豬爸車仔麵

营业中

休息中

好食呀！叫外賣都好多餸！叫左牛肉餅，粉腸同大腸大腸好入味粉腸好新鮮牛肉餅好特別！夠牛味又彈牙！以後會成日叫3餸份量好足而且個湯同麻辣醬都好惹味！難得好食又唔貴既車仔麵！

老板娘對客人意見非常重視，食物品質及味道要求嚴謹，車仔麵個辣汁真心正，仲有好多餸可以選擇，沙薑雞個汁醬都係老板娘親自研製，款款都係用心製作，款式種類包羅萬有，一定會再嚟幫襯😋😋😋😋

食到一半，有一堆毛係面，夾起即刻無晒胃口。懷疑啲毛係屬於牛筋，因為質地軟身，個人覺得噁心。另外，味道一般，腩汁湯底味淡。價錢係車仔面中屬於中上，三餸接近$70。

打開戶戶送，見到呢間野既食物幾岩心水！膽粗粗叫黎試下，畢竟戶戶送上面好多讚好既食評！車仔麵，蘿蔔牛腩飯，碗仔翅 3樣野送到黎都好熱加分車仔麵有佢自己秘製辣汁，餸及麵都唔錯46蚊黎講完全收貨 好滿意蘿蔔牛腩飯 蘿蔔清甜 牛腩夠淋 個汁味道又適中不過個飯就真係有少少硬，但52蚊又係收貨成餐最差就係碗所謂既 碗仔翅！容量同紙巾一樣咁細碗我都算！如果足料好食既我就冇所謂！呢碗野得蛋絲 木耳絲 同好少好少既東菇絲....連最基本既肉絲都冇最失敗就係 想搵條粉絲或素翅睇下都冇其實你知唔知乜野係碗仔翅架....成碗野d料仲要咁少...夠膽死收35蚊...本身頭兩樣都覺得幾好，食完呢碗唔知乜鬼野之後，真係覺得比人搵笨