影片
之前喺观塘已经想试呢间点心，但系佢实在太多人排队带住两位老人家根本冇乜机会可以试到。今次见到佢原来太古城有分店咁啱过嚟行超市同埋艺术展览，咒术胜利思考。揾咗一段时间点知原来佢系food court里便间咗一个舖位。啱啱好翻枱，咁就唔使等就可以直接用餐。平时老窦好少食包同酥皮，竟然话要食雪山叉烧包咁就嗌嚟试吓，超松软里面啲馅都几足。另外个XO酱萝卜糕啲XO酱都落得超多，系大盛嘅感觉，食落去唔会太辣有少少咸香。啲煎酿孖宝同埋藕饼啲鲮鱼肉都好弹牙，同埋藕饼里便啲莲藕亦都好爽口，份量亦都好足大大件。点心拼盘里便啲饺都好薄皮，虾饺好爽口，但系粉果就偏淡咗少少。红枣糕就几清甜，另外流沙奶皇包里便有啲咸蛋黄粒亦都唔会太甜系唔错。但系个鹅肝酱咸水角就唔系好食到个鹅肝味，不过整体用餐都相当满意。因为三个人坐圆枱，相当阔落，又可以放好多点心超开心。
继续阅读
讲真，今日真系忍唔住要写呢个食评。一入到嚟已经冇招呼要自己揾位，谂住坐𠮶张又话𠮶张有人留，明明间舖得几个个客，职员竟然安排我坐最差嘅位置（下栏污糟碟碗收集位置），我话要调枱，仲要同我讲我想调𠮶个位等阵要拖地？唔通我坐低食个饭都要配合你哋做清洁咩？最离谱系佢问我饮咩茶，把声大到成个餐厅都震晒，仲要催促我落单。我谂紧要饮咩都要俾少少时间架，但佢就重复大大声问我几次，好似好赶时间咁。希望店方认真检讨员工培训问题，起码要教下最基本嘅待客之道同卫生意识。最后，建议各位老友去第二间食啦，呢度真系会影响心情。
继续阅读
侍应服务态度其恶劣，态度嚣张，不建议帮衬今日帮衬佢食咗个中午饭，有以下的经历侍应一路行一路咬住口中的食物走过来，好似系食客多过打工，挡住本人的去路，佢坚持要本人让路给他，他手上并没有捧住任何食物，只是站在原地，坚持要本人让佢。本人礼貌地要求他借开，但他坚持站在原地。其实我只系想攞个水兜倒水，佢用个身挡住个水兜我又点去攞。店舖负责人亦包庇员工，不知所谓至于食物方面，食物应该加入了大量味精，马拉糕中心亦相当硬，跟其他酒楼比下去
继续阅读
当时系1:45 ，门口冇人排队，店里面应该得两三张枱有客人食紧嘢，门口嘅男性收银员，态度好恶劣，并且非常大声同我哋讲：「出边好多人排队等紧位，你哋立即要走！」 呢位男性收银员仲同我哋讲： 「你地食左超过七十分钟，一定要立即离开！」另外上星期去过，蒸出嚟嘅虾饺未熟嘅今日我上OpenRice都见到对呢位男收银员有同一样嘅评价，本来都唔信，点知原来系真嘅！如果公司见到呢个评价，唔知会唔会对呢位员工作出相应嘅处分！另外祝你哋生意蒸蒸日上！服务态度差，食物唔系特别好食，以后唔会再去
继续阅读
虾米肠简简单单普普通通，虾米同葱花带少少香味，肠粉本身都几滑。鲜竹卷唔太油好难得，入面旧馅无肥猪肉，仲食到有爽口的蔬菜丝。蒸排骨就衰在唔够豆豉，排骨偏瘦，所以变相有啲韧。虾饺拼潮州粉果，两样都唔错，主要系馅料新鲜，特别系潮州粉果，佢入面嘅沙葛好爽脆。其实唔明中式点心做乜无啦啦有炸鸡中翼，又竟然比我叫咗，呢个真系麻麻地，成旧野太过「炸」，唔系几好食。
继续阅读