貢茶 (荃錦中心)

营业中

休息中

咁啱今日同朋友行過，見到貢茶台灣飲料店，買左一杯奶蓋烏龍同咪荔枝蜜綠白晶球好好飲，同店員講要多晶球，都會比多少少，覺得奶蓋係最好飲，荔枝蜜綠都幾好飲，下次會在幫襯呢間

估唔到第一次寫食評就要俾劣評買左杯格雷三兄弟奶茶但見到竟然得咁少珍珠真係第一次見，返去同店員講佢呆左望住我話：係得咁少架咋然後我話未見過得咁少 可唔可以俾返多d珍珠我然後佢又呆左望住另一個同事 另一個同事好唔情願過黎加返d珍珠俾我我覺得正常珍珠奶茶唔會d珍珠少到咁樣珍珠都咁孤寒 幫唔幫襯都罷仲要態度唔好 好似我阻住佢玩電話咁😅唔知係咪我太耐冇幫襯過貢茶定係依家所有分店都係咁既standard 😅真係好失望對呢間野

平時我係好鍾意飲凍檸檬茶，不過今日食中菜無得飲。唔緊要，呢個世界有太多選擇。珍珠奶茶亦是一個唔錯既選擇。由於呢類型既飲料鋪太多，我有時都有選擇困難症。今日擇左呢間有好多連鎖店， 呢間要有好多選擇，多到我唔識揀。平時係排哂長龍的，我行過見無人排隊，即刻未體清楚就order左杯烏龍珍珠。 可能杯茶淨得一個size， sales姐姐淨係收咗錢比完收據就算啦。 冇好似坊間其他飲品咁問我要多定小糖，多定小冰等問題。至於杯茶既珍珠好彈牙，不過杯茶無乜茶味同甜左小小。冰得幾粒， 孤寒咗少少。

雖然以家香港地開左好多茶飲店但不得不承認貢茶真係始祖！今日食完飯經過，忽發又想飲下！天氣凍左，叫左一杯熱既桂圓紅棗茶補補身子桂圓紅棗甜度適中，飲落滋事飲完我成個人暖返好多，真係女仔飲特色好朋友就叫凍頂烏龍，烏龍茶不嬲都係我最愛的茶之一偷飲左一啖，烏龍香得黎唔會甘係好飲既茶葉

貢茶一開始既奶蓋做得好好，不過我中意食珍珠，所以有左呢杯甜品，我好開心。奶蓋黑森林 $22成杯都飲得，又飽肚。下面珍珠同仙草係甜甜地，上面奶蓋係咸，好中意呢個反差！好飲

今日下午行過荃錦中心，見到貢茶又忽然間想到飲杯嘢，就買杯珍珠奶茶加奶蓋。貢茶𥚃面得一個女仔做嘢，由落單到收銀再沖飲品，全部都一腳踢，但我一時間忘記咗同店員講聲杯嘢要微甜。大概等5分鐘後，杯珍珠奶茶已經做好。先飲一啖，杯奶茶真係好甜，仲要比我預期中甜。飲奶茶嘅同時又啜到啲珍珠，珍珠有少少甜而幾煙靭，佢哋都俾得幾多珍珠。最後到奶蓋，雖然係另外俾錢加，但竟然只係俾咗少少，好在奶蓋味道仲Keep到，咁都尚算可以~

小編一向麻麻地「貢茶」，因為成日都太甜太少料，品質好參差，但今個冬季見佢推出左新品—玄米抹茶紅豆，抹茶迷嘅小編當然會冒險一試啦！😏玄米抹茶紅豆（$21）不過我就麻麻地玄米，所以走了玄米。😂抹茶味都算濃郁，香濃抹茶味中帶有淡淡奶香，唯配料真係少得太可憐，嗱！睇下幾少紅豆 ！😭如果紅豆可以多返d就好好多。