譚仔雲南米線 (翠怡商場)

营业中

休息中

自復常之後，都比較少食譚仔，因為次次落完單後，都要等很耐先有得食! 但今晚突然心血來潮，老公話不如去食譚仔雲南米線，我話OK呀，反正好耐無幫襯過，既然我們選擇留港消費，倒不如幫襯本地食肆!我們晚上八點鐘去到，入座率看落還可以，不用等位! 這間譚仔已轉用App落單，攪左一陣終於落完order! 我老公叫了一個手機App優惠自選三餸麻小辣米線(魚腐、豬潤、墨魚春卷)再送一個小食(麻辣黑木耳)，價錢$50，如要加杯凍奶茶，就要另加$10! 至於我就叫左個芫茜皮蛋三餸(豆腐卜、豬潤、墨魚春卷)米線，價錢$54，由於想食多個菜，就加多$19叫左個走油生菜，都算經濟!老公話佢個麻小辣三餸米線都幾夠辣又足料，豬潤好多好大塊，魚腐好味，但墨魚春卷就略為咸一點! 而我就好喜歡佢地個芫茜皮蛋湯底，有好多芫茜好多皮蛋好夠味，米線好腍滑又爽口! 今次再去食譚仔並沒有令我們失望，總算保持返佢地應有嘅米線水準!唯一的，就是佢地架送餐車(兼收碗碟車)個車轆依然好噪，令客人食緊野傾喫時感覺有些騷擾囉!😉

Intro: 譚仔同譚仔三哥都出左下午茶系列，相信唔少人都會比個餐牌難到，但相信係marketing 嘅功效有咁多宣傳，而呢次為左食兩個小食，就叫左兩餸米線再加兩個雞翼小食～___________________🍽 雞肉腩肉米線+兩款小食+熱奶茶💰 42 ⭐️8/10✍🏻 兩餸米線嘅份量比平時細三成，但足以滿足下午茶嘅份量，加上仲有小食同飲品；✍🏻 小食就揀咗土匪同香草雞翼，炸得唔會過火，唔會油膩，充滿十足嘅肉汁同醃料，不過獨特嘅土匪雞翼先係譚仔出色嘅菜式；✍🏻 熱飲唔使加錢，喺譚仔嚟講算少有；___________________🏠 譚仔📍 香港各大分店⭐️ 8/10___________________

早起的鳥兒有好西吃~原來呢間譚仔都有早餐食~🔹家鄉泡米通粉🔹米通粉睇落個樣好淋，但其實食落係彈牙，加上佢通心，有肉碎，蝦米，冬菜嘅湯汁喺入面，好有味，好食過米線！🤭🔹配搭🔹面包好”鞋口”, 唔鬆軟…炒蛋就本身有味，ok腸仔同餐肉超鹹…..

對上一次黎幫襯明明堂食又變左外賣，今次自取又出錯，其實我黎得食都係想食譚仔招牌雞肉，點知返雪屋企一打開比漏左，究竟職員係咪發更夢，即時打返落去話比漏左，又話下次補比我；或者扣6蚊，真心嬲，係咪下次要我跑去青衣城個間質素會好d? 另外其實我一直都覺得呢間店比既雞肉份量比起其他店份量偏小，可惜職員話有5gram 份量仲多少少，話可能落左湯到碎哂喎！不想比劣評既都要在此留腳印希望你地真係會檢討。

一起身想食啲辣野，就嚟譚仔食lunch～翠怡商場依間譚仔嘅姐姐都好nice座位好闊落，坐得舒服！我哋叫咗：炸醬腩肉重慶小辣＋雞肉竹笙重慶小辣依間嘅小辣比其他分店冇咁辣，餸唔會比得少，竹笙起碼比咗8條以上！小食叫咗：紅油木耳 ＋麻辣豬耳，好野味，木耳同豬耳都好爽口，同份量好足我哋兩個人去食，叫得比平時多，差啲食唔晒，但食譚仔係會食唔停口😂

我真的很少打食評的，這次真的不能不說，裝修完，員工換了，工作效率超慢，叫了5个東西，半小時只上左1樣，真係搞唔掂，完全不是做生意的，過份，几台客都在催，唉。。。。

之前見位於青衣長發廣場嘅”譚仔”裝修，到昨日見佢開番，今日就打算去買碗過橋食下。當時在收銀落單係上午11:57。眼見堂食嘅人數只坐了大約一半多些，估唔到好多外賣食客都發生了唔開心事件。我碗米線一共等左45分鐘先有得攞，期間仲要向個職員催了3次先有，有D打工仔一樣等左咁耐，最後要向收銀退錢同個收銀員講之後，佢只係講”得啦，得啦，同你跟進”，之後就繼續聽電話收order同收銀，從無用對講機或行去廚房講聲最離譜係個收銀員聽電話叫人哋20分鐘嚟攞🤬🤬🤬🤬🤬真係無諗過只碗前普通過唔普通嘅米線都要咁勞氣，永無下次幫襯

間間譚仔都差唔多，口音都接近，點解要寫呢間食評主要係呢間比較少人，大部分時段都坐得舒舒服服。 人少自然上菜速度快其他地方例如葵芳，繁忙時間真係半個鐘先有野。個人黎講都鐘意去呢間食。今次叫雞肉米線加小食，整體乾乾淨淨，熱度足夠最近推出魚片米線，下次試試先

Tamjai staff (JeJe) were so nice and they checked my temperature before i went in. I ordered chongqing soup base with mild spicy and chose chicken as the ingredient. Also, I paid $3 to add an individual size small dish during the promotion. The price is very acceptable .

譚仔區區都有，我都食過唔少次，今次要講下青衣呢間譚仔，咁有乜特別呢，啲食物都係大家食過嗰啲啦，我想講嘅係，呢間嘅職員竟然係講純正廣東話㗎服務都係一般一般啦，揮幾十次手先有人理，十秒講唔到你想點乜佢黑面架，咁食物依舊ok 啦，又平啦，所以繼續都係咁多人食啦川椒皮蛋，食咗兩舊先記得影相，麻味出，少辣，我最愛麻辣豬耳，都幾大件下，啲醬料同川椒皮蛋差唔多，都係麻味出辣味少，都唔差既，我都係鍾意食皮蛋多啲腩肉腐皮炸醬清湯底米線，都係唔敢試辣，清清地岩我食架喇🤣🤣🤣

係青衣想食米線唔係太多選擇，終於發現近近地既翠怡花園開左間，就當然要去試下。譚仔對香港人黎講已經係家常便飯，食過唔同地區既譚仔或者三哥，而呢間分店唔同既地方就係坐得舒服，雖然座位細細地，但都幾多二人座位，比較有空間感平時食開清湯，配一兩個餸；今次想健康啲，就簡左蕃茄湯底，加上竹笙同魚片頭。發現魚片頭有驚喜！勁爽，重點係唔腥！大家都知米線既質感都分好多種，有啲人鍾意淋啲、有啲鍾意硬身啲；而呢度既米線算幼身同埋有少少彈牙，我比較偏好呢一種 值得推介！！

小妹下午3點22分去左買外賣(豆卜雞肉小米十小辣+蒜泥白玉) 一等就等左成35分鐘，即係成4點先有野拎。 個外賣仲要比個譚仔阿嬸一路派堂食一路兜圈，出到黎仲要繼續勁慢咁講號碼。真火都黎埋！翻到去仲要發現佢連筷子同匙羹都冇比！以後都不會幫襯呢間青衣分店！

食物質素 7/10因為屋企附近得三哥，所以平時都食個間。今次就試試姊妹舖，睇下有咩分別。蕃茄湯豆卜腩肉米線以份量黎講比三哥少，不過都夠我食，因為平時係三哥我會叫小米線。豆卜同腩肉差別不太，兩間水準都保持到。蕃茄湯唔夠濃郁，但欣賞佢有啲碎新鮮蕃茄點綴下環境衛生 7/10睇落似新裝修，環境光猛，坐得舒服！服務質素 7/10唔洗等位，落單上菜速度快！

🔅🔅🔅譚仔係我午餐飯堂通常自己一個人食勝在快靚正又夠飽🔸<雞肉豆卜麻辣湯五小辣米線> 米線份量永遠都係咁多每次食完都會飽到傻左今次叫左麻辣湯五小辣感覺辣得黎又帶點鮮甜原因係有雞肉提升甜味所以雞肉係我百搭之選每個豆卜都吸收了湯汁啖啖好煙韌滋味又滿足🔹另外有無人和我一樣好鍾意食芽菜和韭菜佢地係米線必定要有的爽口清脆缺一不可呀～🔸最後清晒成碗米線反而食飯總會吃不完可能湯底係其吸引之處🔅🔅🔅

如果你趕時間，請慎重考慮，外賣等足8個字仲要係咁追先施施然俾你，八個字，就算係繁忙時間都好，都難以接受，可一不可再！！仲要係唔跟次序，後面啲number 出晒我都仲呆等，未曾試過咁樣既服務，首次留評就係唔想更多人浪費寶貴的時間。