貳號冰室

营业中

休息中

下午茶來講價錢偏貴，但係我諗附近呢幾間茶餐廳都差唔多，唔知係唔係人流鋪租問題吧～我揀咗我自己成日都會好鍾意食嘅蕃茄蛋牛肉湯飯一上枱個賣相雖然一半，而且見到好橙色感覺蕃茄味應該都會偏假不過原來好多牛肉喺下面，而且有三大件新鮮番茄🍅問咗店員拎蔥特登拎起晒啲牛肉影俾大家睇雖然個味太甜，但係整體都食得好滿足，而且佢係用珍珠米，阿爸試咗覺得好滿意飲完都唔會覺得好口渴OK嘅阿媽揀咗水餃嗰個粉，覺得啲水餃幾好幾清新，而個湯底佢都滿意食嘢好挑剔嘅阿媽都滿意所以佢算係唔錯

特登Log in比差評係平日早上10:00左右食早餐入到去 好快問落得餐未 都正常既 以為知道未落餐所以走來問奶茶飲淨3分1 問我地仲要唔要其實我都唔飲 咁就話唔要 比佢收走收完轉個頭就直接問「可唔可以比返張枱我」下？同朋友食個早餐20分鐘都唔知有冇老實 如果你有禮貌同我講 唔好意思，出面有人等位 我都覺得你有禮貌朋友係埋單既時候同佢講 介唔介意下次唔好趕客走 個人無視佢😀😀😀知你有客等緊位 但基本禮貌都要有我知少我一個客唔影響但我都要講😀😀😀✌🏾

冰室的魔力，就係樣樣都好食，但你只可以揀一樣。一個人的好處，就係冇人同你傾偈，但你可以周圍觀察，然後胡思亂想。對面的食客，明顯叫了一個橙色的蕃茄通。膠板相隔只見模糊輪廓，忽然好想裝佢一眼！當然，我無咁做到。然後，我也叫了一個《蕃茄公司通》。湯底香濃，餐肉、腿、蛋、腸，四寶齊全，絕對是地道美食！然後，對面食客起身要走了，我把握機會望了一眼，但已經戴上了口罩。然後，就沒有了然後。很多時候，當下的一刻，it is now or ⋯⋯never .

今日係朗豪坊附近做野，放飯個時肚餓又凍，唔想行咁遠，就過左對面街茶餐廳食個下午茶。餐牌選擇夠多，有炒粉麵、常餐、連米線都有。凍凍地唔想食咁乾身，就叫左《木耳餃三寶酸湯米線》$53，三寶即係木耳餃、魚片頭同扎肉（每樣2件），下午茶黎講其實價錢一d都唔低，米線份量都唔多，一般女仔都食得哂，不過米線約爽口，酸湯又有少少辣，夠哂開胃，食完身都暖d，木耳餃幾足料，不過過咸，而且餃子皮過厚，扎肉就幾厚身，係黑椒味，魚片頭少少燶左，味道都一般正常啦。可能係下午茶時間，人唔多，店員都正常態度。評語：價格偏高選擇較多地點方便

行街行到攰攰地，需要中途休息下，餓就唔係好餓，主要想飲杯野。星期六嘅旺角周圍都係人，見到呢間茶餐廳價錢大眾化，著為坐下食少少野都適合啦。到底會有幾香港原味道呢🤔呢個焦糖西多士配雪糕，又幾好食喎！😋焦糖味足夠但唔會死甜菠蘿油的話，個人覺得可以做得更加好。牛油係甘香嘅，但面包凍冰冰，所以牛油溶入唔到其中，變左包還包，牛油還牛油咁食。如果可以做多步烘一烘熱包，就更好啦。另外咁樣切開面包放牛油，客人會食得好麻煩。可以考慮另一個切法😂雪糕紅豆冰，係今日嘅贏家。因為岩晒我口味，紅豆夠淋，奶味香，甜度適中。😆唔知呢個係咪原味道呢😙

同同學十一點放lunch，…旺角好多餐廳都未開，想食嘅都要等半至一小時🥺 所以雖有揀選有早市嘅茶記醫醫肚先。去到朗豪坊對面就見到有幾間餐廳都有開，唯獨被好香嘅港式麵包同蛋撻吸引，就試試依間茶餐廳😀見佢依個時間都有早餐同午餐餐牌，不錯不錯，惟當日嘅午餐餐牌不夠吸引哈哈，所以我哋一致地叫咗蕃茄雞肉通粉，跟餐配埋滑蛋同牛油多士，跟手試試佢嘅蛋撻可惜嘅係蛋撻唔！夠！熱！而茄通同多士冇咩特別，滑蛋都尚算不錯啦，入面嘅店員姨姨態度都還好，係蛋撻熱度扣咗分...

在這間餐廳食過兩次下午茶，只是一般，食物種類不多，下單後好快上枱，可惜最差是餐廳內空氣流通，近門口的位置很熱。座位迫擠，客人與客人之間很近，在疫情嚴重期間，完全不能接受這迫擠的座位安排。我們坐近門口，又熱又迫，食物麻麻，凍飲要走冰，職員話無可能做到。下午茶平均每款$50多元，凍飲要加$3。又觀察到另一方面是職員態度很差，好多客人想坐入面，他們都話無位就算，其實入面有位的，但他們不想安排。在炎熱的天氣，我看著好多客人就走了～ 是明智的。

呢間冰室之前同事食過佢啲早餐話幾好食，所以今次試吓佢的午餐外賣，真心令人很失望，咁大個女都未試過咁出色嘅豬扒飯，首先D飯冇炒底都算，仲要超Dry,硬到可以攝住D牙，鮮茄汁還可以的，但係塊猪扒真心似柴皮，一哥好食過佢10倍另外同事叫咗個咸旦蒸肉餅，佢都扁扁咀，D飯好硬，D肉好霉真心講60幾蚊個午餐真係一啲都唔值

茶餐廳最基本茶餐、早餐呢啲應該係好食先可以叫茶餐廳，冰室仲要賣相都得先對得住冰室個名。係旺角黎個快食早餐，呢度唔洗等位，地方都算有空間感，環境裝修都乾淨，襯得起冰室個名叫咗個穩陣與中伏之選沙嗲牛肉腸仔麵+凍檸茶少甜，上枱無論面定茶都正常靚仔卷卷面質唔硬唔淋，湯有色，但就係面無乜味，反而食到水嘅味道，應該係白水滾一滾個面就放去沙爹「油」湯內，面根本吸唔到味，要食到最後，啲面先有啲啲沙爹油味，可能佢個汁只有油無醬，面根本上唔到味牛肉就比一般嘅好，好有牛味同少少沙爹味有點牛柳軟熟感至於條腸，基本上好難唔好食，但佢又係一陣水味怪味可幸，佢杯凍檸茶好清，唔澀少甜，好啱我口味其實一個普通早餐都要評，係因為我好憎水味嘅面囉，屋企煮都唔會咁差以冰室早餐味道就真唔夠好

門面裝修幾靚入嚟試下， 裝修好靚 有誠意畀心機 ，食物一般， 座位好窄， 最慘係要客人自己斟水， 基本服務都冇. 冇下次. 斟杯水畀啲客人係咪真係咁 困難？ 希望老闆 考慮一下. thank you

冰室的內部裝修新，環境清潔，走廊寛濶，梳化座位舒服，店員服務有禮。中式午市套餐有六款，價格介乎於56元至64元之間。中式例湯，材料是包括粟米、節瓜、紅蘿蔔和豬肉，湯味正常。咸蛋蒸肉餅有少少椰菜墊底，肉餅不算太肥膩，口感不硬，豬肉味道正常，咸蛋黃惹味，白飯軟硬適中。洋葱豬扒併魚柳，洋葱汁美味，豬扒口感一般，炸魚柳外脆內軟，魚肉頗厚，意大利粉軟硬適中。桌上有一瓶冬菜，可免費享用，冬菜爽口，微辣。飲品熱奶茶和熱菜蜜味道一般。總結：裝修新，食物味道正常。

旺角一向都有很多美食🫶🏻🫶🏻有唔同嘅茶餐廳😍今天就選擇了這間位於朗豪坊對面的貳號冰室，佢門口有一大堆新鮮出爐的麵包🥯😋好吸引🤓🤓🤓🤓🤓一入門口整個感覺都比較乾淨，座位都OK的唔會話太逼🙂早餐款式都有幾款可以揀，之前食過佢嘅蕃茄湯底覺得一般🥹🥹🥹所以今次就食咗沙嗲牛肉麵🤤🤤🤤⭐️⭐️⭐️沙嗲牛肉麵⭐️⭐️⭐️個湯底都唔錯💕💕牛肉唔會話好硬🫶🏻都好滑同爽口🤭🤭🤭🤭個餐包就普普通通啦🙂煎旦就正正常常🌞💛餐廳有免費菜埔提供💛試過加落D麵到食都OK嘅✅

-無常時常伴隨在我們身邊，隨時都會發生，所以我希望可以珍惜每一個日常@老田-差吾多臨搬返同父母住嘅最後30日，襯仲有獨居嘅日子加上疫情緩和邀約左胖橘親親故C上泥過夜回憶下相識十幾年嘅時光（當然同之前O爆T有關，如果吾係何來的休閒。。。）-人生有幾多個十年@柴九哥，同呀C見證住本屬不多嘅十年入面無論係自身，家人，朋友一個又一個嘅無常，笑過哭過，回首發現，生命最需要嘅其實可能只係柴米油鹽醬醋茶嘅日常，未必係驚濤駭浪高山低谷嘅無常，願珍惜每一個日常-Anyway-2CAFE貳號作為本橘所住大廈附近嘅港式茶記，茶記理件事本屬港胖橘日常新式茶記嘅好處就係既有乾淨嘅外在加上傳統優質嘅內在，彷彿換左乾淨新衫你所熟悉嘅友人，讓人覺得異常親切友好-日常之沙嗲牛公仔麵，炒蛋多士，奶茶咖啡-曾共渡過漫長的歲月關心你每處為你愛多一點時日步過亦全不變樣天天有你共我創造美好沙嗲牛與你共享昨天今天明天，謝謝-沙嗲味好濃，牛肉好新鮮雖然吾明白點解唔可以轉通粉但係仍然覺得好食-炒蛋係傳統炒蛋，雖則唔係牛乳炒滑蛋，但係仍然食到牛油嘅香味-奶茶係抵讚嘅，同過去十年所飲嘅有同一風味-齋啡，本胖需要減KCAL，完勝紅豆菠蘿包菠

旺角一帶向來是大家飯聚熱地，方便就腳選擇又多，食店競爭激烈，經常有新餐廳進駐該區，質素上亦都很參次。今集一如以往，實試一下一間冰室究竟好唔好食！店舖就在朗豪坊對面 這一間叫做2號冰室 ,朗豪坊門口開業幾個月,在門口有很多不同現場做的麵包和蛋撻 ,這次我會嘗試一個下午茶 還有一個常餐。 這一間冰室的裝修幾新潮 ,用青綠色和杏色做主調 ! 裏面很有新派冰室的感覺 ,感覺很光猛和新淨 裏面大部分是卡位 ,每張枱也是四人座位為主 ,下午茶四十幾元起 不算太貴 !裏面主要供應茶餐廳食物 ,有雞髀薯條,西多士,公仔麵等等。看似翠華的風格 但是我不肯定這裏是翠華集團 ,餐廳的侍應是不會幫你斟水的熱水需要自己斟! 可能為了慳人手 ,但我覺得不是太方便 。今次兩個人食叫左一個常餐同一個下午茶常餐有煎豬扒麵配蔥花炒蛋牛油多士$56 用辣菜脯配公仔麵味道有層次感另一個係下午茶咖哩吉列豬扒飯$55豬扒即叫即炸有兩隻手掌咁大塊   冰室仲會有現場做菠蘿包供應    

今日係呢度食個中午飯叫咗豬小牌米線酸辣湯寶寶平時鍾意食辣，我行過想坐低食碗酸辣米線，不過真係同人地做米線嘅餐廳仲爭一段距離😂😂😂豬扒味精太重，湯太淡冇酸又冇辣 😣😣😣😣sad ，米線口感ok 嘅，成碗野入到口嘅可惜食得酸辣米線一定要夠辣夠酸先過癮😅價錢都$52 係失望嘅🥲🥲所以去茶記真係食番茶記嘅嘢就夠穩陣，想享受食米線個種辣......都係5好揀啦😂😂😂😂呢到價錢不過不失，地點就腳坐位夠闊，坐得舒服嘅，扒2啖醫肚餓都可以諗諗