貴州遵義黔營羊肉粉 (利都樓)

营业中

休息中

講真門口收銀嘅態度非常之惡劣，問佢一句，個面有冇湯嘎，佢話上面寫住乾嘅就係乾嘎啦，跟住呢聽到有客打來投訴話啲雞蛋餅冇雞蛋味，佢就求其講好啦，我話俾人聽啦。最緊要係個外賣整好咗，我係出面門口等，佢都唔叫我入去取。要我入去問佢得未，佢先話我聽得咗。當時成間鋪都冇一個客，只係得我在外面等外賣。外賣盒收兩蚊一個真係貴，譚仔三哥都只係收一蚊。剩係外賣盒都收咗我三元，味道一般般，羊肉真係超少😩，一次咁大把，以後都唔會再幫襯。

講真我已經連續食咗呢間鋪一周，味道可以。但係服務一次差過一次！尤其個短髮師奶，係咪邁入更年期喔？呢間店要WeChat掃code先可以落單，但你次次掃碼都有等佢好耐先出單，今次等到20分鐘梗係連單都打錯！一碗麵佢打出單要收我280蚊？！我話畀師奶佢打錯單，搵佢三次都唔理人。咁你未搞清掃碼落單嘅原理，可唔可以唔該你幫忙收銀台打翻張單先？其他嘢譬如加面底要12蚊、人多就冇水杯、紙巾需要收錢等等梗係叫人難以理解！永遠唔會再幫襯佢哋，隔離任何一家店都好過呢個！

叫左個羊肉粉$48同涼拌羊雜$58, d肉少到得三片, 羊雜得4-5粒, 切得又細又碎, 芹菜佔左全碟8成, 中伏到暈。大佬呀, 不如改名做涼拌芹菜。又貴又唔合理, 同店員反映又被反問黎過未。Fine, 無下次。

每次經過炮台山，都會比個店名吸引住，係因為有一個”羊”字，作為一名羊痴，點都要嚟(外賣)試一試，不過食完有些少失望，所有羊小食都係中規中矩，試一次就夠。🥢貴州臭豆腐⭐️⭐️⭐️似豆乾加辣椒粉，一般般。🥢羊肉串 (10送1)⭐️⭐️每串都係由3粒羊肉+2粒肥膏組成，羊肉本身唔juicy唔羶，要自己咬些少肥膏先夠香夠羶，我唔太鍾意呢款羊肉串，啲肥膏咁樣太恐怖！🥢牙籤羊肉⭐️⭐️⭐️呢個好味過羊肉串好多，起碼無乜肥膏，雖然都係唔juicy，但食落香口同有孜然粉搭夠。🥢羊肉夾饃⭐️夾饃又硬又乾，裡面又冇汁，而羊肉餡都係好乾仲要好碎同唔羶。🥢羊腩粉⭐️⭐️⭐️⭐️唯一覺得滿意嘅食物，羊腩入味少羶唔鞋又唔韌，口感軟腍，份量都算多，湯底味道又唔錯，米線彈牙，讚！🥢豆沙糍粑⭐️用兩個字嚟形容-奇怪，因為我估唔到佢係咸嘅，咬落去好油，豆沙餡冇豆沙味，一pat好乾嘅嘢唔知想點。二人共消費：$326

去左兩次，一次羊肉粉羊排，一次羊腩粉羊肉串。羊肉粉好少肉，得4-5片，仲要好薄。以為羊腩粉好D，但味道都唔系好掂。羊排Okay，幾香，但有少少貴。羊肉串好dry，五舊肉入邊有兩舊油，仲要凍冰冰，無羊肉味，得返香料味，收16一串……覺得唔值。唔會再幫襯，價位都唔算平，但分量味道都唔掂，齋食一碗粉完全唔夠食，自問食量都唔大，但每次去都唔覺得飽，要飲埋湯先得。服務講唔到好，有D 茶記Feel，好似唔耐煩咁。

本著試嚇嘅心態 結果真係好難食！唔正宗也就算了簡直係難以下咽！而且羊肉串係凍嘅！嗰個羊腩粉除咗咸同油膩，冇任何香味！最衰嘅係服務，一個好肥嘅扎馬尾嘅侍應，極唔耐煩咁，寫嘢都唔肯企埋來，都未講完佢就出咗單掉係我面前，仲寫錯嘢！後尾收銀嘅都係黑口黑面，多謝都冇句。從食物到服務全都衰！翻睇其他評論，原來服務差係共識，下次試新嘢一定要睇吓評論先！！

見佢幾特別食羊肉粉，就入去試。店內有個疑似係老板娘，講嘢有口音既女人。態度係最差！！！食物幾好食都好，都唔會再幫襯。進食期間，呢個女人同隔籬枱顧客，有少許爭執：坐位問題直情覺得間野有病，希望快d執笠。

没吃完饭服务员就开始扫地，扫得灰尘满天飞，扫就算了，扫把扫到人膝盖，我瞪她她看着我，不会讲sorry的吗？什么垃圾店员，每次进店都不会主动招呼，这服务态度趁早倒闭

味道無法評論，但一碗得一舊羊腩嘅羊腩粉絕對不值$53。擦出劣食新境界。老實講，隔離任何一間茶記或快餐店，不論質素、份量、味道都會比呢度好。冇乜嘢請盡量避免，謝謝。

買咗個紅糖糍粑外賣，一打開，一陣勁羶味扑鼻而來，打電話去問，个店員話系丫，不嬲系咁，因為我地用同一油去炸。有冇離譜D？有咩理由甜ge食物同羊肉用一油去炸，態度同食物都咁差，以後都吾幚襯

店內餐牌公告等都寫簡體字，我叫外賣。職員幫我落單嗰陣態度差。食物質素都OK，口味偏重，叫左份羊肉麵，湯底偏鹹，口乾。炮台山附近少有食羊肉既餐廳，總結而言食物質素可接受，但不要對服務態度有任何期望。

慕名而來... 想試試這間主力賣羊肉嘅食店... 結果不似預期!羊肉串... 尚算ok... 香中帶點羶!蛋餅... 不過不失... 中規中舉!炸臭豆腐... 太薄... 没有質感... 完全冇食臭豆腐嘅感覺... 失望... 而且價錢偏貴!

臨近農曆新年，天氣開始凍，就想食羊肉，經過一間羊肉粉專門店，便外賣一碗羊肉粉返屋企食。羊肉粉 ($48)平時食羊的機會唔多，通常都係打邊爐時涮羊肉片，又或者食羊腩煲，所以羊肉粉對我嚟講有啲新奇。呢間外賣係湯、粉分開，包裝同出面其他米線舖相似。湯呈奶白色，望落好濃，聞起來很重羊騷味，應是羊骨湯，有些少羊脂在漂浮，不過飲落比看起來清鮮，不會涸喉，也不會太油。湯中除了羊肉片外，配料只有香料如芫荽、香芹和蔥，沒有其他配菜。羊肉片份量還可以，有八至十片，不過切得偏碎和薄，肉質就偏柴。一開始我以為羊肉粉的「粉」是平時在茶餐廳食到的那種幼細的米粉，即類似東莞米粉或者江門排粉，但原來這間的米粉非常粗身，粗過一般米線，味道同米線差唔多，食落口感爽滑彈牙，雖然同我想像中的米粉唔一樣，不過都幾好食。總括而言，羊肉片口感、味道、份量都一般；湯飲落其實唔錯，但對我嚟講偏騷，聞起上嚟陣味特別重；米粉本身則有意外之喜，好食，不過由於沒有太多配料，整體而言有點寡，而價錢也不算便宜。鍾意食羊的人可以試吓，怕騷的人就唔好啦!

重要嘢講在前面，唔好點羊肉和牛肉串。呢間是炸出來的，不是燒烤出來嘅。調味冇孜然嘅感覺，放啲辣椒粉。同埋肉質不論牛羊竟然有啲酸，搵左負責人之後重新上先好返。羊肉串5粒肉，其中2粒係肥肉，唔食得。牛肉串4粒，唔似新鮮牛粒。16蚊一串唔抵食。羊排ok嘅可以試下，但是性價比唔高 80蚊先兩塊。來呢間鋪最多可以食下羊肉粉或者羊肉麵，加啲配料，其他燒烤小食真系唔推薦。同預先想像的孜然烤肉串完全唔同，炸出來完全唔係燒烤孜然香味嘅感覺。

唔好食佢個臭豆腐,又唔臭又薄🥲羊肉串還好，一舊肥肉一舊正常肉，夾埋食幾好食。不過每串都要外賣加一蚊,你叫10串就要加$10,佢送返一串俾你都唔抵啦。總括嚟講千祈唔好食佢個臭豆腐🥲