貢茶 (已結業)

珍珠奶茶好似再次成為熱潮,雜誌的「測試」,得知貢茶的咖啡出色,食晚飯也位置,飲一杯。咖啡只得一種：手工冰咖啡 (奶蓋+$5)。跟從「好喝秘訣」,先打開杯蓋,飲一啖奶泡,嘩!驚喜得很!一朕奶油酥咸香,又滑,好特別!然後插入飲管,細味咖啡(或茶香),又嘩一聲!好似在超市,至愛韓國品牌即買即飲的杯裝凍咖啡,又甘又滑~~最後才把奶泡與咖啡攪拌,成為一杯口感好rich的*酥香*甘味的咖啡~~~注意:是油酥的「酥」,不是臭奶羶的「羶」呀!在新興的珍珠奶茶店比較下,我覺得呢間好飲得來,亦加有好既特色!令人回味!

今晚七時半飯局才開波，但小弟六時多就就到了旺角一帶，一於找些吃的，由於想着留力的關係，就一於貢去飲杯人氣貢茶，應該不會很飽的吧。來了門口也有數人排隊，而我之前未喝過，一喝當然要喝招牌貨，一於來一個台灣馳名的烏龍茶，就一杯奶蓋烏龍吧！過了不久，一杯大大的貢茶也有得喝了，只是十二元，抵！也照指示品嚐這茶，先打開杯蓋，以口就杯，讓奶泡與茶同時滑入口中，在剛開始時，也真的飲不到茶的，因為奶泡真的是太挺及太厚身了，但奶泡挺即代表密度夠，而且夠滑，有忌廉香，真的很不錯，用來配咖啡也應該不錯的，也先不要扯得太遠，吃了一點泡後，也喝到了第一口茶，奶泡跟茶同時進入口腔，感覺果然是妙極，那種既有茶香及奶香的味道，加上一清一 濃的感覺，真的如太極一樣的精彩，而且茶甜度剛好，不會太甜，喝起來甚至有點回甘的，雖然不是很強，但整體來說很不錯，是今天晚飯前的好開始。喝了之後，也真的有點點飽的感覺，今次真的捉蟲了，奶蓋豐厚的威力不容小覤，喝飽茶，也緩緩的走到太子站接女友了。

前幾排去開呢頭，見呢度開左貢茶。就試左杯奶蓋紅茶，呢間比總店仲要等得耐。奶蓋紅茶只係茶既面頭有層奶泡，我就將奶泡同茶搖勻。咁樣可以有茶香之餘，又可以令杯茶更香滑。而我覺得個茶底幾靚，甜甜地幾好飲。我覺得唔錯既，實有下次既。

晚上返完教會團契, 回家途中路經此店......喝杯茶才走吧.點了珍珠奶茶, $12有大大杯, 喝了一口, 茶味非常, 結果不消10分鐘已經飲完.下次試下奶蓋系列先.

人流未算多, 唔洗等好耐就有得飲啦~~唔知係味岩岩開ge關係, d quality 好似差少少wo個奶蓋綠荼 d 奶蓋好似喊左d wo,茶又冇咩茶味, 飲左一半咋~~朋友戈杯d寒天仲好笑, "um" 到ar~~ 咬唔開咁...好似食梗香口膠咁...overall, 真係差差差~飲返d普普通通戈d仲好過啦

第2次試買貢茶既飲品呀！連所式集團既經營，不同分店，食物的質素都有所差異，所以有新分點當然去試一試la！我們叫了2杯飲品：分別是焦糖珍珠奶茶 & 招牌貢茶 (紅茶少甜) 焦糖珍珠奶茶 味道做得不錯！不太甜！有點似台灣當地飲既統一雞蛋布丁奶茶！奶很滑，淡淡的茶香留在口裡！而珍珠有進步空間！因為珍珠無味！若果能用糖水煮一煮，味道會更加好的！會再嘗試！期望見到改善！招牌貢茶 (紅茶& 8分甜) hm... 招牌貢茶面有層奶油+抹茶粉，沒想到竟然蓋面上有，飲用說明！好攪鬼呀！按住指示先呷一口茶，任面層既奶油，順勢流入口！很有茶香！上次試過貢茶既飲品偏甜，所以今次醒目先叫左8分甜！所以這杯招牌貢茶甜度剛剛好！正！ (女生不想飲太甜的，建議叫少甜)試了茶同奶油未攪的口感！接著就試試將奶油混入紅茶了！COOL！唔會很容易攪散！好得意呀！飲落很滑！cream既口感很creammy！密度很高！GOOD！值得一試！期待青茶抵港！如果招牌貢茶 加珍珠，會令始飲品更具趙口！^_^

跟朋友經過西洋菜街，見到貢茶新開的分店，於是便買了奶蓋綠茶加仙草凍。其實我都不知道仙草凍是什麼來的，反正寒天、珍珠都嘗過，於是便額外加了仙草凍。由於這分店是新開，人流不太多，而且店鋪小小，人手卻很充足，等候三分鐘便可以拿到飲品。奶蓋綠茶加仙草凍味道很怪，仙草凍好像涼茶，跟奶蓋或者綠茶都不太match。以後大概只會back to basic ，買奶蓋綠茶算了。論服務的話，我會推薦登打士街的貢茶分店。那邊的員工笑容比較多，較有禮貌。效率上，西洋菜街就比較高（應該是顧客不多的關係）。值得一提的是，貢茶成名後，連價格也向上調了。之前加寒天只需2 元，調整後，要4元耶！實在有點誇張。

天氣又熱又悶,飲返杯凍飲最好不過!呢間貢茶超少人,減少等待時間解熱時間就更加快!!叫左珍珠綠茶,點知唔記得叫半甜,一飲,真係幾甜,不過又唔係死甜,1次半次都係算啦~d珍珠好好 o趙,又多喎!真係好正~個身即刻涼哂!

openrice 好像正處於改朝換代中, 傳統"勁旅" 什麼澳牛, 時新, 翠苑最近的風頭好像都不及這間貢茶勁, 咩胡盧賣咩藥? 一試便知龍與鳳!焦點係奶蓋綠茶, 當然係我今次試"菜"之選, 哈, 係試"茶"之選先啱!奶打出來的泡沬幾幼細, 入口夠滑, 這個環節不錯; 茶的味道微甘, 用吸管"篤"d泡沬落底攪云(其實攪唔云, 不過叫做有d奶味落茶度), 兩者味道幾襯, 不錯!因為唔鍾意珍珠, 但加埋的話要加兩蚊, 朋友的加了, 十蚊一杯茶, 杯身又高, 幾抵飲!

我唔就得左影相呀！！我叫左奶蓋烏龍($12)︰真係好飲的！味道好特別~d cream 有dd咸，加埋d 茶飲，有另一種感覺~甜味岩岩好焦糖奶茶($12)︰太太太甜！下一次一定要少甜的！不過真係好香~

新開播 喺新之城的對面, 開了一間貢茶, 唔係好多人排隊, 即刻買杯試試上次喺登打士街分店已經飲過珍珠奶茶, 味道唔錯, 今次因為真係好頸渴, 於是買杯淨綠茶食, 唔甜的, 茶味甘香, 過甘的茶會飲到我頭痛, 貢茶的茶就無咁甘同咁濃, 幾好飲, 仲好解口渴!都係大大杯, 感覺好抵食, 快d買啦

同男友係旺角行街，來到這裡試下奶蓋茶，叫了一杯奶蓋烏龍茶（＄１２）加珍珠（＄２）。等候時間都不是太耐，可接受。烏龍茶好香，上面一層奶，滑潺潺，好似痰咁．．．不過都好大杯，好多珍珠，都幾抵飲。

人氣爆燈的貢茶, 終於試到了!我試的是在太子新開的店, 在大興餐廳隔離, 不用排隊~試左招牌奶蓋綠茶, 好得意呀! 面頭果D奶好甜好滑好CREAMY,攪勻佢後感覺成杯都好滑, 加埋好香濃綠茶味, 感覺剛剛好~老公飲左焦糖奶茶, 我試左啖, 太甜!!! 唔夠茶味~我諗都係揀返D最普通的味道會係最好!~珍珠好趙好香, 不錯!~唔怪得之咁多人飲啦!700CC好大杯, 飲到好飽...上左癮, 好想再飲呀~!

今天放假, 同女朋友去完星巴克溫書,先係果度已經一人飲左一杯野飲....之後去左波鞋街行下, 行行下女友講我知原來"貢茶" 係新之城對面(西洋菜南街間 第巴牛扒 隔離)....行去睇下, 真係有分店bo,....又唔多人,好, 買杯 "珍珠奶茶" 飲下先, $12 好大杯呀, 比完$$, 拎住張"333" o既飛, 等一陣就有啦.....一飲,...感覺係"好味, 好有茶味, 仲要好多珍珠".....正呀, 雖然唔知係唔係叫做"正宗", 但我愛佢o既1) 有茶味2) 珍殊係可以啖啖都有3) 珍珠唔會黏住一大舊, 飲果時一粒一粒分開o既4) 個杯夠硬總括:$12, 大大杯, 兩個人一杯都可以 , 抵飲!!** 如果可以細杯少少就好啦, 可以一人一杯, 兩個人可以試多一款**