貢茶 (柯布連道)

营业中

休息中

身位薄荷控既我，想試呢杯野好耐，但又怕肥，所以一直都唔敢試。。。咁岩今日朋友仔話飲貢茶，無理由自己唔飲，所以豁出去😝試下問店員可唔可以走糖0%+走冰，佢竟然話可以😱😍😍開心到呢～～飲完後一試難忘， 雖然走甜後都仲有甜，但可以接受啦， 上面仲有芝士奶蓋同曲奇碎，成杯飲品就升華咗🤩薄荷系列仲有另外2款沙冰， 但手搖飲品我一响飲開走冰走甜，所以我都係鐘情返呢杯珍珠😙,如果都係薄荷控既都可以試下另外2款，我朋友試咗話有好多朱古力碎碎

貢茶芒芒甘露有啲甜，不過可能係因為我不嬲都係飲開微糖或者無糖🤣🤣🤣芒果汁椰汁仲有椰果柚子💓💓試過一啖朋友杯玄米抹茶紅豆（半糖、微冰）之後發覺自己個杯唔算甜😜😜玄米粒仍然是脆的，茶味出但可能奶唔夠多，會覺得有少少似飲緊糖水

返返吓工，好想飲珍珠奶茶 （依樣嘢好常發生嘅）！點知12嗰時有個同事問我飲唔飲貢茶， 我梗係卻之不恭喇！我就答佢買咗熱嘅珍珠奶茶, 微糖. 同事要嘅係凍嘅黑糖珍珠奶茶. 買咗返嚟見到個杯身都幾靚原來佢哋請咗韓國藝人李昇基代言人，認真勁呀！ 我依個茶係用奶粉開嘅,因為我不嬲都唔係好鍾意飲鮮奶茶, 依杯飲品茶味好夠濃， 而太失奶味～ 珍珠大細適中，唔大唔細，夠曬煙韌，又唔會好甜，咩都剛剛好，都幾滿意！ 同事話唔係等左好耐就有了，幸運！

今日係銅鑼灣行街，夏天天氣炎熱，最啱就係飲返杯珍珠奶茶解渴。加上銅鑼灣人多車多，香港今日天氣有啲濕熱，所以出汗特別多，所以就買返杯補充水分同解渴。去到月鋪頭，外邊乾淨整潔，附近亦有唔少小食店可以撈埋嚟食，真係夏天一大樂趣。我同朋友一人叫咗一杯珍珠奶茶，少甜少冰，確係大快人心。珍珠係size，唔會太大粒亦唔會好似細粒珍珠咁難𡁻。奶味充足，但飲得出絕非鮮奶沖製，但口感仍算不錯。茶味同奶味都算夾，可以一試！