譚仔雲南米線 (海怡西商場)

营业中

休息中

今日去咗間餐廳食個火鍋套餐，真係有啲嘢想講下。望住個小火鍋，個譚仔湯底好好似平時食10小辣咁，上面飄住幾片生菜、一舊油豆腐同埋一粒紅卜卜嘅番茄，賣相都幾靚。試咗啖湯，味道就有啲淡，感覺好似清水咁，冇乜鮮味，可能要落多啲調味料先得。再講下配菜，生菜新鮮爽脆，油豆腐吸咗啲湯汁，不過吸得唔夠入味。肥牛片睇落去都幾靚，雪花紋路清晰，不過煮完之後有少少韌，口感差咗啲。個白飯就正常啦，軟硬適中。酸菜同芫荽呢，酸菜夠酸，開胃，但係有少少鹹；芫荽新鮮，不過唔係個個都鍾意。餐廳環境都幾舒服，座位寬敞，價錢就中等啦。總體嚟講，呢個套餐就普普通通，味道有啲欠缺，不過如果想食清淡啲嘅話，都可以試下嘅。下次可能要試下其他米線，睇下會唔會好食啲。

因想食米漿線, 已光顧多次, 但食物一般, 但樓面職員10個有8個都冇禮貌, 有些仲黑口黑面, 問嘢就叫你睇返餐牌, 唔知呢D係咪叫譚仔味, 夠哂重口味。下過,一定不會再幫光顧。

呢排成日係海怡呢邊出出入入，咁又一定走唔甩就係食譚仔啦～不過都唔係食得太多次，呢間今日第二次食！每一次我都係食過橋米線，實無走雞啦，料次次都係果啲～咁問題就黎啦，應該每一次味道質素都一樣架嘛，但係今日食呢，啲肉嘅質素問題就feel到哂啦！今日嘅肉比起上次又硬左少少un左少少，問題都唔係太大嘅，不過有feel囉～～每次都係食過橋米線清湯，今日第一次轉下口味，試下湖南酸辣，結果果然同想像中一樣，出哂汗係咁洗鼻水😂仲出少少眼水添🙈不過整體嘗試覺得唔錯😬

已經係第N次食譚仔米線，好多度嘅分店都食過，自從鴨脷洲呢間分店開咗，有時都會去幫襯下😊😊不得不說譚仔真係會食上癮，今日就去試吓佢新出嘅蟲草花醉雞翼米線🍜湯底係醉雞翼湯底，好特別，有陣淡淡的花酒香，不過雞翼就係單邊，網絡有四件，其實只係兩隻，價錢$43👍🏼 差不多等於平時叫嘅兩餸米線海怡半島呢間分店，廚房比較透明，可以見到入面嘅衛生狀況都係絕對可以接受，唯一要認真反映，係佢嘅質素比較不穩定，食嘅米線，有時偏軟，有時偏硬，如果跟返其他店舖嘅標準就好🍜☺️

不過不失譚仔最近喺海怡開咗分店，緊係要嚟試下新野叫左最鍾意食既番茄湯底過橋米線，相比起以前或者出面食開既過橋米線，硬係覺得份量少咗，肉起碼少左幾塊。不過番茄湯底值得一讚，好鮮甜，差d飲晒