譚仔雲南米線 (業寧大廈)

营业中

休息中

19/11 18:38叫外賣，要重慶3小，豬潤、腩肉、春卷當我返到屋企開返既時候等一嚿豬潤，打落去阿姐話比返我，我話係廚師咩事？佢話佢都唔知！我話再送我都食晒啦，係送一個鐘都送唔到呀！叫佢唔駛，蝕比佢！頭先等外賣既時候，已有位客人投訴雞肉比一嚿，真係食其他都唔借再食依間，垃圾！

早上打完風，中午又冇乜胃口，諗住食碗譚仔刺激一吓味蕾。公司附近有呢間譚仔，直接行去點餐，見到門口期間限定推介「濃汁豬軟骨寬麵」，迷頭迷腦就去點呢個，阿姐問我要幾辣，我話十小，點知佢話最少都有三小，建議我轉湯底，就聽佢講轉咗個湖南酸辣湯底，就中咗伏。外賣攞返公司食，湯少，餸少，果兩件豆卜硬到呢，送咗一條蟹柳，完全冇味兼口感差，三小件豬軟骨，還可以，起碼夠軟身同軟骨部位唔太硬，但果碗寬麵 ... 完全唔好食，望落似河粉，咬落徧硬，但最主要係口感好差，糊口的😖😖。湯底酸還酸辣還辣，好似夾唔埋咁。我不嬲都好環保，好少食剩嘢，但呢碗麵最後掉咗半碗，真心食唔落。

平日好少食譚仔，因為覺得譚仔=好辣，對於唔係好食得辣既我真心怕怕，不過每當經過門口見到promotion 米線張相幾靚仔又會想去食下。上次食過蠟筆小新個米線辣到死無下次，今次見到呢個芝士泡菜既撈米線又心思思想試，始終芝士同泡菜我都好中意食。大熱天時真係唔會食譚熱，因為諗到碗湯米線熱辣辣就無晒胃口。不過呢個撈既而且又有芝士又有泡菜，就試下佢啦。叫左呢個烤豬柳芝士泡菜撈米線唔辣，加$3有凍熱飲。個樣真心幾靚仔，芝士醬好夠，撈埋一齊真心好味，芝士撈就係應該呢個味，可以再食😆同場加餸豬肚辣到喊不過都幾惹味既。

以前潮州粉面係大眾喜愛美食，包括雲吞麵😂😂😂但不知覺間，從店舖數量看，我認為已經被港式米線超越左成為這個年代最受歡迎食物當中譚仔係表表者👍👍👍👍👍亦代表香港人奮鬥精神但最後都係選擇賣盤😂😂😂😂😂😂😂幸而，水準仲keep到 好似係😂😂見都一排無食就入去食下酸菜脆肉鯇米基本上有酸菜都好難會難食😂😂😂👍👍不用多講凍台灣黑糖薑母茶加豆腐花😂😂😂特別crossover好飲係好飲但兩樣野溝埋奇怪d

推薦湯底: 麻辣(4小)，酸辣，清湯，番茄推薦配菜: 腩肉，豆卜雞肉，墨丸，竹笙，炸醬推薦小食: 皮蛋排名不分先後想食多幾樣嘢，最好就同朋友一齊share一份過橋米線，咩料都有，仲可以叫叫多份小食添。

終於等到了，在西灣河開了，這是一間有很多分店的米線食店。 自然 有他成功之處 ，他的米線很軟滑， 湯底有分辣同唔辣 ，辣的程度有很多級數 ，配料有很多選擇， 迎合唔同需要的人。 有雞肉魚腐 ，魚蛋牛丸之類 ，有各種菇菌類 ，雞肉牛肉， 竹笙等 。每一碗的米線 都有芽菜及 腐皮配合湯底很好 ，除了米線是主菜外 ，其他餐前小食也有很多選擇，例如 有土匪雞翼， 皮蛋 ，蒜泥白肉 ，各適其適。 真係做到梗有一款啱你口味， 以後又多一個選擇食嘢嘅地方了。

下午茶真的抵，兩餸米線包飲品 $35😊特別推介鹵水豬大腸👍😊兩餸可隨便揀，其中較貴材料另加$1，抵。我要的兩餸為腩肉和鹵水豬大腸，腩肉味道可以，可惜只得三幾塊，比較薄和細塊，豬大腸則推介豬大腸很乾淨，亦夠味，份量也足👍😊湯底我要了麻辣，辣度有九種度數，大家要留意，辣度並非1到10，最好問清楚店員。麻辣味道好，我要的是4小辣，是第三最不辣，湯來時看似挺白色沒有什麼辣油色，食落口便馬上食出麻辣味道，不吃辣的朋友可能連這個都未必吃得了。☕️餐飲可不用另加錢要檸蜜，不錯。就是比較細杯。餐牌還有其他食物選擇。亦有自助斟水，也有洗手間。