影片
电话号码
31884920
奖项殊荣
米芝莲街头小食 (2019-20)
营业时间
今日营业
08:00 - 21:00
星期一至六
08:00 - 21:00
星期日
09:30 - 21:00
公众假期
09:30 - 21:00
以上资料只供参考，请与餐厅确认详情
相关文章
今日嚟到位于新蒲岗嘅豆浆大王食下午茶😋 听闻呢间豆浆大王系米芝莲推介，于是就去试下😁我哋叫左一个招牌嘅咸粢饭，入面嘅油脆鬼脆卜卜，肉松嘅咸香加埋炸菜嘅微辣，真系非常好食！！👍🏻 每一份都系20蚊！当做早餐或者下午茶都好够饱😋秘卤肉碎拌面都唔错，啲面几弹牙，肉碎嘅好入味，但系俾嘅汁唔够多，捞唔匀成碗面，食食下就冇乜味😂 上海排骨都好食！即叫即整，一咬落去仲系热辣辣嘅！😆一入口就充满油香，外脆内嫩😋肉松奶脆多系呢餐入面嘅最爱！！😍多士焗得啱啱好，唔会太干，但系又好脆😋 炼奶嘅甜味加埋肉松嘅咸味系估唔到咁夹！加上俾左超多肉松，每一嚿多士上面都铺满晒肉松🤤 食到最后连碟剩低嘅肉松都唔放过！大推！最后仲有跟餐嘅两杯豆浆，甜甜地又有豆味，唔似坊间𠮶啲成杯糖水咁😋 系咁暑热嘅夏天，一杯冻豆浆真系令人透心凉😚总结！豆浆大王价钱亲民，而且分量都好足，经过一定要试下！
继续阅读
呢间上海小吃店据了解是新蒲岗名物，今日食完，果然系正野。佢个粢饭真系好好食，最正系即叫即包，所以佢入面条油炸鬼先至可以keep到个脆度，唔会比D糯米嘅水气整到淋晒。另外佢入面嘅肉松同炸菜丝嘅比例都做得好好，令成件事好平衡。煎酿豆腐都好食，D豆腐比想像之中要滑，豆腐本身都够香，煎咗出黎唔算好油。叫咗电上海菜肉云吞，味道都唔错，就系𠮶种旧式上海舖嘅味道，实而不华，不过味道却很出众。最后亦都系最正嘅，就系佢杯豆浆，豆味香浓，真系好好味。
继续阅读
晚餐时段喺外卖平台点餐，送到时包装完好而且热度好高；上海净馄饨共 7 只，皮细滑但略厚，馅料肉鲜多汁；招牌咸粢饭有榨菜、油条及肉松，热度够加分，油条仲保持香脆，整体发挥平稳，未算惊喜；五香牛肉、肉骨及鸭肾份量足好抵食，五香牛肉属牛𦟌部位，紧致软滑又入味、肉骨唔会干柴就连骨都入哂味、鸭肾属较软腍口感，五香味道调得几好，咸甜比例刚好仲有阵阵五香味道，冇过咸；煎酿豆腐有少少豆香，质素正常；自家制咸豆浆同样足料，加入油条、虾皮、榨菜、葱花等，鲜味得嚟唔会太咸，饮到豆香
继续阅读
豆浆大王嘅豆浆真系闻名不如见面，系好饮嘅，豆味系有嘅，不过唔算太浓，不过可惜除咗豆浆之外，佢个小笼包真系衰到一个点。侍应姐姐一拎到嚟见啲小笼包黐埋晒一齐就知“奶”嘢啦，估计呢个交货嚟嘅小笼包，做法就系将个小笼包搓到好似粒汤圆咁嘅样，然后揾个模“吸”落去，成块皮系一体化嘅，其实咁都唔系最大镬，佢最大镬就系啲皮黐住晒一齐，即系喺冰格拎出嚟已经黐实晒，基本上一搣开就会搞烂咗块皮，咁入面啲汤就会漏晒出嚟，真系搞佢唔掂。
继续阅读
估唔到星期日嘅工厂区都可以有一间爆场嘅餐厅，我哋好好彩坐到最后一张枱。雪菜肉丝上海面竟然系用新鲜嘅酸去做，所以雪菜味特别香，食到一阵雪菜清新嘅口味。淡淡面要做小辣，佢嘅麻酱花生酱同埋汤嘅比例几好，唔会太稀唔会太涩，虽然佢可以拣配米粉米线𠮶啲，不过我都系觉得配上海面系唔错嘅。试咗个粟米浆，粟米嘅味道好浓郁，而且食到粟米嘅甜味，估计应该系将粟米放入搅拌机摆到烂晒，味道唔错。豆浆大王杯豆浆系掂嘅，有豆味，而且唔会太甜。
继续阅读
您可能会有兴趣的...