貝爾特酒廊 (裝修中)

透過openrice訂餐，預約六點取，一到六點即收到電話提醒，服務好好～訂了以下主食：爐魚配虎蝦伴薯蓉：味道ok, 但份量略少，只有一隻蝦同細塊魚帶子Risotto: 味ok, 夠Creamy, 但只有兩隻帶子炒椰菜花飯：幾好食，但份量少得可憐，佔錫紙盤1/5都無美國西冷：份量ok, 全熟得來不會太韌，味道ok因thru openrice有折，變相份量唔會對唔住價錢 （除椰菜花飯外），如果二人食，預咗要叫三至四個主食先夠飽如果無折，份量依舊，性價比就大打折扣，我應該唔會去食

慶幸屯門有咁好環境既選擇，屯門人要多多支持！價錢合理，服務okay，平時未必來staycation但耐唔使都會來食下，同屋企人食個lunch或者夜晚同friend來飲野都正，地方大夠chill，有梳化，有得篤波👍🏾

這間酒店是工廈改建的，就在屯門西鐵站旁，好方便，外層是灰色的，好型格的感覺，餐廳在1樓，地下的佈置好靚，上到1樓也是好舒服的感覺，午餐做緊85折優惠！餐牌有兩板，選舉都算多。忌廉湯好大碗，好香又creamy，飲完也好飽了！朋友點了炭燒安格斯西冷扒伴磨菇汁，五成熟，西冷扒好大塊，賣相吸引，味覺又香，真是食到炭燒味覺，有西蘭花，薯蓉同車厘茄，牛扒好淋又juicy，正！！我的香煎鱸魚配虎蝦伴合桃忌廉汁，賣相也是好吸引，好香呀，鱸魚的皮煎得好香好脆，好好味，魚肉都好滑，蝦爽身，薯蓉好滑。好好味！午餐有飲品及甜品，豆腐花好大碗同滑的。唔落糖都夠味。椰汁西米露就好甜朱古力蛋糕OK的。餐廳座位寬闊，坐得好舒服！

幾個老友定期飯聚，近幾個月社會太亂，邊區都危險，好友找到這間位於屯門站附近的酒店餐廳，大家一於試試。一入到餐廳，意外地看到地方闊落，空間感十足，樓底高，裝飾走工業風，有梳化區，普通餐枱區。梳化區後面有卓球枱。這裡人不多，啱哂我地幾個女人，可以坐很久，談天說地。食物整體不錯，份量亦偏大，由前菜餐湯到主菜，賣相味道亦佳，唯獨咖啡稍為失色，淡淡的。服務亦不錯，我掛住傾計，錯手將奶加落杯凍檸檬茶裡面，侍應主動走來給我換過。可以再回頭的一間餐廳。

六點半才開始，我們六點鐘去到，幸好職員先讓我們入坐，還讓我們先點主菜。之後就等待時間，等到六點半才可以開始自助餐。等待中，人們也開始入場，蠻多人的，走動的空間很足夠，出去取食物時不會踫到他人的椅子，所以呢，場內的坐位實際不多，最好預早訂坐。準時六點半開始沙律多款選擇，海鮮新海無雪味，熟食冷盤都幾特別，還有即煮意粉主菜稍後都來了，我們點了牛排和意大利飯牛排有點太熟，但味道還好煎帶子意大利飯，贊，但………意大利飯較易容飽肚，食完飯後已經無力再戰了……今晚特每人送上半只乳鴿甜點選擇較少，我最後選了木瓜雪耳糖水作結

a great variety of food selection on the lunch menu, both Chinese and western.risotto was very nice, creamy and plenty of lobster. Beef rib so-so, quality of the meat not good but came with a big portion.lunch set came with soup, drink and dessert, quite value for money. Nice deco and spacious. comfy place to chill. Parking friendly, spend $200 for 2 hrs.

驚喜發現！地點位置雖然在工廠區內，但鄰近屯門西鐵站，只要由A出口行三四分鐘就到！一所好食的半自助餐和時尚設計風格餐廳，環境非常舒適寬躺！半自助式食物種類比起傳統自助餐款式比較少，但尚算齊全，只是感到唯一缺憾是沒有魚生和壽司供應，有任飲果汁丶咖啡，檸檬茶，食物味道很有水準，感受到是用心製作!主菜有4 個選擇，牛丶羊丶雞丶海鮮尚算齊全！主菜不是很大份量，感覺恰當! 餐廳職員會不斷補充自助食物，又頻密清理枱上的多餘碗碟，服務非常周到！值得推介給大家！推介！

由於有家人生日，知道屯門都有得食自助餐有梗係要試吓啦估唔到都咁多人食，就算有八五折之後大概都要370幾蚊一個人，咁其實佢係用半自助餐嘅形式嘅，首先你就要揀個主菜先然後頭盤甜品同埋有啲熱食冷盤都會係出面自助區不得不讚嘅係職員們都非常之有禮友善，呢一點個人認為非常之重要就算你啲嘢食幾好食都好如果店員態度非常之差嘅話，都係冇用嘅主菜方便我叫咗意大利飯，由於我哋張枱嘅燈光問題影得比較詭異，不過係好食同多料既， 雖然份量唔太多不過由於有芝士同埋有半自助餐嘅關係所以個人來講都覺得非常之足夠，家人就叫咗牛同埋樣佢哋嘅反應都覺得係幾好食嘅外面嘅冷盤都有啲凍蝦青口顯肉蟹等食物質素都正正常常幾好啦仲有少少熱食區，同樣地食物質素都幾好，仲有一個係職場整細嘅漢堡包同埋意大利粉，就係而家好興嗰d 一大舊芝士加忌廉嘅意粉，係好食嘅不過好漏😂😂😂甜品方便個人認為豆腐花幾好食，雪糕呢就係牛奶公司嘅個人就冇食😂蛋糕方面賣相一般，都有即整窩夫嘅不過個人認為質素麻麻地不過座位與座位之間係有空間同唔迫，所以你可以同朋友慢慢聊天談心結論係雖然價錢不算太便宜，不過想食下自助餐質素OK嘅，依度都OK嘅

正值與女朋友的週年誌慶，特與她到她家附近的酒店共享自助晚餐，以方便她能早些回家休息。我們享用那個海陸空半自助晚餐，點了個意大利飯和女朋友最喜愛的西冷牛扒。惠顧半自助晚餐，每位客人還能得到半隻燒乳鴿，因為女朋友不吃，所以我吃了一整隻，有點油膩。可能我年紀大了，吃的逐漸減少，去的自助餐比較少，我還是第一次看到自助餐上有白切雞等燒臘。除此之外，沙津、藍青口、蜆和一些熟食也很美味。甜品味道比較一般，還是豆腐花好吃。當然，還有迷你雀巢雪糕杯。環境不錯，人比較少，可能我們早到了，六時半就開始吃了。

我呢個外區人，真係好少去屯門。通常諗起去酒店食野都會諗到去尖沙咀銅鑼灣呢啲旺區。老友話屯門開左間新的好靚的酒店，入面有好野食。咁當然要來試下啦。坐西鐵過來都好快，好近西鐵屯門站。入到來酒廊，環境感覺舒適。我地叫左set dinner，有前菜﹑主菜同甜品。個前菜係沙律。沙律菜好新鮮爽脆，加埋少少酸酸地的汁，夠哂開胃。主菜我就揀左煎大蝦碌意粉。兩條大蝦夠新鮮夠哂大條﹑煎得夠哂香。意粉的汁仲好幼滑，食到lam lam 脷 ~甜品我就食左個芝士蛋糕。勝在唔係好甜唔會好漏。細細件，岩哂作為一個晚餐的完美句號。呢餐埋單每人都要$300幾蚊，朋友覺我有點貴，寧願俾多少少去食自助餐。但對我呢講，坐得舒服，同老友傾下計，有波睇時仲可以飲番兩杯一齊睇波，屯門之友又唔洗驚食飯食夜左無西鐵番屋企。滿意～

本身為補祝父親節，搵一搵屯門有咩自助餐食，看見openrice有半自助晚餐85折優惠，就決定試一試。入席時早了到達，接待處職員都好有禮貌，好熱情，俾我地先入座等開始，第一印象都好好。餐廳環境都好乾淨同舒服。睇一睇餐牌，款式都多同吸引，性價比ok。半自助晚餐的主菜擺碟好靚，味道都好，值得介紹。屋企人叫左炭燒牛里骨配意大莉莎莎醬，叫七成熟，肉質岩岩好，味道都好味。另一主菜烤安康魚配香煎帶子，魚質新鮮，好味。同埋每席入座會送鴨掌鮑魚，正!另外其他食物都好吸引，首先凍海鮮有大蝦，蜆同麵包蟹已經好吸引，而且仲要係新鮮，另外熟食會不定時轉一轉款，味道都唔錯。沙律吧同前菜區都多選擇，岩曬唔同人口味，而且有即叫即做區，有雞粥，蠔仔粥，蟹肉三文治同抺菜焦糖燉蛋，屋企兩老食得好開心。這個半自助餐只有星期六及星期日有，真心性價比一流，值得一試!砵酒焗蠔冷盤海鮮

2019.06.09前排嘅安心偷食實在太熱呀！唔睇都唔係香港人！咁岩卡卡想介紹一下最近到過嘅一間酒店餐廳~絕對適合鍾意偷食或者唔鍾意偷食嘅你/妳~位置正於屯門西鐵站附近，唔難搵~如果你係揸車嘅朋友，只要食滿Hkd400就有3小時free parking~唔錯唔錯~就算係偷情或者吹水都好已經好足夠~入到裡面嘅環境新淨，令人感到好舒服~呢d仲唔係打卡熱點?🤭坐係度同閨蜜傾心事~真心舒服呀！地方夠哂大~你想坐邊都得~呢度有酒吧架！食飽飽隨時飲返2杯都可以呀~講返食物先~呢碟就係No.18嘅牛仔骨，味道係好味嘅，但奈何佢只配上薯蓉，要有飽肚感，真係唔太足夠...呢碟係No.16香煎爐魚意大利飯~朋友叫嘅~味道又係good 嘅~皮香脆肉夠嫩~意大利飯軟硬度適中~有埋沙律菜點綴~睇到咁靚，食都食得開心d~同上面個碟一樣，因為小朋友嘅阿仔唔太好意大利飯，餐廳又肯幫忙改做意粉，唔錯~讚！連嘴刁嘅大仔都話好好味~不過唔知點解呢碟又無沙律菜點綴，無上面個碟咁靚囉～但味道都係一樣好味的~老公嘅石頭鍋飯~佢話不過不失啦～相對其他地方食石頭鍋飯餐廳來說，餸菜係較少....對於大食嘅男人係唔夠飽同滿足感吧～🙈呢

今日同事慶祝生日，同事要求黎屯門呢間餐廳食午餐。壽星公就揀咗呢個在食評大力推介既食神叉燒飯，餐到後見到賣相不錯，午餐肉煎得好香口，主角叉燒亦食得出唔似一般燒爉店既叉燒，係用炭火燒過，口感不錯，雞蛋就熟左少少，得好少蛋汁流出。份量方面都足夠，唔會太少。同事就點左一陣個磨菇牛肉漢堡，味道都唔錯，薯條炸得脆同好粗。甜品Tiramisu 就一般，大家歡度左一個好悠閒既午餐，有機會既話下次可以再黎一試其他款式。

趁生日去食自助餐，今次揀左呢個新開無耐嘅型格酒店，有半自助餐食。位置西鐵站不遠處，但遇上落雨，推著BB車有啲狼狽。精品酒店餐廳唔算大，但座位闊落，非常舒適自在。 週末自助早午餐。一邊係自助檯，以半自助餐黎講都算唔錯，有芝士、煙三文魚、風乾火腿。 麵包、沙律吧連兩款凍海鮮。 三款粟米片可自行配鮮牛奶，另有燒味、pizza。 熱盆炒小菜、粉麵飯等飽肚野。 仲有少許中式蒸點心同餐湯。 主菜揀左一份烤羊架，味道正常。 另一個主菜叫左個什麼什麼燒豬柳，賣相唔係太得，好普通。 又到甜品時間，選擇算多，有水果，仲有蛋糕、杯子甜點等。 價錢唔貴，雪糕就只有最普通嘅雀巢牌。但甜品味道都正常嘅。 來到咁偏遠嘅地區，唔會要求自助餐有幾咁好食，二百幾蚊，加唔記得左幾多折。正正常常，普普通通，志在hea一個中午慢歎午餐。

Parma ham pasta, lobster scallop risotto, steam fish with garlic and black bean. All good. Among them the risotto was the best.Dessert were tofu fa and lemon cake. Drinks were milk with soda, ginger lemon coke and coffee. The lemon coke has 4 slides of lemon! good!好味得來份量夠。蒸魚的話，我prefer之前出的剁椒蒜頭汁蒸魚，實在好味得連汁都lam埋。