辣度剛好。魚大約有5-6 塊, 而且好滑, 冇腥味, 大滿足! 下次去三哥會再試埋其他湯底的!