豐受居酒屋

营业中

休息中

📍豐受居酒屋餐廳位於觀塘鴻圖道83號東瀛遊廣場地下A一個人放工悶悶地想食個孤獨飯，經過呢間居酒屋，感覺幾好，天氣又凍凍地，又想食個熱辣辣豚肉鍋，所以決定入去試試。餐廳很有濃厚日式味道，以木系為主題，感覺很暖和。餐廳提供兩個鍋物：壽喜燒$138 和泡菜豚肉鍋$108我點咗泡菜豚肉鍋 ，最吸引喺烏凍無限任添。☀️☀️☀️☀️☀️☀️☀️☀️☀️☀️☀️☀️☀️☀️☀️👍👍豚肉出沒注意@滿滿一碟豚肉好吸引，油脂和肉嘅比例平均，不會太肥也不會太廋啱啱好，肉質細嫩，淥一淥幾分鐘已經鮮甜無比，口腔散發豚肉香味👍讚鍋物中有大量蔬菜🥬，湯底有泡菜微微辣，味道適中 ，唔需要再蘸醬料 ，感受到味蕾衝擊整個口腔 ，回味無窮。無限烏凍添加系列@粗身烏凍麵條🍝爽滑彈口 。細細一碗已經夠一個人份量，本身細食嘅我 ，不需要再添加了 。額外點咗杯飲品@紫雨 。名字特別，原來喺蝶豆花溝雪碧 ，滴啲檸檬汁，份外醒神。

晏晝經過見到門面幾靚，價錢又幾合理就入咗去試吓！😋入邊仲有榻榻米位置，幾靚 好好打卡😍同埋冇乜人，始終個位置都幾入，所以可以坐好耐叫咗碗花膠雞烏冬$88仲有小食炸雞三件個人感覺炸雞仲好食過碗烏冬😹好入味仲好脆！其實碗烏冬都OK不過唔算好入味，淡淡地但係花膠份量都好足夠！下次經過會再食～

睇社交平台 reels介紹佢哋烏冬好似幾正週末嘅下晝兩三點入到餐廳環境確實係唔錯係有日本風 新派居酒屋嘅感覺🏮明太子溫泉蛋拌烏冬 $78 🍜呢個係一個冷盤都係靠明太子同溫泉蛋去拌烏冬🥢因為本身烏冬係冇咩味明太子就海水鹹味溫泉蛋就冇咩特別 🥚份量就唔多 味道就冇咩驚喜烏冬又唔係特別彈牙蕃茄湯肥牛烏冬 $78 🥩肥牛就煮得有啲老 比較難咬湯頭有少少炒香咗嘅洋蔥 🧅蕃茄湯裏面都有啲蕃茄湯就偏甜少少蕃茄嘅酸味🍅整體就無太大驚喜

在IG被吸引，專承來到觀塘一試豐受的特色烏冬。主食分別叫了兩款，金湯蟲草花花膠雞烏冬及濃湯蕃茄牛肉烏冬。兩款烏冬湯底都各有特色，蕃茄湯偏甜，具日式風格，但個人未有太喜歡。花膠雞湯香濃足料，花膠大大件，湯底較杰，好似飲緊啖啖湯咁，CP值勁高。小食方便加配了雞肉棒及三文魚子蛋黃茶碗蒸。雞肉棒算鮮甜有汁，但未有太驚喜。茶碗蒸上枱好靚，而且遇上唔到係凍的，10分有特色。

野食唔好食又貴，服務態度差到冇影，尢其是個男經理，全程黑面，又悔氣，叫又唔認。今天是假期，好多款刺身又話冇準備料，9:00未last order, 餐廳已經cut order, 想叫啤酒都已經冇，我第一次聽見餐廳係會賣晒啤酒，已經唔係樽裝啤酒，佢話冇得賣，我地問佢有冇樽裝啤酒，佢話冇，係而家呢個經濟環境，客人已經唔多，啤酒對於餐廳來講都係低成本，但有啤酒賣的餐廳竟然係未last order就話冇得賣，基本上覺得員工9:00就想趕客咁。今晚晚飯真係一肚氣！

豐受居酒屋𓍯花膠雞湯烏冬 🍜🐟 成碗麵好足料 一碗有成五六嚿花膠 花膠味亦都好濃郁 🍜 𓍯七味豬頸肉 🥓😍 豬頸肉嘅外層有一浸七味粉 兩個味道加埋一齊幾夾 但係 個豬頸肉有啲乾 如果Juicy返少少就會好好食𓍯原隻燒魷魚筒 🦑😍 超級好食 唔乾 好香燒魷魚味配埋佢個日式辣汁好好食🫣咬落去好爽口𓍯天婦羅拼盤 🍤🦐 炸得啱啱好 好脆 亦都唔會太油 🍃 有秋葵、南瓜、紫蘇葉、炸蝦、甜番薯、金菇🙂‍↕️ 金菇天婦羅 好特別 幾煙韌𓍯牛肉粒串燒🥩😓 很一般, 好乾好韌, 好難咬。味道都一般, 有啲蘇𓍯

觀塘一向都有好多好嘢食，今日同朋友係觀塘工業區搵到呢間居酒屋主打多款特色手打烏冬店內環境闊落舒適，日式裝修風格 設有榻榻米座位嘢食選擇都有好多！除左手打烏冬、 串燒、魚生飯、壽司刺身等等金湯花膠雞烏冬賣相好吸引，湯底濃郁且creamy花膠煮得軟爛 分量亦都幾多下雞卷口感嫩滑，烏冬彈牙煙韌 整體十分美味濃湯蕃茄牛肉烏冬湯底夠哂重蕃茄味，非常濃郁同唔會酸！飲落ｄ湯似係真番茄而唔係落茄膏調出黎，蕃茄迷必食😍肥牛新鮮又足料跟餐仲可以自選一款小食，例如有薯餅、唐揚炸雞、沙律 鹽燒牛舌串厚切有咬口勁入味，只係稍微有啲咸，加返少少檸檬汁就比較好性價比很不錯，烏冬份量很足，兩個人食得好飽附近打工一族真係值得一試!!

閒日晚市約1830入座，叫左一碗花膠雞烏冬，一碗冬陰功烏冬，一份明太子芝士玉子燒，一隻燒蠔，一碗茶碗蒸，兩杯野飲，埋單$500花膠雞烏冬：個湯好濃，但好假，D雞卷係無味+唔滑，完全唔好食冬陰功烏冬：個湯陣味有D單調，一般般啦，海鮮全部都係垃圾....細過一毫紙既帶子，急凍蝦，難食嘅青口，成碗野搵唔到有海鮮味明太子芝士玉子燒：估唔到所謂明太子就係面頭果條醬，行到爆，芝士玉子燒就普普通通咁燒生蠔：$78兩隻，估唔到細隻到咁，兩份既蠔肉都係得2粒3A電芯咁上下size..個蒜蓉咸到傻野飲：我果份係燒酒梳打，酒味接近0，$68

在 社交平台 上看到花膠雞湯很吸引人，所以今天中午和朋友來試試。餐廳裝修高檔，坐得很舒服。我們點了花膠雞湯烏冬，還加了海膽忌廉紀念餅和薯仔沙律。花膠雞湯烏冬： 湯底濃郁香醇，味道鮮美，花膠煮得軟爛，雞卷口感嫩滑，十分美味。我甚至把湯都喝光了。不過，如果湯能再熱一點會更好。薯仔沙律： 味道普通，沒有特別突出的地方。海膽忌廉餅：炸皮有點厚，影響了整體口感。整體來說，花膠雞湯烏冬令人滿意，但其他菜品還有改進的空間。

阿女帶我同老公去食，話之前個花膠雞湯烏冬好好食，（佢本身係唔鍾意食花膠嘅）但係覺得個湯好好味環境都唔錯，有唔少裝飾品點綴1）金湯花膠雞烏冬：個湯底幾好味👍，我都飲咗少少，花膠有3，4條，雞卷都可以2）三品刺身盛：有2隻蝦、4片三文魚、4片帶子，新鮮鮮甜👍3）鹽燒雞皮串：本人係唔食雞皮嘅，試咗一粒唔係太脆嘅，但係阿女同老公鐘意4）鹽燒牛舌串 ：厚切好食，稍微有啲咸，加少少檸檬汁好少少5）七味豬頸肉：少少辣，味道唔錯6）粉色霄山：士多啤梨味飲品，幾清新香甜7）野菜大蝦天婦羅拼盤 ：呢款麻麻哋8）雞皮餃子 ：都係阿女同老公鍾意嘅，我又係食咗一啖試吓，雞皮都係唔脆嘅，仲有少少韭菜响入面9）炸雞軟骨：香脆，正常嘅味道10）芝士玉子燒：入面嘅芝士可以拉絲，正常味道11）日式叉燒烏冬：冇乜特別，又係正正常常咁 

之前去過食午餐，覺得食物一般，不過不失，18/5 同朋友想搵個地方飲下酒，食下串燒，所以再去一次，日本清酒價錢中規中矩，串燒雖然唔算多款，但味道都可以，刺身ok,蕃茄牛肉烏冬我仔話好食，另外花膠雞烏冬，花膠ok,個雞就普通，服務員都有禮貌，基本上整體感覺良好，下次有聚會會再去

隱世高質日系觀塘居酒屋🇯🇵🍱🍣🍶🍻打卡💯‼️又喺觀塘搵嘢食啦！今次搵到一間算係幾隱世既居酒屋，完全冇諗過觀塘工廈區會有間咁靚咁日式既餐廳😻😻見佢平日lunchtime menu都幾抵食，又送小食又有嘢飲，過嚟舒舒服服食個靚lunch都不錯！叫得居酒屋，嘢食選擇都有好多！烏冬 魚生飯 刺身 串燒咩都有😆多啲人一齊share應該好正！-📍主食類海鮮冬陰功湯烏冬 $78冇打錯真係冬陰功湯嘅烏冬🤣問左店員原來係佢哋新出㗎！係由一位泰裔x香港裔嘅廚師設計同調味，價錢仲好抵，非常推薦一試啊！佢哋仲聽咗食客嘅意見，啱啱出咗個改良版，新味道變得更加好食😙🤟🏻味道食落係幾正宗嘅冬陰功湯 夠香夠辣！完全冇奶/椰汁味 純粹係冬陰功有嘅酸辣 超級爽😼配搭好有咬口嘅讚歧烏冬係意想不到地夾，海鮮料都幾足😽又有青口，蝦同埋帶子仔豐受丼 $148魚生種類好多，見到有三文魚腩 鯛魚 赤身 劍魚腩 油甘魚 魚籽 帶子 大赤蝦 。入面乜都有 選擇困難者必食！滿足晒你咁多個願望！😹😹📝油甘魚非常甘甜軟滑！帶子大大粒又好甜！- 📍串燒類鹽燒牛舌串 $48係用牛舌芯！牛舌入面最好食嘅部份，夠厚切 有咬口🤤調味都好香勁入味金菇牛肉卷

叫咗個花膠金湯嫩雞手打烏冬，88蚊包一個小食同飲品一杯。啲雞完全唔係嫩雞，好老要嚼好耐。係煮咗好耐並且無味嘅老雞。花膠係糖水嗰隻花膠，唔係平日中菜呀，米線舖嗰種，都係冇味嘅。個湯底仲奇怪，有陣金寶雞湯同忌廉湯味，冇真嘅雞味，但係有層油係面⋯⋯個手打烏冬就係超市急凍烏冬口感，冇咩特別，真打牌急凍烏冬比佢更好食。餐飲杯柚子蜜都係偏淡嘅。份量都多嘅，唔追求味道嘅話，只求飽肚都可以嘅。如果追求埋個味道，就冇下一次喇。88蚊一個lunch 係官塘有更多好味又飽肚嘅選擇！

行完衛奕信第5段，喺霧雨中終於出返山，落到龍翔道唔知去邊度好，突然間就諗起不如落觀塘食晚飯。夜晚想食light少少，咁就食日本菜。啱啱嚟到坐低過咗happy hour時間。不過唔緊要，仲有好多選擇。嗌咗個茶碗蒸，好得意佢個蛋係凍，可能因為佢上面有隻藍黃再加三文魚子，所以成個都係凍嘅。啱啱好今日有濕又焗，再加埋個餐前小食蕃茄，感覺好清涼。個刺身拼盤中規中矩，冇雪味魚肉，亦都新鮮彈牙。個牛脷芯都處理得好好，淋滑得嚟又有啲咬口。如果真係要改善嘅話，就係個燒魷魚，欠缺咗一啲燒烤嘅味道。同埋個雞白湯烏冬，個手打烏冬真係好食超彈牙，但係啲雞肉似係雞胸都好嚡，個湯就有少少似罐頭湯，依度有少少敗筆。不過整體嚟講都食得開心，坐得舒服。

📍觀塘寬敞居酒屋‼️· 勁濃郁雞湯花膠烏冬🐔 — 豐受居酒屋😋·Follow @pigfoodiexhk for more food!🐷#pigfoodiexhk_觀塘#pigfoodiexhk_==============================豐受居酒屋位於觀塘工業區，位置唔近地鐵站有少許隔洩～餐廳座位好闊落，適合多人聚餐👍今次嚟唔係食日本野，而係試吓唔少人推介嘅雞湯烏冬😋——————————————————————⭐️黃金花膠嫩雞湯烏冬 $88湯頭幾有驚喜！質感濃稠帶膠質同漿口～飲落非常係濃郁嘅雞油香😍雞件同花膠份量好慷慨，雞件腍身（不過上星期有朋友食話好鞋口，可能真係睇彩數🥲，我自己係幾個月之前食🤣）烏冬口感煙韌，好掛湯，食完勁飽😋——————————————————————賣相：3.5/5味道：4.5/5性價比：3/5推介度：3.8/5———————————————📍豐受居酒屋觀塘鴻圖道83號東瀛遊廣場地下A號舖