象茶

营业中

休息中

大半年冇幫襯，今日喺隔離米線買外賣就順便幫襯下，叫咗芝士奶蓋抺茶、芝士奶蓋烏龍茶、黑糖珍珠明治鮮奶。兩杯芝士奶蓋唔記得講要大杯定細杯，店員又冇問我要大定細就整咗大杯（其實我想要細杯），到佢整好咗我先知，查下張單係收咗大杯價錢。芝士奶蓋抺茶叫咗少甜，但竟然甜到死，似多甜！！芝士奶蓋亦係甜到難以形容，明明以前叫過好多次唔係咁嘅。以前我細女最鐘意飲黑糖珍珠明治鮮奶，今日飲咗兩啖話好難飲，話好甜，d珍珠又癡埋一pet嘢咁，結果飲剩半杯唔肯飲，掉咗。落單嘅時候有個店員妹妹仔整緊雞蛋仔俾客未得閒理我，另一個店員妹妹仔坐喺度篤手機好似完全睇我唔到咁冇幫我落單，等到整完雞蛋仔個妹妹仔搞掂先幫我落單。

食完隔離小鍋米線熱辣辣即刻買杯手搖飲下，叫左🌟冬瓜茶（大杯） $20手搖黎講算係幾平，要左少冰，諗住冬瓜茶就算全糖都唔會太甜。點知。。。等左2分鐘就整好啦，但甜到好似糖水，真係冇咩冬瓜味😰雖然幾抵但真係冇下次😅📍象茶葵涌梨木道112號葵寶大廈地下3號舖

🇭🇰象茶·金桔檸檬綠茶$22同場加映我地等米線既時候 係隔離買既台式飲品😎佢味道就正正常常啦 都真係飲到個金桔味既 我地嗌左無糖個甜度就岩岩好啦 唔會太甜😌不過我自己覺得佢個金桔有啲澀 好彩佢都幾解辣😌😌·#rbyeat #rby好去處#rby甜品飲品#rby葵涌 #rby油麻地 #rby火炭·📍葵涌梨木道1121號葵寶大廈地下3號舖📍油麻地文明里11-13號常安樓地下2號舖📍火炭駿洋街市地下MK25號舖

早幾日經過象茶，見有啲口渴，又好耐無飲手搖飲品，見到佢有黑糖珍珠明治鮮奶即時心心眼仲有得揀少甜少冰添用咗明治鮮奶沖嘅甜度啱啱好，有奶香又夠滑，珍珠都好彈牙，好正呀！下次經過會試下佢其他飲品。

今日經過去買杯綠茶多多黎飲，坦白講我都預咗甜，因為有益力多，但我飲左等一啖之後即刻飲唔落，大佬吖！甜到吖媽都唔認得羅😒😒😒我真係無預計到好似飲糖水咁😩😩😩真係唔會再試，即使試都一定要叫少甜，今日因為呢杯野心情轉差👎👎👎價錢其實算平，不過個甜度真係可以調整下

喺石蔭食完米線順便去隔離買杯嘢飲。揀咗大杯嘅珍珠奶茶$20睇過網上食評 話好甜，所以特意地揀了少冰少甜。珍珠好新鮮，口感煙靭。甜度少甜剛剛好、茶底不會太濃，適合喜歡淡淡茶香的我。以這個價錢有這種質素十分滿意。下次經過會再來喝

今日經過呢間小店，睇落又唔錯咁終於買左外賣，試左兩杯野飲😍💗珍珠烏龍奶茶 $22珍珠都好有咬口，好煙韌！奶茶係奶粉開嘅味道不過茶底唔算太濃呢個價錢都算幾抵飲嘅止下口癮！！💗仙草奶茶 $22好大杯！平民價！仙草好足料好多！奶茶茶底唔算好濃，會偏甜建議可以叫少甜/7分甜！

#芝士奶蓋烏龍茶 $20個芝士奶蓋太咸 而且冇乜芝士味 失望😩烏龍茶幾香 不過太甜如果奶蓋同茶混合咗會好啲冇咁甜而且冇咁咸😕希望下次再試芝士奶蓋會有進步評分:5/10