豆豆冰室

营业中

休息中

手機點餐，點了一個豆付火腩煲，送到來的豆腐是凍的，火腩就又大又硬又柴，竟然可以收80元，還不跟飯，湯只是問經理才可以送，個經理的服務態度更不友善，因為我沒有點白飯，沒有下次了。

啱啱喺豆豆餐廳食咗下午茶，叫咗杯熱茶走店員拎到嚟不小心倒瀉落個碟到滿滿，我要求換過一杯佢攞返去出餐處呢將碟嘅奶茶倒返落個杯度，跟住又送返俾我，我當時坐緊出餐處我見到晒呢個情形我都唔敢再飲啦以後都唔敢嚟惠顧👎

初四晚同朋友去叫小菜，點了以下食物：粟米班塊 - 無汁的魚塊好硬，炸得太燶菠蘿咕嚕肉 - 每件都無咩肉，粉多過肉蒜蓉炒菜芯 - 菜芯好油，只食到蒜蓉味特價白灼蝦 - 蝦肉唔實淨，又未到“梅”蟲草蒸雞 - 最正常，不過有幾件雞得肥膏凍檸茶 - 最好味，茶唔澀，有4片檸檬中湯 - 應該蘿蔔雞腳湯，正常例水味道白飯 - 好乾，好硬，不過好大碗長沙灣的茶記都食唔少，同一個鋪位之前的冰室茶餐廳都好食好多，所有小炒都可以話係差，得杯凍檸檬最正常。長沙灣係出左名多餐廳，完全唔明點解今時今日仲有呢種質素的茶餐廳可以生存到。

路過見到新開茶餐廳，貌似換了個名字，又到3點3，睇下有咩搞作。價錢來說都是40多連飲品，性價比高，叫了乾炒牛河、星洲炒米和豬扒飯，和茶餐廳必備熱奶茶！炒牛河鑊氣十足，不算太油膩，河粉也是爽口有彈性，牛肉新鮮肉質ok，不會很鞋口，整體來說覺得很好吃。星洲炒米相較之下有些遜色，鹹味辣味都不夠，味道寡淡，色澤也偏淺，配料和米粉就好像各自為政，可能還需要下些功夫。焗豬飯值得讚賞，豬扒肉質軟，蕃茄醬不是可怕的螢光汁，還保留蕃茄膏的味道，甜酸度控制算是不錯。值得一讚飯底粒粒分明，乾身也有鑊氣，是一個合格以上的好吃豬扒飯。奶茶和杏霜都不過不失，奶茶算滑，不過希望個杯可以都熱，咁就更好。總體都十分扺食，服務員哥哥態度都好nice，會主動跟客人聊天和推薦菜式。