豪華美味屋

营业中

休息中

上次叫咗個茄汁豬扒飯，啲茄汁係超甜玻璃芡。中伏！！中伏！浪費咗我幾十蚊，諗住呢種快餐店應該都會有一定水準，但係原來係咁求其，真係好難食，唔會有下一次！真係中伏唔係講笑！

是日嚟到 #大角咀 #覓食 方便停車嘅緣故俾我地搵到間 #舊式 嘅 #港式 #快餐屋 望落價錢好抵 一於試試佢😎#全日供應套餐 $37有9️⃣款俾你揀🤗#火腿奄列 #沙嗲牛肉通 配 #牛油方包+$1 可轉多士😉 真係烘得夠哂脆👍🏻成件事都真係好港式 亦好像樣但個 #沙嗲牛肉 就唔係平時食開嘅味道🤔係咪缺少咗個花生醬呢🤔🤔#凍檸茶 #凍飲加兩蚊 杯凍檸茶夠哂茶味👍🏻不過叫咗少甜都仲好甜😅但叫姐姐加返啲茶底都好樂意😊#港式茶餐廳 #香港美食 #港式常餐 #凍檸茶少甜

今日本來想飲下咖啡。但個間野好似無咩啱我呢一刻食。因為好凍！係又餓又凍嘅路上，我見到呢間野。我來回左幾次，又唔想再搵餐廳，而佢又正正係我面前。我決定一試！正好係下午茶嘅時間，份量啱曬我！我叫左個我平時下午茶至愛之一：星洲炒米再加杯阿華田佢睇落都有點鑊氣，唔係濕濕地個種，色水都夠，只係有啲偏深色左🤣🤣變左似干炒牛河咁。但食落好夠味，而且啖啖都有啲餸，所以口感都有啲層次，唔似有啲星米粉多過曬其他餸，食極都係粉又無味。呢個唔錯！34蚊，份量啱細食嘅朋友，剛剛好！抵食嘅！

今日中午行過大角咀，見到豪華美味屋，一間充滿中學回憶既餐廳小店。2個人叫左2個反(避風塘炒反，生炒牛反)，各40蚊連凍飲，抵食，好食！推薦避風塘炒反，微辣惹味又足料。

今天想不定到那裡午飯，經過見到午餐ABCDE，才發現原來新開了"豪華美味屋"，見門面都幾乾淨，就進去了。例湯比一般茶餐廳較少，湯有少少淡，普普通通。五香肉丁炒飯，炒的不會太油，有少少飯焦，味道不錯。地方不大，只有8-9張檯，但勝在乾淨，招呼也不會"黑起塊面"對著你，還有電視看。我會再來的。