豆漿大王(粢飯) (已結業)

今日出左大埔!記得上次黎呢度有D後悔冇食芝士撈丁!!今次要試下!!叫左吉烈豬扒芝士撈丁!!!好味WO!!!!!!好多芝士呀!不過又真係少少地~~~價錢可接受!

四月廿五日(星期六)趕回大埔,即將出發前往堂姐的婚禮!不過亦不忘吃點小食到了我喜歡的豆漿大王,我最欣賞的是餈飯和酸辣雲吞,今次難得吃小食我點了煎釀豆腐,老公點了魯水雞奕,和兩杯豆漿煎釀豆腐,扁身的!魚肉比較少,而且豆腐煎得比較油雞奕,很瘦,營養不良,不入味,比較咸豆漿,一向是有水準之作下次都是吃正餐吧!

平時都會來食野~因為d野食都好味同埋好大件~今晚同媽媽來dinner叫左一個韮菜餃擔擔麵$23同糖醋排骨飯$25本小姐穿校服有得送豆漿~媽媽就+$2有豆漿擔擔麵個外表都ok既~不過食落真係只可以用一"劈"野來形容= ="好似漿糊咁@3@d餃就ok~脹卜卜~個飯就真係難食到果個所謂既糖醋骨我完全覺得佢係醋浸骨lo~酸到嘔豆漿就ok吧- -"平時來食既粢飯都ok~不過ok大舊~但係今日果餐真係令我失望仲有一樣野雖然唔係好關間餐廳事但係令我呢餐飯既質素事~就係隔離有3個著著大埔算係ok好既學校校服既妹妹~wa!!!佢地3條由仔真係唔知想點~完全當d人死既~講野把聲大到嘔~係咁笑係咁玩~侍應姐姐都企響佢地後面又唔好意思話佢地= ="好心佢地啦~一來影響人~2來影響敕校風呀....

男友食完車仔麵唔夠, 陪我食多個粢飯平時買開都係一早整好哂, 而呢度嘅係比你自己配搭材料, 再即刻整比你我要咗腰果肉鬆炸油條, 略嫌油條淋pat pat叫錯咗, 腰果脆脆好好味~男友叫辣味小魚肉鬆炸菜, 原來粢飯配小魚係咁好食架, 炸菜係一般嘅配搭所以有一定嘅分數, 其他都幾足料下,睇住佢先用濕毛巾墊底再放熱騰騰嘅飯響面, 落完餡再放多舊飯上面, 用力壓實, 圓圓嘅粢飯就成了!!本身飯係冇味嘅, 所以就咁食係一d都唔好食架, 記得要連餸食呀!P.S. 加咗杯豆漿, 唔會太甜, 有豆味, 本身$9.5一個三餸飯+豆漿就要$13, 每加多個餸就加$0.5, 食一個都飽哂, 值得推介

尋晚夜左返大埔..突然想食好耐冇食既豆大, 於是就去左. 個時大約九點零鐘人都仲有好多. 招呼都幾好, 不過地下就有少少污糟. 但係都問題唔大本來想叫佢地既飯, 但心絲絲想食豆腐花廢事簡簡單單一餐太貴就叫左 芝士豬扒撈公仔麵先講麵, 份量少左D, 豬扒好薄好細塊, 但麵好多芝士, 味道好似龍蝦伊麵個種芝士味. 但覺得略稀...特別係碗底好快就食完, $22 一碗, 覺得唔抵有D後悔點解唔嗌飯. 我見隔離枱嗌炸秋刀魚鴨胸菜飯,好香, 一定好食過我呢碗先 =( 豆腐花好好味, 又大碗. 最滿意係呢樣食得飽, 但唔係太滿足但係呢間豆大, 幾個朋友坐低傾下偈係唔錯

住係大埔由中學開始都間唔中幫襯...今日去叫左個鮑魚碗仔次加痴飯豆漿... 咁多年黎我覺得呢幾樣野係最好食...平平地今日又訓到2點幾起身唔想諗之下....朋友叫左個肥牛金菇炒公仔麵... 肥牛唔掂..好似雪左好耐咁..d麵太喊...口感還可以,食落口唔係太油個人建議食碗仔次.. 酸辣麵..痴飯,豆漿係ok....最唔建議叫擔擔麵... 好似壽x牌果d咁.. 自己煮仲好食過佢咁....

好懶惰，唔想出街，所以夜晚由男朋友去豆漿大王買外賣返嚟食。買咗雞扒腿蛋飯、炸雲吞同酸辣雲吞米線。食物質素同平時差唔多，冇乜特別，不過個雞扒腿蛋飯就好有問題。雖然只係賣$26，但係塊雞扒冇理由得半隻手掌咁大嘛？明明平時堂食都唔係咁嘅！根本就係呃我地錢！經濟唔好都冇理由用呢D唔老實嘅方法呃食客嘛！

各位食肉獸注意 !這兒最抵食又好食的東西 , 就是糖醋排骨飯 ! 先講點好食 , D 味會很濃送飯一流仲很開胃 , 而且 D 排骨好似唔洗錢甘 , 有成四大舊 ...... 我第一次食簡直比佢嚇親 ! 所以我每次來大埔都會來朝聖 .... 因為實在太好味了 , 加埋叫一杯涷豆漿 ...... 都無話可說了 !其實其他野都幾好食 , 不過我也是食肉獸 , 所以要推介比同類 個飯都係 $22-25 左右 !

紅叮因今天要去灣仔會展進行書展收場～早上食得飽一點～來豆漿大王吃腸粉～店內沒有客人。任坐～坐下沒有店員走過來問我食什麼，只有個食緊早餐的店員問我～唉～。～叫了腸粉加魚蛋，蘿白～腸粉不是那些即叫即造那些～質素和其他店鋪差不多～蘿白就真係淋～但沒有甜味～魚蛋～和平時食的差不多～一般～反而杯豆漿比較有豆味～豆漿比腸粉更好～１７元，不便宜～～

幫襯過5少次 ,,都係買粢飯豆漿居多 ....個粢飯大大隻又幾足料 ,, $8.5都5算貴 , 味道都幾好豆漿豆味好濃5似出面個d得個甜字 ......但其他個d我就覺得麻麻 ,, d酸辣米線d湯好 杰 ...5車仔面個湯好重味精重有個老細d態度都幾惡劣下 = =

今日去想買粢飯，係門問個老闆娘，有咩粢飯，佢就話“炸菜肉𢇃油炸鬼，岩唔岩？‘我就話，‘即係只係得咸粢飯？‘佢就好似好唔耐煩咁話；'要甜既加D糖落去lor,但一日都賣唔到幾個！‘,咁我就要左個咸粢飯，都幾好食既,但佢好似唔懮賣咁,我最憎呢D態度。

我對上一次去D酸辣湯反而唔係太結, 係太稀同太淡, 食完都有D失望, 因以前D酸辣湯真係唔錯, 希望能提升番D食物質素

衛生一d 都唔掂啦..服務態度..一向都無架啦..由7年前朝早開始買腸粉燒賣外賣時已經覺得呢間野d態度衰呀..到依家都無改...真可悲..食物...今個月中同老公食酸辣雲吞米線同酸辣九菜餃米線..唉...每況越下...d酸辣湯結過芝麻湖...又唔熱...勁難食..我地每碗食左一半食唔落..太難食...有次叫腸粉...叫亞姐比多d豉油...嘩...出黎果碗腸粉成碗湯咁...多d豉油啫...唔係咁呀化..咁既賣相...又係食左一半..依家對豆漿大王真係無哂信心...-_-

呢間豆漿大王陪伴我成長!佢亦令我愛上食酸辣麵!今次我叫左酸辣雲吞麵<$23>,佢d上海雲吞真係好好食!d酸辣湯又足料!好濃!既酸酸地又辣辣地!好正!好多人呀夜晚,不過咁好食,抵佢咁多人幫趁!

今晚跑步前，要搵野填填個肚，不能食太豐富，不斷諗...粢飯！麥噹飽！粢飯！麥噹飽！結果粢飯勝出。呢間嘅粢飯我已經n年冇食過，記得呢間舖在我讀中學時已經存在，好好味，飯夠實淨，油炸鬼夠脆，所以今晚去買個試吓！實價仍然係好底，大大隻，$8.5，但就係預先整好咗，放入保溫箱里面keep warm，一望阿老世從保溫箱拎隻粢飯出嚟，已經扣分lu....，我仲以為係即買即整添！味道方面呢，飯好味，不過頗多，咬兩啖先到中間啲餡，油炸鬼冇晒火氣lu...林晒，失望！如果係用嚟填飽個肚的話，ok囉！