豚豚食堂

营业中

休息中

What an experience to talk about after dining in. I kind of regret picking this restaurant at the end.Not a surprise that it took 3-4 tables waited before sitting in on weekend especially today was the first day releasing the consumption voucher. Anyway I still gave it some time.Seeing couple tables of customers having troubles making their order via the QR code went for their closest staff, the cashier for assistance. The cashier made it clear every single time loudly that she could not help du

每個服務員的服務態度都好差,毫無笑容,又大力放食物在枱上,好似欠咗佢咁,個個都好似唔想做咁,食物質素一般,下次不會再幫襯,比錢買難受.無下次,大家唸清楚先好來吖.

北角匯主打日本風嘅商場，其中就搵咗呢間豚豚食堂試試佢~網燒雪花牛扒定食($132)定食除咗牛扒之外，仲有唔少配菜，例如椰菜絲、半隻蛋同埋粟米等~ 仲有麵豉湯添 性價比不錯😀燒鯖魚加豬肉便當($85)雖然唔似係即刻燒，但味道仍然不錯，豚肉嘅醬油汁做得唔錯，但係整體食起上嚟有啲乾，如果多啲汁就好啦🥰自家製餃子($32)係輕輕燒過嘅餃子，沾上餃子豉油仍然會喧賓奪主😙食完便當再配上餃子係完美嘅配搭呢🥰

之前經過北角，打算食個快餐，見到「豚豚食堂」啲嘢食睇落去性價比幾高，二人餐都幾多小食呢。<自選二人套餐> $235燒雞扒咖哩飯燒雞扒有驚喜，雞扒皮薄但厚肉，外皮煎得香脆，再加埋日式經典咖哩汁+日本珍珠米白飯，安心之選唔會伏。白豚拉麵拉麵配料有叉燒、蔥、木耳絲、半粒流心蛋，麵條軟身好咬，叉燒就略嫌有少少鞋，而湯底尚算順口，但味道有點單一。燒魚餅魚餅軟糯彈牙，鮮味都夠出，可以加埋側邊嘅薑泥食。牛油炒草菇加咗牛油一齊炒，草菇爽口。北海道南瓜炸薯餅甜甜嘅南瓜餡料香糯可口，相信小朋友會好鍾意呢個薯餅。餐廳繁忙時間都幾多人排隊，留意返用餐時間為一個小時。

位於北角匯，地鐵站出口可以直達。一人套餐的份量非常足夠，讓人吃得滿足又舒服。滑蛋豬扒丼的豬扒是吉列豬扒，豬肉很嫩，煮得剛好，而且配上滑順的蛋液和香氣四溢的白飯，味道非常好。一人套餐搭配的吉列流心蛋豬肉餅的流心蛋充滿了濃濃的奶香味，豬肉餅也很鮮嫩，真正的外脆內軟，口感非常棒。除了食物本身的味道，餐廳的裝修也很舒適，讓人可以放鬆心情享受美食。人流太多，需要時間等待。如果你想品嚐美味的日式豬肉料理，一定要去試試他們的滑蛋豬扒丼和吉列流心蛋豬肉餅。

今日去北角探同學仔，冇拿拿岀面落大雨，仲要個天點晒有排落果隻，衝左入北角匯，於是搵地方食咗飯先算。經過呢間豚豚食堂好似幾好坐咁，入黎坐低睇吓有咩好食先。牛肉咖哩飯，飯多牛肉多咖哩汁多，啱晒我超肚餓，牛肉係一塊完完整整，對得住個價錢有找。咖哩汁夠稠身，又香咖哩味，仲有粒粒配菜。吉列流心蛋豬肉餅，主食1+1跟埋小食，有成十幾款可選，我揀左呢個豬肉餅超正，炸皮好鬆脆，之間有空氣感，蛋係流心既，裡面一半太陽蛋，一半豬肉，食落仲有胡椒味。

這家位於北角北角匯裡的日式定食餐廳我已經來過好幾次了。 平日中午很受上班族的歡迎 有時候需要排一下下的隊。這次我點的是漢堡排蛋包咖哩飯。定食裡有包含兩個小菜和一碗湯，加價可以有飲料。咖哩很好吃給的量也很夠配完飯 蛋包很嫩 漢堡排蠻好吃的可是就是比想像中的量小一點 但以這個價錢算是很不錯了！另外我加點了一杯凍奶茶 不會太甜 很好喝🍔 漢堡庵列咖哩飯 $70🥛 凍奶茶 +$8環境 ⭐️ 4.5/5食物 ⭐️ 4/5推薦指數⭐️ 4.2/5

外面落著傾盆大雨，搵間餐廳食晚飯，順道避雨。北角匯有好多選擇，突然想食日式，就嚟咗豚豚食堂。呢間食堂有好多種類，咖喱，拉麵，鍋物或丼定食都有，不過落雨濕笠笠有點寒，點了一個牛肉壽喜燒定食來暖暖胃。份量剛剛好。牛肉質感以價錢來說尚算ok。我還追加了一碟，真貪食😜。壽喜燒最重要係醬汁，濃而不膩嘅醬汁底，被食材吸盡精華，滋味無窮。其他配菜有金菇，豆腐，菇，旺菜。主食配烏冬，煙煙靭靭有嚼口。套餐包括飲品。

成日經過, 見到啲套餐好抵, 終於有機會試吓, 叫咗兩個自選一人套餐滑蛋豬扒丼+自家製餃子 $92個丼飯份量好大😲豬扒炸得幾香幾淋, 滑蛋仲要加埋好多洋蔥, 啱晒我😌四隻餃子脹卜卜, 餡料好足炸雞塊奄列咖喱飯+串燒雞軟骨 $97炸雞夠脆夠滑, 咖喱係正宗日式甜咖喱, 味道同炸雞都好夾👍🏻唔好唔記得配埋啲醃蘿蔔一齊食, 多一份口感同酸甜味整體食物份量好多, 味道唔錯, 而且餐廳地方寬敞, 如果坐到窗邊位卡位, 可以望到街景, 感覺仲舒服😀店員好勤快, 我哋一坐低就即刻送上兩杯熱水, 仲主動fill番啲紙巾

今日去咗北角匯食晚飯，揀咗間日式定食餐廳食😬主要有丼飯，咖哩飯，拉麵，鍋物，日式炸物小食等等。.網燒雪花牛扒定食($132)🐮牛扒幾大塊有牛味，肥美唔un，燒汁調味不錯，加埋珍珠米食好吃，有啲沙律菜解膩，定食仲配有味增湯同前菜嘅。.豚肉壽喜燒鍋定食($76)🐷壽喜燒鍋有菜，豆腐，金菇，豚肉，大葱，係健康之選，我加5蚊轉咗做烏冬，烏冬彈牙，幾夾個甜甜哋嘅湯。.跟餐加$10有凍檸茶同凍柚子蜜飲🥤

平日lunch 見門口好多人排隊， 今日同同事過黎試吓，食物上菜速度快，飯同麵豉湯味道正常。唔算特別出色。 另外，配菜偏凍， 真係冷盤。 服務員態度一般，可能客人太多。 店舖座位之間都坐得幾緊貼。

經過呢間食堂好多次，今日就正式黎個食評。餐牌上嘅lunch set係最抵食。落單係用電話落單。如果午餐時間可以早啲到仲唔使排隊。白豚拉麵+吉列流心蛋豬肉餅：豬骨湯味唔算濃郁，但配菜充足。兩塊叉燒特別大，算係煮得比較熟冧。成碗面雖然冇靈魂流心蛋，但係勝在野菜充足蔬菜多到每一啖麵都會有。至於吉列留心蛋豬肉餅，其實入面係比較多麵粉。所以食落去感覺更加熱氣。豬肉餅整體非常厚實。加埋隻蛋喺入面更加飽肚。招牌牛油拉麵+自家製餃子：牛油其實放喺面上邊未完全溶化。但我都幾肯定湯入面都有少少牛油。因為湯入面有比較多嘅油鏡。呢間舖頭嘅叉燒都係一樣大塊。配菜來講招牌牛油拉麵係更加多。將個牛油撳落去拉麵度睇住佢慢慢溶化係有種治愈感。餃子同出面嘅拉麵店差唔多。都係有肉有菜配上佢嘅餃子醬汁。餃子煎得啱啱好。脆得來入面係軟淋淋嘅肉。呢間拉麵店嘅麵，全部都係一樣嘅軟硬度。整體食上去比較軟。lunch set唔貴，值得回頭再食。

係北角匯行左陣 選擇係呢個商場入面食dinner見呢間餐廳唔算好多人 所以就簡佢黎試下！見到餐牌上面都有唔同既選擇 會有咖喱 拉麵等等😝但係唔係好想食呢啲最後叫左佢個牛肉壽喜燒 再配左個烏冬壽喜燒入面會有啲菜、豆腐、金菇、牛肉⋯牛肉份量唔算好多 不過唔夠既話係可以再加錢叫多少少食到最後我先落烏冬落去個烏冬吸晒個湯 所以好入味 😍覺得成餐飯 最好食就係個烏冬😂😂😂食完係想加多個烏冬 但好似又太多 所以無叫到不過就咁食呢個餐 又唔係好夠飽 我哋就決定之後出去食下其他甜品！😆

又去北角食飯之前食左幾次台灣野今日想食下其他但行左幾個圈礙於商場內，其他餐廳都偏貴所以最後揀咗食開嘅豚豚食堂今次我冇食一人餐叫咗個吉列豬扒烏冬轉左豬骨湯底朋友食咗海老拉麵加多春魚埋單$164

雖然對午餐嘅要求唔係太高，但係一個咁簡單嘅吉列炸豬扒雞蛋飯可以做到咁求其真係好難得！雪藏嘅炸豬扒，肉質非常之硬及鞋口，無味道之餘炸粉亦都非常之厚。蛋同埋飯都唔熱，整體嘅感覺是但求其煮，茶餐廳嘅質素仲好啲。熱咖啡嘅奶好腥，飲咗兩啖已經飲唔落。半個鐘頭之內，用餐未完已經俾員工收定食盤三次，其實連定食嘅湯都未飲，坐喺度食飯極之受到打擾及周身唔安樂。雖然$70-80的價位對午餐來講都幾合理，但係不如幫襯附近嘅茶餐廳啦，起碼杯奶茶咖啡唔會太難飲。