譚仔雲南米線 (已結業)

上次食過一次寬麵回味無窮，再來食寬麵😋魚腐寬麵-清湯底今日唔想食辣，所以叫左清湯，加$1可以轉寬麵，應該會變成我的最愛，希望長有，雖然麵是一樣，但每間分店煮的硬度都有少許不同，今次麵質略微腍一點點，但仍然彈牙，相比硬身的麵更易咀嚼，不錯，又是另一種新的口感，魚腐新鮮，分量也多，吸了湯的精華，啖啖都有汁，清湯鮮甜，炎炎夏日，某些時候清清地也是不錯的選擇。再來多一客必食的孜然雞翼，雞翼都是平常一樣有水準，飽飽滿足。

現在觀塘廣場要搵間似像啲嘅快餐店，就只譚仔，加上佢哋新推出麻辣豬軟骨寬麵，仲搵埋新晉女團成員大搞宣傳，一於去試下，點知真係一試難忘。入去坐低叫嘢食，大概11點半，當時目測入座率只有4成，我預計咁嘅入座率，加上所叫嘅食物處理簡單，兩個字做餐，4個字食嘢，食完走人應該正午12點左右就可以完成，點知要12點3先至食完走人，我諗原因除咗食物偏辣，影響進食速度外，外賣數量都有影響做餐時間。我叫咗三樣嘢：麻辣豬軟骨寬麵，正價$44豆漿，跟餐價$9韓式泡菜醬雞翼，推廣價$25埋單合共$78先講豬軟骨寬麵，最低要三小辣，對於我嚟講雖然食到，但偏辣，雖然仍食到麻香，但已被辣嘅感覺蓋過部分，影響口感。豬軟骨數量算少，一大碗內只有約3嚿腐乳大細嘅豬軟骨，由於味道已經被辣嘅湯底搶去，所以食到嘅只有一個稔字，完全食唔到其他味道。由於碗麵偏辣，我只用配菜的兩塊長型豆腐泡索湯食，未敢將湯喝一口。自家製豆漿，唯一可取係甜度適中，但豆味欠奉，唔知會唔會因為碗麵過辣而飲唔出豆味。韓式泡菜醬雞翼，呢個絕對係呢餐最伏嘅食物，睇餐牌，以為係泡菜、醬雞翼，但碟嘢嚟到時，完全見唔到泡菜，再睇返餐牌個參考圖片，如夢初醒，因為餐牌相都

腩肉炸醬米線-鮮蕃茄湯10小辣是日星期三, 12半去買外賣，算快啦，等左15分鐘就有，上次等左半個鐘，真係睇運氣🙈或者應該好似其他人咁打電話去叫定，或者用外賣Apps叫。炸醬一向好食，但外賣冇另外一個碗上了，即係要倒晒落湯，所以最後應該有好多炸醬落吾到我個肚，so sad，被為環保出一分力係有代價。腩肉就係湯入面，佢比嘅份量都吾少。第一次試鮮蕃茄湯10小辣，估吾到甘好飲，入邊有好多蕃茄粒，加埋啲微辣，10分惹味。

早輪見到譚仔推出左菜底 簡直係天大既喜訊 皆因我唔好麵 滿心歡喜同同事去幫襯 點知失望至極😣😣脆鯇 豬膶 生菜底 麻辣十小辣🤲🏻一打開真係嘩左一聲 咁少既 同平時叫個菜做餸差唔多🥬🥬真係唔抵食 建議下次叫個菜算 不過其他野發揮都正常既 又熱又微辣既湯係冬天之選 唔覺唔覺飲晒成碗🍲自從推出脆鯇之後 我每一次食譚仔 佢都會佔一席位 保持到魚肉既鮮甜 同時又有脆鯇既爽脆🐟而豬膶今次就麻麻地喇 全部連住一舊舊 切都未切好 好乾 無味道🙈同事叫左土匪雞翼 請左我食一隻 雞翼就保持到温度同有肉汁 都唔錯💁🏻‍♀️💁🏻‍♀️

老老實實，今次係我第一次食譚仔， 大家會覺得好奇怪？一向都唔係太喜歡食米線，但都鍾意食辣野嘅，今日太肚餓嘅關係，唔想再去搵其他餐廳，就去試吓譚仔米線。由於我都食得辣嘅關係，所以點左重慶酸辣米線加牛丸同雞肉， 另外再加譚仔好出名嘅土肥雞翼。譚仔阿姐問我個酸辣要幾多辣，咁我第一次試就唔敢太進取，所以點左兩小辣。個米線上枱嘅時候個味道好酸，試咗啖湯，覺得個辣到對我來講太濕濕碎，下次可以是小辣。牛丸好普通，應該唔係呢度嘅招牌菜。雞肉正常，但冇雞味，仲有少少鞋。土匪雞翼就唔錯，好香口，如果上枱時熱少少就更加好。

邊度都有譚仔，夠方便😄推出咗新款小食，蒜椒雞腳跟 $26 😂雞腳跟啖啖蒜香，好惹味，又有咬口😋米線加韮菜、腐皮，配蕃茄湯底酸味味夏日好開胃👍🏻😋😋😋

由於本人公司在此店附近，故此時常光顧此店，今日我和同事一起再去此店，當我們坐下，並開始叫服務員落單，但沒有人應，只見服務員企埋一邊傾計，直至有位正在幫另一張枱落單，她叫我們等等，但我們已經等了3，4分鐘，最後唯有離開。

之前都要黎譚仔食，宣傳阿姐口操譚仔話，但服務周到，貼心，今日之後，不能認同。因爲要飯前食藥，落單前後叫左三次要杯水，阿姐答應左三次，都無黎到。當有客人要求一杯水概時候，可能真係身理上好需要，請重視及改善！！！

好耐冇食譚仔， 相信很多港人都喜愛吃🥰。 到觀塘駿業街中海日昇中心的分店， 午餐～過橋米線$56、 重慶酸辣湯底三小辣$1、 四川青椒皮蛋$23、 蒜泥白肉(小) $26、 熱奶茶$8、 雙檸檬可樂$13。 過橋米線🍜有好多料， 魚蛋、牛丸、墨魚丸、豬潤、牛肉、雞肉、豬肉、腩肉、火腿、炸醬、酸菜、竹笙、芽菜、韭菜、腐皮、生菜和豆卜， 適合三心兩意的我🤩， 我最喜歡就是炸醬🤤， 甜甜酸酸好開胃👍🏻，每次必點。重慶酸辣湯底三小辣辣度適中， 適合我又想食辣又唔想太辣的人😆。四川青椒皮蛋和蒜泥白肉超級惹味， 蒜泥白肉細份已經很多。 本身點咖啡，可惜餐廳沒有，所以轉奶茶， 味道普通。 雙檸檬可樂配米線就是最正吧👍🏻！譚仔真是會令人上癮， 食極都唔厭🙌🏻。

平時諗唔到嘢食就是但食間譚仔算，今日都唔例外😛今日嗌咗雞肉酸茶麻辣二小，其實比起出面，呢度嘅二小真係唔辣，感覺似五小，食呢間可能要加多個辣度。檸茶少甜一樣正！

喜歡酸菜魚的一定不能錯過，原來不一定是嫩滑的桂花魚才配辣的，脆肉鯇的爽彈口感也很夾，今次試5小辣剛剛好，雖然辣到流晒鼻水，但沒有辣到吃不下去，如果脆肉鯇份量再多點會更好

有時lunch time 諗食咩真係會諗到頭都爆😂，如果真係諗唔到，我會揀譚仔。.而每次我都必定係呢個配搭，百吃不厭。😂雖然係叫清湯底，但佢既味道都好濃郁，食一碗啱啱好夠飽肚。.✨魚蛋+雞肉少米線走韭菜芽菜.🏠 譚仔雲南米線🛤️ 觀塘駿業街56號中海日昇中心1樓K號舖📍 港鐵觀塘站B1出口，步行約7分鐘-----

譚仔永遠都係最好食既米線店，一個湯底食厭咗都有其他湯底可以選擇，我本人鐘意食辣，最鍾意譚仔既酸辣湯底，今次叫咗個牛肉冬菇酸辣米線，冬菇配佢個酸辣汁好吸辣好好味，牛肉亦煮得岩岩好，好味！

咁多年來食過唔少米線 但係唔知道譚仔點解總係有一種特別嘅味道吸引你返去食 去親譚仔都一定要叫酸辣米線 對上一次食已經係幾個月之前 但係今次食返發現好似又貴咗 叫個一餸米線再加杯嘢飲同一個小菜已經去到$70 感覺已經唔再係以前平靚正嘅譚仔

屋企人突然之間話想食米線，而我上次食過覺得唔差，諗住同屋企人一齊食！今次帶咗個清湯過橋米線，份量好足夠，兩個人都食唔晒。而且入邊嘅餸亦都好多，食到最尾竟然係餸多個麵！