影片
以上资料只供参考，请与餐厅确认详情
之前一直都已经帮衬咗好耐 食咗好多次 次次都叫手撕鸡饭走饭要菜 次次serve都系两个auntie今日去买换左个男人 俾劲少菜 劲少肉 比之前少左一半都有 我同佢讲我食左咁多次冇一次系咁 佢同我讲 “我$45卖盒饭你想点” 之后死死气加返啲菜 几旧肉俾我 唔好意思 对唔住都唔讲 我问心点解死日食系因为佢都真系几好味 又比足肉我 依家就系到偷工减料 我会话好失望 如果系男人serve 会建议大家唔好食 唔系话歧视 但佢态度真系好差 冇必要受气
继续阅读
午餐时间好肚饿，葵广咁多选择唔知食乜好。见到一楼有间外卖猪手饭，葵广好似无乜边间有得食。除咗猪手，仲有猪髀，手撕鸡，猪颈肉，都可以选择捞面或者配白饭，选择都唔少。我叫咗小店招牌猪髀饭配泰式汁，一盒饭份量好多。$45咁大盒午餐非常抵食不过酱汁及猪肉口味偏浓，如果配埋嘢饮就正晚饭想加𩠌，下次可以试下原只猪手或手撕鸡
继续阅读
去葵广第一次试依间，买左手撕鸡捞面，加左卤水豆腐同卤蛋，同埋蕃茄南瓜汤。手撕鸡面只系$40，个盒好满好坠手我本身对鸡嘅份量无expect太多点知一打开个面已经见到好多鸡😍唔只面头有鸡，撩开个面睇仲见到几旧鸡非常足料👍而且啲鸡唔鞋，味道都唔错。不过个面本身嗌左少辣就唔系好觉有辣卤蛋卤豆腐非常入味，好好食🥰个汤都有啲蕃茄薯仔嘅料，都几大碗。舖位唔系特别易揾，但野食真系好ok，希望长做长有🙏🏻
继续阅读
［猪妈工房-泰式手撕鸡薯粉］🇹🇭🇹🇭🇹🇭$47葵广多野食就大家都知啦~通常好多人都会食凉皮啦平时我都有食开猪妈的蕃茄南瓜汤的粉见近排咁热就试下佢的捞薯粉啦😍不过都系和暖, 唔系冻食架❤️个薯粉好烟韧❤️手撕鸡份量都算多同入味❤️份量都唔少❤️有青瓜有红萝卜丝 呢个都几加分, 都几有咬口
继续阅读
葵涌立食小店😋🍚极高质泰式猪手🍖🍖味道∶🌟🌟🌟🌟🌟环境∶/抵食∶🌟🌟🌟🌟🌟今次介绍嘅呢间立食小店次次食饭时间经过，都见到好多人等外卖。今日行开经过见到有泰式猪手饭😆即刻好想食，一份$45唔连饮品，价钱上唔算特别平，希望味道有惊喜。拎住外卖搭左几个站翻公司，打开都仲keep到外暖内热，有加分😆成盒饭都塞到劲满，肉同菜份量都好多，底下仲淋左猪手汁，极吸引。呢个猪脾都真系世界级，皮嘅部分软糯有胶质，肉嘅部分入味唔鞋口，会话系呢个价钱嚟讲嘅top1，真系好好好食，一啖肉一啖香软、淋左汁嘅饭，真系好邪恶但停唔到落嚟😭烚菜就正常偏上水准，甜得嚟无草青味，食到开始滞就可以食两啖菜抖抖先🤣整体嚟讲，无得弹，呢个价钱呢个质素，会疯狂encore😋
继续阅读