貢茶 (已結業)

朋友與我share一香濃奶茶少甜.確實是很大的一杯, 兩個女仔都飲唔晒......放棄了1/4.如果有medium size 更好... 750ml 好難一個人K.O.一杯wor.珍珠頗有咬勁, 因為叫了少甜的關係茶味更濃更突出, 難怪附近咁多間台式飲品店它最好生意.

等候時間過長絕對係致命傷,店子可能細過你間房,但擠了5、6位職員!大家買杯茶都只想降溫消暑,但咁既速度......等候的客人全部大大汗~現在旁邊開了間新店,且看有沒有新景象!

逛街的時候，的確需要一杯飲品，奈何飲品小店現在的連鎖式經營實在很難避免　連鎖式經營=質量下降　的想法。想不到貢茶出品，不錯。奶蓋綠茶拼起來不似一般的奶茶，清清甜甜的，呷一口很香滑，沒有給喉嚨帶來不適寒天愛玉，其實不知它是什麼東東，只是想嘗一嘗新出品。茶香之餘，杯中甚多果肉，有類似果凍，有類似的透明珍珠，還有少許柚皮，很清爽的味道對於女孩子，份量比較多，有果肉的，一杯飲完已經十分飽。另外，我喜歡它的杯，質地比普遍的飲品店堅硬。購票時staff會主動問客人所須的糖量及冰量，有禮貌。

叫左杯珍珠奶茶加胚芽，$14，等左最少15分鐘，第一啖飲落去既感覺係"佢邊到值咁多個笑AR"，奶茶好普通，冇咩特別，但朋友覺得佢太甜，珍珠真係幾好，係飲過咁多間最好既珍珠，但係胚芽就係咁多間最差既胚芽，好係食緊麥皮咁，完全冇胚芽既香，真係好難食....

我點的是烏龍茶奶蓋，不好渴，奶有奶的味道，跟茶不合，茶有茶的香，可是就是分離的味道，奶跟茶中間還有冰隔著，感覺這杯東東在攪３角戀＝＝，受不了。可能是之前在台南喝過咕滴的奶蓋吧，所以對貢茶有了暇想，可現在驗證了，那不是暇想，是妄想，花錢去台灣喝吧，朋友，如果你們有機會去台南去找找真正好喝的！http://www.wretch.cc/blog/cathy26699/18293725

街上開的各類賣台灣珍珠奶茶的店舖越來越多, 而咁正合我意, 因為好鍾意飲唔同味道的珍珠奶茶, 一早聽講貢茶的奶茶好好味, 但之前經過都見到大堆人排隧而放棄, 今天經過見人龍比平時少, 即時同男友要求要買杯試試. 男友要了波霸奶茶, 我要了百香綠茶, 兩杯都要半糖, 隔離舖上面的燈射到個人好熱, 企一陣巳流晒汗, 男友即時叫我去前面商場行一陣, 佢企係度排, 當我係商場兜個左圈嘆完冷氣返來見到男友熱到成身汗, 真係有些不忍, 好彩再等多一陣就輪到, 我飲左一啖百香綠茶, 第一時間覺得好香, 綠茶味好濃, 唔錯 但波霸奶茶我地拿番去再飲, 味道淡左好多總言之, 如果下次都係要等咁耐, 我寧願唔飲; 如果咁啱經過又無咩人既我都想試試個個都讚好的奶蓋類.

又一次逛街逛得口渴又到貢茶買了一杯珍珠奶茶這次買的是半糖比起上次的正常甜度這次的甜味適中茶香更為突出而且這次珍珠多了但排隊真的排了很久環境很熱, 而且有陣陣臭豆腐的味道使人有點不耐煩

吃了台灣麵線後，俾那些辣配料辣得冒汗，所以第一時間來喝杯茶，上回已經在分店喝過一次，今回來了總店，看又如何。來了門口也有數人排隊，之前喝過了招牌的奶蓋烏龍，今天和女友一起，喝兩杯也當然要叫一杯招牌的給她試，所以一於來一個組合大混亂，一杯奶蓋綠茶及一杯凍頂的烏龍茶！過了不久，一杯大大的貢茶也有得喝了，也和上次一樣，照指示品嚐這茶，先打開杯蓋，以口就杯，讓奶泡與茶同時滑入口中，奶泡也是照舊的挺及厚身，而且夠滑，有忌廉香，真的很不錯，吃了一點泡後，也喝到了第一口茶，奶泡跟茶同時進入口腔，女友也覺很好喝，茶味雖然沒有上回喝烏龍的甘，但綠茶的茶味也是輕易嚐到的，那種既有茶香及奶香的味道，仍舊精彩，而且甜度剛好，整體來說很不錯。上回的烏龍茶底實在是一試難忘，今回一於不下奶試真佢，這杯凍頂烏龍茶喝起來真的非常有回甘，茶色夠深，味道濃而順喉，而且天氣熱，能喝下一口冰凍的烏龍茶，真的是妙極。除了味道好之外，另外值得一讚的是其用上的膠杯，也是比其他台式飲品店的堅固，而且價錢非常相宜，這店子我認為是云云的台式飲品店中的龍頭。再者，兩杯也只是二十元，大大杯的，還要那沒奶蓋的只是八元，而且咁好喝，抵過到7-11

尋日早上o係mk 咁熱都係買杯野飲. 不外乎貢茶輕鬆飲二揀一, 揀左貢茶上次飲過個奶蓋烏龍唔錯, 不過就唔可以$10 埋單, 要$12今次試下奶蓋綠茶落單o個時唔記得叫少冰少甜. 算啦, 一次半次.哩年開始飲少左甜野, 即使自己唔鍾意飲水, 飲其他野都會溝水一樣野太甜, 加多d 水都係一樣味.綠茶等左5min就到手.綠茶味似地道牌子, 一樣咁甜咁上下味.第二次嚐奶蓋, 感覺已冇乜特別.而且飲得比上次論盡, 插左支管落去拎返出黎成支黐晒d 奶蓋, 但唔拎起身又唔知點攪暈佢.可以烏龍茶本身有獨特既味道, 所以我覺得比較好飲d. 反而綠茶就冇乜驚喜.原來有d 野真係試一次就夠, 第二次始終冇第一次咁好.

lunch 去買杯阿華田金黃 微糖 $14(好似係)...等左唔係好耐5mins度...入口唔係好甜...金黃似芣芽個d...但軟身好多...好似放左好耐咁我覺得可以再改善下個軟硬度

雖然我飲過好多次, 自從飲過tw 果間, 就覺得tw 好過mk 多多聲但今次mk實在太差. 因為今次d奶蓋好淡, 冇味! 令到杯奶蓋綠茶好淡~ 真失望! 其實荃灣果間好好多, 服務又好, 叫佢多奶蓋就真係多, 又不用在馬路邊等mk 依間叫佢多, 佢話有標準, 冇得多d.... 睇住佢整, 大杯都只係得2小殼奶蓋, tw 果間細杯都有3-4殼, 就算不叫佢多奶蓋都比mk 那間多! 不同分店, 品質不一真係要改善一下! 絕對要加中杯.. 一個人飲大杯太吃力了

We went back to this, it was still 'hot and popular' with the queue. The milk tea was solid HK$12 a cup - good taste and value for money, for its size. Luckily the queue was not too long. We only waited for about 5 minutes.

已經唔記得飲左第幾次.....第一次我係飲奶蓋烏龍既,烏龍茶味好重,另外奶味濃之餘亦唔算好搶味,另外飲既就係水蜜桃綠茶,個茉莉味同蜜桃味都幾夾。不過最緊要係佢真係幾快整好,等半粒鐘唔駛就有得飲=)

難得來到旺角,當然不能輕易放棄一系列的掃街任務.熱辣辣的燒餅過後來到了貢茶.在眾多的台式飲品店中,只有貢茶一間出現長長的人龍,能夠脫穎而出應該也有一定水準,就花點時間排隊吧.貢茶獨有奶蓋紅茶,所以只好放棄了一直喜歡的珍珠奶茶.珍珠奶蓋紅茶($14),一層白色的奶苿蓋頂.根據蓋面的指示,打開杯蓋含一口,奶苿口感似cream,很rich而味道則有點酸.接著是用飲管吸一口紅茶,苦澀的茶正好中和原先的酸甜味.最後再用飲管攪混,奶和紅茶就一下子變成珍珠奶茶的模樣.要了半冰半甜,奶茶還是很冰,半甜出來的效果沒有甚麼甜味,而茶味亦不算很濃,珍珠煮得過腍,還可以啦.味道不如想像中突出,一貫台式飲品作風,價錢平,份量大.出品比其它的快,從排隊到取飲品不用15分鐘,算很有效率.杯子亦很厚身,揸上手中很實在.

我試過 "手工冰咖啡" & "葡萄柚綠茶", 覺得都值得推介!手工冰咖啡 - HK$12.00 一杯, 又估唔到幾好飲, 咖啡味幾香 葡萄柚綠茶 - HK$10.00 一杯, 都幾鬼大杯, 葡萄柚好味, 綠茶味唔太濃, 我鍾意!! 順手一提 - 台農幼茶反而麻麻地, 太甜, 如果要試記得order "少甜"