貴川風味館 (已搬遷) 新店位置

星期日1430都坐滿，咁啱有客走唔洗等，就入去食下啦，都係一般米線舖咁，但整體價錢偏貴，平時叫開$40以內，不過呢度唔得。配菜多過主菜，粗身薯粉，但份量好少，豬頸肉都偏少，極快食完，先前食咗件細蛋糕仔，但食完呢個都唔係好飽，不過鐘意佢薯粉煮得夠淋，芽菜好多，我鐘意食，酸菜大大塊，食起上黎有d唔方便，但味道唔錯，個湯底都好味。環境餐具望落乾淨衛生，服務普通，小店唔好期望可以有咩服務，地點就腳，簡簡單單口淡淡之選，但舖面位置唔多，3-4人坐低吹下水is ok.

係公司樓下，周不時食，非常好食，每次都係叫沙爹底，因為我唔係好食辣，而且呢到啲沙爹好濃，真係好濃，送方面就會叫豬頸肉，豬腸，雞亦，呢到選擇好多，而且味道比坦仔好，唔會食到好口乾

每次行旺角諗唔到食乜，唔想捱朗豪坊food court食貴野，又唔想掃街食唔飽又唔覺唔覺洗左好多錢，呢間米線鋪就岩曬！一定食得飽之餘仲好好味，高質抵食快靚正之選！呢日又過黎食，繁忙時間有時要等位，不過都好快，阿姐會mark定人同叫你揀定野食，一埋位就會同你落單，流水式作業，安排幾好。我最鐘意就係呢款酸辣雲南小鍋米線，加腩肉，小小辣，入面既酸菜、莞茜、牙菜、肉碎份量好多，同獨有辣汁湯底混埋一齊簡直係perfect池，每次都一定連湯飲埋食曬！

買左戲票未開場，同朋友打算quick 食醫下肚。係番同一條街食，食完行兩步就過番戲院方便又就腳。是日晚上，友人話唔要食飯，咁即係食麵啦，我發板一於食米線。其實之前都食過一次呢間米線，印象中味道不錯，所以再行番兜。兩個都點左個經典雲南酸辣米線，分別揀加配豬肚同豬潤，見到隔離枱碟雞翼咁滋味，於是再點多一碟5隻既單山雞翼。個酸辣米線湯，底好味，真係唔係講笑既好味，邊食邊啜多幾啖，配料都好多，成碗麵量殺很大既多，堅飽肚，一碗26蚊加9蚊一個配菜，才35元，已大大碗，真係邊到揾，重點係好入味，正。單山雞翼無點錯，新鮮炸，夠香多脆，送米線食一流，5隻才36蚊，每隻都幾厚身，唔是發育不良既雞肋。加9蚊可以選台式飲品，點左杯蜜桃雪泡，味道亦不錯。總的來說，性價很高，價錢相宜且飽飽，好味亦好滿足

係隔離戲睇完戲，個肚已見肚餓，平時見呢間米線7-8點門口都有人排隊輪住食米線，所以一直都無試到。可能由是完場已9點幾，店外面已無咩人排隊，但店內都仲係坐無虛席，老闆叫係門口到點定野食，入去一坐底就有得食，只係等疽分鐘就入去開餐，果不其然，坐底都無3分鐘既有野食。三丁友，每人各點左一個米線，兩個係雲南經典酸辣米線(米線底$26連配料)，分別配丸類---墨魚丸貢丸同埋豬大腸&豬潤(好似每樣+$9)，另一個就點金湯米線(米線底$26連配料)又係加丸類+羅白。個雲南經典酸辣米線既湯底真係好無敵，酸辣味好濃，唔似某D年鎖店咁湯底味唔濃、唔足料不特止仲要加左錢料都唔多。用匙更了起會發現D芽菜、肉碎&酸菜都係碗底，撈番上面，配料量真係幾重手，碗米線量都大大碗噠，係食到人飽肚既份量。每隨食一啖米麵都會呷一口酸湯相配合，只能說句，真係好正，個湯頭真係食過番唔到轉頭。~~仲有舊豬大腸鹵得好入味個豬潤好好味，粉得黎帶點爽口(無記錯好似有5塊)金湯米線睇個樣色水似淡淡地口味，但原來係幾辣(點餐時唔記得左叫少辣)，個人都係偏愛酸辣既湯底，愛佢果陣重口味，酸酸辣辣先夠開胃。另外，仲點左個單山雞翼(3隻)，每隻雞翼

呢間米線由我中五開始食到而家屹立不倒喺旺角，間鋪已經由媽媽傳咗俾個仔喇。講返食物，廿年嚟我都係揀酸辣米線小辣（小弟自問都係食得辣之人，但都要告誡所有第一次食嘅朋友唔好第一嘢就試中辣，因為中辣堅係好辣，呢廿年嚟不斷見人叫完中辣又食唔到又要加湯溝淡咁）。揀餸方面，好辣之人一定要揀腩肉，加咗腩肉會令原本湯底再辣少少，大部份餸我都試過，樣樣都好食，要乜真係睇個人口味。小食方面，個人極力推介 皮旦（辣），麻醬小黃瓜同埋單山雞翼，但由於今次我一支公食嘅關係，淨係叫咗小黃瓜。能夠喺旺角呢個地方屹立廿年而不被淘汰，都有一定嘅實力先做到，希望大家支持吓呢d仲可以喺旺角生存嘅小店！

lunch得一個鐘，同朋友係附近食碗米線算，之前食過貴川覺得ok可以再食返。今次唔食酸辣小鍋米線，試下第二款。沙嗲小鍋米線$36 配2款$6-$8配料--因為唔食辣，試下唔辣既沙嗲小鍋米線，配料揀左腩肉同豬頸肉。沙嗲湯底較清，沙嗲味唔濃，米線ok，豬頸肉有d蜜糖味好食，今次腩肉麻麻，有d酸味。加$6配凍檸蜜，但下次都係會揀返酸辣小鍋米線。

又到左lunch既時候，食咩交俾朋友決定，佢又係話想食米線，但我唔想食譚仔所以佢介紹嚟呢間。中午去到都好旺場，要等一陣位，阿姐話可以諗定食咩落住單先，好彩都吾係等左好耐。經典雲南酸辣小鍋米線$26(淨米價)小小辣--個人都係鐘情酸辣米線，另有清湯、麻辣、熱拌、酸麻等。米線既香菜好足，可惜我唔太鐘意食所以比哂朋友。叫左腩肉$8同日式蟹籽丸$9，腩肉反而唔係好肥，瘦肉居多，但同朋友既豬頸肉比，個人覺得豬頸肉好食d，下次會叫豬頸肉。蟹籽丸正常，但得2粒好似有d少。米線都彈牙好食，湯底都ok，配凍檸茶$6。

我對於米線有一重情意結但係米線只會選擇食川味或者雲南而唔會係食茶餐既時候揀米線因為要食出米線獨有既口感 我一定會選擇食有辣的呢間我成日都會去係因為我鍾情佢既金湯麻辣配上熱辣辣既豬頸肉一定係絕配而且麻辣味道適中 因為我揀既係小小辣但係呢次食就有啲失手 因為湯頭比較淡 好彩豬頸肉既味道可以幫佢搭夠我仲叫左香芋奶茶但係佢既甜味太重同香芋味唔濃 只可以講飲一杯凍檸茶會比較好 加配既價錢相對都唔係太抵但勝在環境雖然細 大家坐得好逼但係都可以坐得舒服

話說今日出到旺角，米線店林立，聽說呢間既米線湯底係同平時大品牌食開啲有不同，好期待店內多人，但聽到落單姐姐講既都係帶有口音，有種感覺係咪會好正宗架？一來到已經嗅到好香既湯底味，薯粉有點軟身，自己會比較鐘意食彈牙啲既。酸味都算足夠，小辣辣度剛好，值得一提係豬頸肉，係有調味過及香煎，並不是普通掉落啲湯度煮熟佢，夠晒香口及咬口李公子就試熱拌，汁底有點甜甜地，小辣不辣，腩肉乾口，整體如是與湯米線對比下，會比下去，強烈建議食有湯底米線，會夠味好多！另外叫左一碗米線可以優惠價配一款小食，價錢合理，份量夠2-3個人食，一試麻辣涼拌海帶，中辣，又辣又過引，連埋芫荽一齊食，絕對值得加錢配食！

食親都要等位的米線 我係絕對唔會食譚仔 今次食左 🔹酸辣米線$26 加🔹豬腸$8、🔹豆卜$8、🔹生菜$6 🔹珍珠奶茶$9中辣都唔係好夠辣 再自己加少少辣椒油就岩岩好啦其實所有野都唔係特別出色 但加埋一齊又覺得幾好食係旺角想食米線一定係食呢間，不過座位係真係迫D，反枱速度極高，食得慢D都有壓力呀最愛芫茜 未算太多味精

是日到旺角處理公務，唔知點解一個人自然就想食米線，見到三哥大大個招牌，於是沿路行過去，點知唔知係咪執左，搵極都搵唔到但經過見到呢間米線舖，有人出面等就試下啦，叫左雲南酸辣小鍋底少少辣，配腩肉同魚皮餃，再加杯百香果綠茶。上菜快，嘩好大碗！嚐一口湯底湯底味道層次豐富，先酸後甜再加少少辣，真係好正！本人覺得比三哥的更好！米線滑，魚皮餃好好食，本人好怕個種滑''山山''嘅口感，呢個爽口好味！但個腩肉就差得誇張，超鞋，咬左啖已經放棄杯百香果綠茶好夠味，意外地打得有水準，好飲！第一次食貴川，有點相逢恨晚之意！

自從朋友推介呢間野之後，食過一次就番唔到轉頭。每天黎親都只係叫沙嗲湯底既雞翼米線，湯底真係好香，令人食完好想再食，野飲都唔錯。不過最好揀下午茶時段黎，會比較少人。

今日又係旺角食嘢，突然好想食米線，就醒起好多年前個朋友帶過我嚟食，平時行過又好多人，我諗應該仲係好好食，點知原來我錯左我叫左腩肉酸麻辣紅薯粉小辣首先少辣吾夠辣啦，聞落好香麻辣味，但係食落就冇乜，又唔夠酸，腩肉份量都幾多，冇乜肥肉，但係好鞋，紅薯粉吾煙un，我寧願食返米線好過仲要係好油，勁肥！配菜又冇乜，勁少酸菜同埋芽菜朋友叫咗豬頸肉熱拌米線豬頸肉份量少得可憐，得三片薄片， 但係個熱拌米線幾好食，因為有肉醬去攪，不過有少少辣，我朋友唔食得辣佢出晒汗最後，我哋兩個食完都好口渴，代表佢應該加左好多味精，而且好油，$34一碗大把米線好食過佢

貴川 風味館 在旺角 已經開了很久的店。一直都很多人光顧， 但我從來都 只是去隔壁的譚仔。 但因為譚仔在裝修， 所以就第一次光顧這家 很多人排隊的 酸辣米線店。一向都不喜歡吃辣的我 再加上感冒中 就點了清湯 米線， 配豬扒豬頸肉及菜心。可能因為 地方淺窄的關係， 你在門口排隊的時候 店員就已經幫你預先落單 有座位的時候就會 叫你點的 菜來識別 是哪一位客人要進去。 地方非常迫夾， 需要搭枱。 他的價錢和名氣也沒有 譚仔那麼大為什麼 會每天那麼多人光顧實在好奇。 但在吃了 東西之後就我明白了。 因為實在好味!豬扒 是煎炸的不油兼很香! 豬頸肉有醃過 肉質爽而惹味。 菜心分量 也足。清湯底很好米線亦很滑因為不能喝檸檬茶，所以選了阿華田。大概唯一要挑剔的就是他的阿華田有點淡 沒有下了很多阿華田粉! 整體分數是八十五以上，應該會再光顧的!