影片
我果日早上同朋友去飲早茶。點知發生o左件事ar~總係睇到都呆了。我叫o左個牛肉粥，個女侍應送上黎，我望下碗粥見到一條頭髮，咪同個女侍應講，點知佢係我的面前用有黑邊的手指"liu"佢出黎，跟住就當無事發生。大老ar~係都唔好係D客面前咁做la~跟住去收銀處問下有冇意見書，結果係無。個收銀員同我講話同果個PR講。講完全件事都係無跟進﹐咁樣好唔得~以後都唔好去果度食野。
继续阅读
睇黎留響屋企 又無母親大人下廚 朋友又唔得閒我都係要食呢間野既燒味..今日食左個"差"雞飯都係無初初個陣咁好味 但對比上次黎講 已經叫好左。18蚊 的確係呢個時候 係便宜的。要保持水準是很難的 特別係響同村無競爭之下。
继续阅读
因為探親友跑到屯門搵野食。豪景位於建生商場內，典型屋村酒樓的裝修和格局。建生輕鐵站位於門口不遠處，下車即可直抵，交通十分便利。特價菜牌小菜平均價錢$40-$60，價錢尚算經濟實惠。五人點了晚飯孖寶的白灼海蝦拼燒雞半隻。海蝦足有一斤重，又夠晒新鮮彈牙；燒雞外皮金黃香脆，肉質鮮嫩可口，孖寶賣價約$130抵食！另外朋友們點了四隻炸軟殼蟹，個人怕太肥膩沒有嘗試，但朋友都讚甘香鬆脆。此外還點了些小菜和炒飯，這楊州炒飯還特別吩咐加入蝦醬炒，結果當然特別惹味香口。最後幾個朋友個個捧腹而歸。
继续阅读
琴日做乖女番屯門陪daddy飲茶佢\話新開食過又唔錯推薦呢度果然係幾抵星期一至六朝早至下午都係大中小點特價連午市都有好少見叫左叉燒腸,煎薄撐,灼芥蘭,燒賣王,菜苗蝦餃,潮州粉果,金錢肚同流沙奶王包叉燒腸粉皮厚薄不一,但尚算ok煎薄撐推介,唔油d邊又夠脆灼芥蘭新鮮唔油,又自動蠔油另上燒賣王大大粒蝦仁有鮮味,肥肉亦唔算多菜苗蝦餃d菜係白菜,蝦唔算多,皮亦較厚,一般潮州粉果一樣係厚皮,好在料幾多,ok金錢肚好入味但較油流沙奶王包唔夠流沙,但味道幾好服務一般無人帶位又好耐先有人加水勝在抵食三個人只係90蚊多dd
继续阅读