譚仔雲南米線 (已結業)

午餐今日選擇左TAM JAI食返個米線，來到譚仔緊係要食佢地既出名既小食啦，所以小食叫左土匪雞翼&皮蛋。首先土匪雞翼非常之入味，孜然粉醃到入哂味，所以食落口連雞翼內面既肉都好香孜然粉味。另外仲有皮蛋，皮蛋本身咸香既口味已經好好食，加埋呢個係香辣皮蛋，辣汁同皮蛋好夾好好味，最後來到TAM JAI緊係要食佢既主食米線，而今次選擇左重慶酸辣湯底，個湯底不但有一陣陣既香辣味，夾埋陣酸味非常配合，個人覺得仲要比佢地自家麻辣湯好食，辣味更加特出，總括來講就VERY GOOD。

「脆肉鯇木瓜魚湯米線」$45起本來聽個名以為會伏伏哋點知成個配搭 令我覺得好驚喜木瓜湯底幾甜 而且真係食到木瓜蓉 好豐富雖然脆肉鯇沒什麼魚味可言 不過入口脆身無骨 食得好放心 熱情果青瓜汁特飲 加配價$13 單點價$16呢杯青瓜味好濃郁！鍾唔鍾意就因人而異～楊枝蜜桃茶特飲 加配價$14 單點價$17其實就係OOHA®️ 白桃烏龍茶味汽水加咗少少柚子肉 唔算太特別譚仔雲南米線全線分店有售平時唔食辣嘅朋友 又多咗一個選擇啦～！

問我為何戀上人食麻辣，因為自從食咗譚仔後，深深被麻辣吸引了，所以今次為大家介紹譚仔的雞肉麻辣特辣米線！譚仔的麻辣湯底， 尤其是麻辣特辣，食完是有麻的感覺，而且麻的感覺可維持一段時間，的確每次自己一個人食時，我都會叫麻辣特辣慢慢享受同享用！這間人少少，食左咁多次譚仔，這間質素及雞肉量尚算穩定及量多！

譚仔又再出新野！-1️⃣「脆肉鯇木瓜魚湯米線🐟🧡🍜」湯清香鮮美，好滋潤！配滑lulu嘅米線食好正🙈🥢 重點係脆肉鯇超爽脆！木瓜鮮甜🤤，小編另外加左魚腐墨魚春卷~Sliced fish and papaya soup rice noodles👍🏻-2️⃣「熱情果青瓜汁特飲🥒」一開始驚青瓜汁會伏，點知好飲wor😳！好fresh、好香青瓜味，唔會有青味，爽！~Cucumber soda 👍🏻-3️⃣「楊枝蜜桃茶特飲🍑」蜜桃味香甜可口，仲有柚子肉，唔會好藥水味~Peach soda

我諗好多人同我一樣，諗唔到食乜都會揀食譚仔😂近年來嘅譚仔周不時都會推出唔同嘅新口味，所以一於試吓佢。叫咗一個雞肉炸醬二小辣，另外再叫多咗個土匪雞翼，我諗呢一個一定係好多人必定會叫嘅小食，外皮香脆，肉質香滑！

每當去到月尾，我都會成日食譚仔。因為係平靚正。$40 就可以為飽一個成年人。簡直可以叫佢做窮人恩物。😋😋今次叫咗雞肉炸醬三小辣，辣度啱啱好，個人比較鍾意食譚仔多啲，因為三哥通常都比較油少少。😳😳同埋唔知係咪錯覺，譚仔啲餸係多少少㗎🤣🤣另外我哋仲叫咗個土匪雞翼，一如以往，都係咁出色，外皮香脆，內裏嫩滑。😎😎最後唔少得嘅一定係一杯凍檸茶！簡簡單單，就比到你呢個唔錯嘅晚餐體驗。👍🏼👌🙏🏼

叫咗雞肉清湯米線🍜米線嘅份量足夠一個人食，個湯好濃厚，米線嘅配料都好多。最鍾意叫土匪雞翼，因為每一隻雞翼都好入味，味道好特別，令人地好難唔鍾意，必須叫嘅招牌。價錢合理。環境衛生方面一般。食物味道唔差。值得推薦。

譚仔係我由深水埗第一間店食到而家都係忠實粉絲 以前得一間舖頭開到而家每一區都有好多分店 每次必點麻辣雞肉竹笙中辣 仲要5個米淋🤤🤤🤤佢湯底既味道 超濃郁 一啖米線一啖湯 每星期必到既餐廳👍🏻👍🏻🍜

最近好似食得太多好西/ 壞西😂，食到肚屙。發覺病咗出街都幾難搵野食，搵間粥鋪都難。於是試試譚仔😂推介大家一個清淡之選：首先唔好揀太辣/ 太酸嘅湯底，因為太刺激，對肚胃唔太好，清湯係最理想。🤪另外，面底就標配米線，不過都仲有d選擇空間嘅，就係叫佢哋安排「煮久」。腍d會易d消化😜。仲有，配料建議揀d少調味少辣嘅材料，例如丸類、雞肉等。呢類材料相對會少d油。🙊總結：平時譚仔係可以俾到濃味刺激嘅味覺感受大家；但喺唔舒服嘅日子，譚仔都可以係一個健康嘅選擇🙂

譚仔又出新嘢喇😍今次竟然有我最鍾意嘅豬軟骨🤤豬軟骨炆到好淋好入味 食落仲有啖啖骨膠原嘅感覺🤩湯底係花椒重慶酸辣湯 好濃郁 酸酸辣辣 好開胃🌶豆卜同埋個寬麵都好索湯！！

烤雞柳芝士泡菜撈米線叫咗五少辣 撈埋芝士唔知係咪中和咗 所以唔係幾辣 淨係食到少少泡菜味整體撈埋都幾咸中同濟個 但雞柳都不錯但係我都係鍾意食湯米線多啲不過都欣賞譚仔近排有咁多新搞作新嘗試

最近見到譚仔新出左呢款韓式嘅芝士泡菜米線🍜見到網上面嘅食評有好有壞 所以就決定自己嚟試吓😂估唔到譚仔會出呢啲咁特別嘅米線🙈芝士嘅鹹香味 再加埋泡菜酸酸辣辣 又唔錯喎☺️而且仲有埋烤豬肉 食晒成碗都唔溜😋

🚦譚仔（旺角）有中同叫我試伏😂一於試下試！直衝新品而嚟，撈米線我來了🍜🧀烤豬柳芝土泡菜撈米線🧀$447/10【譚仔質素】佢就係你會期望嘅譚仔質素👍係唔錯嘅，你對呢個價錢有乜嘢期望就係乜嘢味道🤣計時同埋泡菜嘅比例有啲唔平衡如果多啲泡菜嘅話會好食好多😋因為芝士加泡菜其實好好食！再食嘅話我會自己再+$5泡菜麵質來講唔乾，最底仲有少少湯🤏但失色嘅係叫咗3小辣，但識落完全唔辣🌶烤豬扒就正常發揮👍唔會太柴🍑荔枝青檸寒天特飲🍑$16【Refreshing】8/10幾好飲，不過就有啲貴荔枝味同埋青檸味好夾，兩者都好突出🫶不過最鍾意嘅都係佢嘅寒天😍少少甜甜地嘅荔枝味，又有咬口未去到珍珠咁彈牙，但又有咀嚼感🥰整體8/101️⃣老實講，我會話CP值都中上😂其實都幾平，再加上夠創新👍成個組合都好食😋2️⃣我星期一去，旺角分店人流唔算多，唔使排隊直入😇地方都係乾淨企理😚3️⃣姐姐一如既往地好人，勁有耐性咁答我問題😘🔖鍾意我嘅分享就follow我啦💌

🌶紫菜珍鮮三寶泡椒酸菜魚湯米線 中辣 $42湯底有少量泡椒同埋指天椒粒 比酸辣同埋麻辣中辣都辣 仲有少量芽菜 韭菜同埋幾塊腐皮材料超級豐富紫菜有少半餅 浸湯食完全唔腥 吸湯更好味珍寶仿蟹柳真係好大條 長度同手掌一樣帶子肉有3粒 雖然唔係超大粒亦比較扁 但食落鮮甜有肉汁魚片頭比坊間食到嘅滑 似魚膠 彈牙無魚腥味比較可惜係得一舊。以前最鍾意煳辣 今次嚐鮮泡椒湯底已經榮升最愛❤️

星期日同朋友去咗旺角譚仔食，我哋兩個女仔分分咗一碗過橋米線嚟食，分量好多，入面嘅材料有竹生，有火腿，白魚蛋，墨魚丸，牛丸，腩肉，生菜，米線都好多所以都好夠飽，湯底我哋揀咗三小辣，好惹味 。