買得爽 (已結業)

買得爽港式麵包店前身係一間士多雜貨嘅店舖，近年轉型成為新式平價麵包店，吸引到區內唔少街坊支持。最近更推出咗古早燙麵蛋糕，而試食價亦比好多連鎖或者過江龍要平。今次經過就忍唔住買咗一件新鮮出爐嘅芝士味古早燙麵蛋糕。除咗芝士味，買得爽亦有好多其他味道以供選擇，而原味同榴槤味係其中兩隻吸引到唔少人打卡試食嘅款式！芝士味古早燙麵蛋糕古早燙麵蛋糕要成功嘅秘訣十分簡單，最重要係糕身夠鬆軟，而且蛋味要濃郁。買得爽嘅呢隻芝士味古早燙麵蛋糕除咗兩樣都做齊之外，中間芝士嘅流心仲令人眼前一亮，諗唔到只係$60嘅價錢就可以買到質素咁高嘅古早燙麵蛋糕，而且份量仲要係十分之多，可以話係CP值極高嘅一間平民古早味蛋糕！

終於都試左古早蛋糕😂😂唔知呢間既古早蛋糕係未正宗台灣果隻，不過見行過新鮮出爐又唔使排哂長龍，就買夠返去試！噤岩得肉鬆味，就買舊試，拎到返屋企已經凍左，我諗熱辣辣食應該會好正，佢既口感有少少似日式芝士蛋糕，好鬆軟，味道唔會好甜，再加埋豬肉鬆鹹鹹地，我覺得幾好食，有時間可以焗熱返先食。之後行過我又買左蛋白味，不過今次比較乾身，冇噤鬆軟，甜度都係唔會好甜，感覺好似健康d😂我最想試芝士味，希望下次經過有芝士味出爐😝

古早蛋糕由台灣傳入，香港很多小店都相繼推出，而且銷情十分好，人龍不絕，平時起碼要排半個鐘才買到！而且很多售賣古早蛋糕的小店都會按不同時間推出不同口味，想吃到特定口味就要碰碰運氣～收工時間經過荃灣，附近就是雜誌早前報道過的小店，一於去看看！未行到蛋糕店已聞到陣陣蛋糕香氣，店員說剛剛有肉鬆味蛋糕出爐，遲一點有芝士味！流心芝士聽上去很吸引，一於留守等古早芝士蛋糕！前面大概有10個人排隊，人龍不是太長。芝士蛋糕香噴噴，新鮮熱辣出爐！蛋糕味道超讚，果然名不虛傳！古早蛋糕跟紙杯蛋糕一樣材料簡單，但蛋味香濃，質感軟綿綿，而且十分濕潤，不會吃兩啖就令你喉嚨有乾涸的感覺！蛋糕頂層滿滿芝士粉，芝士味濃郁，蛋糕中間亦有軟心芝士粒粒，有拉絲效果，亦令蛋糕增添鹹香風味，口味多層次！

19-1-2019 (Sat)晏晝,o係荃灣買o野,行到o黎呢頭開始肚餓,差唔多時候食lunch喇,叫老公出o黎食?驚佢o黎到我已經食完,call call佢,佢叫我食完可順便買個包俾佢食.咁去邊o度食呢?晨光?又晨光?唔好lu o卦.去熊貓酒店o既La Boheme?但又諗起想食皮蛋酥,去奇華買?呢o度有間麵包店,睇吓有冇先.有啊,o岩o岩就擺o係對住街o既層架,賣$6.00一個,咁試吓呢間.慢慢睇吓其他o野食,有好多選擇,有原味同藍莓芝士蛋糕,有法包,鬆餅同港式麵包,o係諗o緊買咩包時,廚房麵包師傅拎盤麵包出o黎,話o岩o岩出爐豆沙包,然後又有菠蘿包.咁我就轉呔,先夾呢兩個包,然後再夾皮蛋酥,$7.00o既美式核桃鬆餅同$8.50o既吞拿魚包.俾完錢,趕快搭車返屋企lu,希望啲包唔好咁快凍晒啦,好彩都好快有車,返到屋企影完相,先食新鮮出爐o個兩個先啦.1. $5.50o既豆沙包呢個一夾時已經變形,切開睇,有好多幼滑o既豆沙餡,食落,唔太甜,幼滑到食唔到粒粒,但味道有少少怪.味道: 2.9分2. $5.50o既菠蘿包菠蘿皮脆,唔太甜,OK.味道: 4分3. $6.00o既皮蛋酥呢個係

最近有一款由台灣HIT到黎香港既麵包，好多好評。身為吃貨既我，就梗係一早就MARK實左要試佢架啦😆，但附近仲未有賣。終於，今次託到朋友路經麵包店買比我~🤗相信大部分人都抵受唔到朱古力既誘惑，身為魔鬼既佢亦係呢款名為髒髒包咁出名既其中一個原因。髒髒包 ($18)一打開就味到好大陣好濃既朱古力味~~好香呀!!😍 全個包面都灑上左一層好厚好厚既無糖可可粉，岩哂唔中意食太甜既我。😀側面可以望到個包有好多層酥皮，望落唔差但原來佢只係一個非常濃郁既朱古力味麵包，酥皮完全唔酥、唔脆、無牛油香；可可粉太多，一啖咬落去，瞬間吸哂我口腔內既口水，令個口”將”住左…😫；而且包入面係無饀，全個包乾到頂點，只能夠話佢只係一個內外都灑滿可可粉既包朋友話店內既其他麵包如牛角包都比呢款髒髒包吸引，起碼果D包係新鮮出爐