豚豚食堂

营业中

休息中

最近荃灣新開左一間日本餐廳叫「豚豚食堂」聽講有丼飯、拉麵同咖哩蛋包飯，選擇多到令人心動。咁岩今個週末想帶媽媽出去食飯放鬆下，見呢間餐廳夠新鮮又近屋企，就決定黎試試佢既滋味。.我揀左一個自選一人套餐 ($95)，18款主食同12款小食任選其一，無論係拉麵、咖哩飯定丼飯都一應俱全，真係實有一款岩你口味。我點左炸雞扒奄列咖哩飯，咖哩濃郁得黎好香口，入面有好多薯仔、紅蘿蔔同肉塊，份量夠足，食落滿足感爆棚。配菜揀左自家製餃子，餃子大大粒，餡料飽滿，咬落去肉汁同菜香一齊爆出黎，媽媽話好似屋企整既餃子咁有心機。.另外單點左天婦羅魷魚 ($55)，炸得岩岩好，入口彈牙又Juicy，仲飛左油，食完吾會有油膩感，連媽媽都話好乾爽，配搭埋沙律醬汁仲有提鮮效果，幾正。.跟住試左廣島炸蠔 ($32)，一份有三隻，份量岩岩好。炸蠔外層酥脆，入面依然嫩滑，蠔味濃而不腥，咬落去仲有少少汁，簡單落d檸檬汁已經好好食，性價比都幾高。.燒牛舌 ($30) 係另一個驚喜，牛舌切得厚身，燒得外脆內軟，肉汁lock得好好，帶點炭香，食落好有咬口。.最後叫左杯熱情果梳打特飲 ($15) 解渴，清新酸甜，氣泡感夠爽，熱情果既果香好突

夜晚喺城門谷游泳池游完水諗住喺綠楊坊搵吓嘢食發現好多舖頭已經經過左last order行行吓見到呢間豚豚食堂仲可以入座望吓其他人嘅食評有啲好奇心，想知道其他人嘅comment係咪真就決定入去試一試這餐廳的餐單選擇豐富多樣，讓人眼花繚亂。除了可以打邊爐，還有各式定食，如丼飯、拉麵和炸物等，滿足不同口味需求。白豚拉麵麵條彈牙，牛肉壽喜燒鍋定食醬汁香濃，燒雞翼同燒雞軟骨外脆內嫩，熱情果梳打清新解渴。最神奇就係好多外國人同埋內地人喺度食

打開碗蓋，一陣熱氣竄出，伴隨濃濃的味噌湯香味，在這種微涼的溫度喝剛剛好。味噌湯以海帶、味噌現熬，鹹鮮的味噌湯一口喝下大滿足，暖胃的同時也開胃，才能裝進期待的燒鯖魚+豬肉便當。媽媽一直以來都很喜歡吃燒鯖魚，因為鯖魚肉質細緻軟嫩，油脂豐富，所以媽媽點了燒鯖魚+豬肉便當。燒鯖魚的魚肉細嫩，魚刺也不多，容易食用，魚皮酥脆，燒後的魚油濃香，燒鯖魚越吃越涮嘴，是道優秀的料理。油花豐沛的豬肉加上豚豚食堂等特調醬汁，經過熱炒引出醬香竄進肉裡，另外拌炒洋蔥增添風味，豬肉如同小山丘舖在便當上，豬肉吃進嘴裡香嫩多汁，肉香久久不散，心滿意足，大推。來到日本餐廳必會點上幾串串燒，燒雞翼2串及燒雞軟骨2串真是划算，光看燒雞翼雞皮就知道燒得多香脆，外皮帶有微焦香氣，雞肉嫩中帶彈性，還保有肉汁，主廚烤功確實不錯，燒雞翼讓人意猶未盡。喜歡啃食樂趣的，我會推薦點燒雞軟骨來吃，燒雞軟骨燒得金黃，嚼起來無敵脆彈，燒雞軟骨非常耐吃，使人一口一口接著一口，個人本身大愛燒雞軟骨的嚼勁，一大享受。炸豆腐也是我們的味兒，不過炸豆腐燙得很，千萬不能一口塞，炸豆腐炸皮薄薄酥酥的，表層與豆腐沒有分離，融合在一起，沾上鰹魚汁，炸豆腐外酥內香軟

前排去咗隨便入去嘅一間日式餐廳，餐廳感覺整潔，明亮，食物選擇多，有拉麵又有丼飯，我哋揀咗二人套，可以各選一碗主食，再加三個小食，都係200幾，平日晚上都幾多人幫襯。我揀咗一碗豬骨拉麵，湯底幾濃郁，拉麵都彈牙掛湯，拉麵配餸有厚切叉燒，好嫩嫩，半熟蛋，蛋黃流心。男朋友揀咗咖喱牛肉飯，咖喱醬汁好濃郁，問店員拎多少少醬汁都冇問題，咖喱醬配飯一流～ 另外再叫咗燒魷魚，芝士雞翼，牛舌，小食味道不過不差，都算幾好味😋

同朋友一齊嚟咗呢間日式餐廳諗住簡單食個晚餐🤣$57「豚角煮丼」：豚角煮大大件炆煮得非常軟熟，豚肉大約70%瘦肉30%脂肪，非常甘香，亦都有醬油香味🤣$48「炒魷魚鬚」：魷魚鬚🦑煙煙韌韌幾好食🤣$32「枝豆」：白烚簡簡單單又係幾好食😋$82「豚肉泡菜鍋定食」再另外價錢要咗+鳥冬 +可口可樂Zero +牛肉片「豚肉泡菜鍋」細細鍋裏邊有泡菜、豆腐、菇菌、紅蘿蔔、蔬菜等，加埋豚肉，幾好味道🤣烏冬煙韌彈牙好味😋牛肉薄切肉質軟熟🤣凍冰冰嘅可樂就梗係好飲啦🤣呢度嘅姨姨服務仲好好不停問我哋使唔使加茶🤩

今日就同朋友去咗豚豚食堂食飯餐廳環境舒適闊落, 仲有好多唔同食物款式選擇, 包括丼飯, 麵食, 串燒等自選一人套餐可以揀一款主食同小食招牌牛油拉麵成舊牛油放喺湯底到, 令到湯底更加幼滑, 拉麵麵質彈牙, 叉燒肥瘦適中自家製餃子外皮煎得香脆, 餃子餡料飽滿熱情果梳打特飲味道酸酸地好夠氣，飲落好開胃照燒雞扒+漢堡扒弁當便當入面仲沙律菜同埋粟米, 配撘麵豉湯, 照燒雞扒外皮煎得香脆, 漢堡扒肉質紮實串燒雞軟骨輕輕用咗啲鹽調味, 好有咬口

今天中午，原本打算吃嘅餐廳因為太多人，所以選擇左另一間餐廳，豚豚食堂見到餐牌而家做緊5pm 前試食價，所以叫了一個50元的滑蛋炸雞丼除咗滑蛋同埋炸雞，跟餐仲有麵豉湯、半隻蛋、同埋粟米沙律滑蛋如圖所見，其實有啲少炸雞都淨系得4舊，飯嘅份量都足夠味道方面普通，不過以$50嘅平價日式料理黎講，我覺得10分抵食，下次都會再去過

下午茶食左赤豚拉麵52蚊仲要加一熱、凍飲都要再額外收費拉麵嘅「豚肉」仲鞋過煲湯豬肉以為自己食緊木耳絲拉麵個人感覺辛辣麵杯麵好似都係更好嘅選擇總括嚟講可一不可再下次都係乖乖食返茶記或者譚仔🙏🏼🙏🏼

成餐飯唔夠三十分鐘，坐底叫完嘢五分鐘到，啲嘢未食曬個碗重有一舊問都唔問就收左佢，然後杯水又收埋，重有碟餃子都未食完，前後應該廿零分鐘，我知門口排隊等位，但都唔係未食曬就收左個客啲嘢，重要問都唔問

1-5-2024 (Wed)勞動節假期,又同老公搵嘢食,由於雨勢唔係好大,於是落荃灣搵嘢食,食邊間好?老公話再食甜記餃子(上次食評係2024年5月1日刊登嘅呢篇:https://www.openrice.com/zh/hongkong/review/yeah-%E5%89%B5%E6%96%B0%E5%8F%A3%E5%91%B3%E9%A4%83%E5%AD%90-e5437555),但12:00pm至開,重有15-20分鐘,今次唔等啦.咁佢話美心或麥當勞,我又厭厭地,呢間啦,未試過呢間,於是行嚟,睇見唔多人,而且啲座位舒適,就決定呢間.我哋被安排坐卡位,坐低睇完menu後,決定要:1. $75.00嘅午市自選拉麵套餐中嘅吉列流心蛋豬肉餅呢個係即刻上枱,亦切開成兩件,上枱時店員話南瓜餅,我哋就問多一次,佢睇清楚啲話講錯,呢個係吉列流心蛋豬肉餅.咁我哋開動喇,吉列外層唔算好脆,而流心其實唔係流心蛋,我哋覺得似蛋醬多啲,至於味道,成個食唔到蛋同豬肉嘅味道.1.5分2. 午市自選拉麵套餐加$8.00嘅雜錦拉麵材料有蟹柳,叉燒,豬軟骨,海帶,粟米粒同芽菜仔,我冇為意咩湯底,飲落係有啲豬骨味但

今晚約了朋友在荃灣食晚飯，行過這間店見到有卡位就入去了。我們選擇了兩個自選一人餐加配小食。朋友點了滑蛋豬扒丼配廣島炸蠔，我就點了豬肉丼配芝士年糕。豬肉丼啲豬肉有點乾，飯都幾大碗，而芝士年糕就真係好正。朋友嘅滑蛋豬扒丼都唔錯，但豬扒既外皮唔算脆，朋友比較細食，佢碗飯就食唔晒。整體來講算不過不失！

食過最難食嘅吉列豬扒，D嘢上到嚟唔係好熱，最多只能夠話係暖，唔係熱，食落豬扒係100%返炸、唔係即炸，豬扒好乾、好鞋、好薄、炸粉好厚、好硬，絕對無可能係即炸，奶茶無茶味，淡到好似飲緊水溝奶，香港地飲過最難飲嘅奶茶，68蚊連➕飲品$5➕服務費10%總$80真係好唔值，主要實在太難食，絕無下次，難怪次次經過都見無乜人食，係有原因，其實好想在港支持本地飲食業，但真係好唔掂，勁失望，有時候真係要反省下，其實80蚊食個飯真係唔算平，但點解唔可以做好D呢？無奈

平時下午茶都係食茶餐廳多，今日經過綠楊坊見到一間開咗冇耐嘅日式餐廳，於是入去試吓，店員仲好有心話我知點午餐的話係 2:30 下午茶呢段時間有折扣 。我點咗黑豚拉麵，配燒多春魚小食，加埋杯凍檸茶少冰黑豚拉麵湯底蒜油味香濃，不會太油膩，麵質彈牙不會太淋，三塊豚肉加埋其他配料，整體碗麵抵食好味的。重點係燒多春魚，師傅手勢好好，多春魚燒到皮香脆身，真正的鹽燒，咬落仲有少少汁咇出嚟，好技術，魚香美味，一般好多時啲師傅會燒得太乾，豚豚食堂呢個師傅就燒得剛好，值得一讚。凍檸茶茶底都 ok ，大家不妨去試吓！

品質非常差的一間食堂，炸雞完全不合格，就算用冰鮮雞也可以稍為處理得好啲 。雞完全是小小的一塊的。應該熱柚子蜜和茶也不熱的 。麵豉湯完全沒有麵豉味只有鹹。這就是香港飲食業，為什麼一直都走下坡。這間餐廳的老闆完全沒有心機好好處理食材。但是價錢在一個午市套餐$80以上。可能令可選擇美心或太興也不在這吃。希望香港可以有更加多的用心經營的餐廳。只希望看了這篇文章的人或老闆好好處理這餐廳。把品質提高一下，不要只係賺錢。

我們沒有期望這裡的質素會很高，比較像是日式連鎖店的那種味道👅 反正就是看到這裡的菜單選擇很多，有拉麵、咖哩蛋包飯🍛、壽喜燒鍋、日式便當🍱套餐等，很適合心大心細不知道自己喜歡那種菜式的朋友們！🙌🏻🔸牛肉壽喜燒鍋定食 $102我特別喜歡菜和豆腐，二話不說點了這款定食！壽喜燒醬汁甜甜的，我加了$5把白飯改成讚岐烏冬，雞蛋🥚普通，牛肉片質素普通，不過兩者蘸起湯底一起吃都很不錯。🤤🔸赤豚拉麵 $78朋友想吃一點辣，所以選了這款拉麵🍜 湯底不錯，辣辣的很過癮，喜歡再辣一點可以加辣油呢！🌶️ 豚肉口感很厚，份量算很大片，不過拉麵份量比較少～幸好我和朋友本身已經打算吃少一點，因為還要預留空間吃甜品！😋🔸燒牛舌(2串) $55牛舌的質素很驚喜，口感很好！不過味道如果有多點調味會更惹味！🧂👅🔸凍檸檬茶 $11 🍹🔔商場離地鐵站很近，基本上一出去直走坐扶手電梯上去二樓就是！