賞茶 (奧海城二期)

营业中

休息中

打完羽毛球，出完身汗，就想飲返杯珍珠奶茶降下温。經過見到賞茶，又見佢咁平，就叫左杯波霸奶茶。珍珠好有彈性，咬落好爽，味道都唔差。但我朋友叫芋圓仙草凍個陣，明明有8折，但個staff收正價，好彩我frd發現到！

對於手搖飲品我很少評價，只因學得口味好個人。奶味重可能係好又可能係唔好；珍珠你可以嫌硬又可以係煙韌；少左甜都可能依然覺得甜...但係... 有啲伏...點睇都係伏...熱帶水果茶，$28個大洋，價錢公道。只係，一飲，係罐頭菠蘿裏面糖水咁。無茶味而且甜到不得了-無錯，就係罐頭菠蘿糖水咁，九成似。個重點係啲「水果」- 係大量椰果，幾粒罐頭菠蘿再加幾粒熱情果核⋯⋯就係咁，無補充。

行過口渴又係黃店就叫咗杯奶蓋紅茶同埋花枝丸試吓。個奶蓋其實幾好食，但係我就略嫌個紅茶甜左少少，叫少甜再加埋甜嘅奶蓋一齊飲應該會好飲啲，但係整體來講個味道都唔錯嘅花枝丸就即叫即炸，所以攞到手個下都仲係好熱，食落都好香脆，再加埋佢落咗啲香料喺面嗰度，食落好惹味！但係以$28 6粒嘅價錢黎講就貴咗少少

奧海城二期，賞茶，飲品係好飲，我幫襯2次，2次D女仔都掛住吹水，完全唔理鋪面有冇客人，有個叫candy既女仔明明面向門口，都要繼續吹水扮睇唔到有人，要客人帶唔該，佢先至郁，以後絕對唔會幫襯

依家咁多鋪頭賣台式飲品，真係眼花撩亂，要突圍真係唔容易。今日行過賞茶，見好多人排隊，價錢又合理，即刻排埋一份～揀左呢杯波霸牛奶茶，同普通波霸奶茶有咩分別呢？就係用左鮮牛去整，而唔係奶粉。飲落去果然係好香奶味，再加上叫左微糖，有dd似飲緊英式奶茶，無咁有肥爆罪惡感仲有d珍珠唔會太硬，大細都啱啱好！值得一讚既係小弟今日叫左熱飲，熱度控制得好好，一拎起手飲落去啱啱好唔會燙口！依家天氣咁凍，飲完即刻熱辣辣

杯茶$30但差到我飲咗幾啖丟左。叫佢走冰，好明顯係走左去溝凍水，你見唔到粒冰但係成杯茶淡到同水一樣。飲落有啲一粒粒白色野，唔知咩嚟。懷疑係奶蓋溝唔均，飲咗一啖奶蓋有大量不知名軟粒狀物體。呢間野可以永久黑名單

今日返工匆匆忙忙東奔西跑， 感到個人 枯燥乏味，有少少餓又有少少口渴，見到呢間未試過，於是就想買杯嘢飲! 佢哋有新出奶蓋系列 亦有多款純茶選擇，因為我想有d飽肚感覺，所以我揀咗有珍珠系列， 我點了"桂花烏龍波霸珍珠奶茶" 走冰 ，甜到冇得揀，佢已經set定咗，因為桂花糖水本身帶有甜味! 整體上飲完呢杯真係飽曬 及冇我想像中咁甜，都可以接受，桂花味好香🥰 佢哋呢間可以用支付寶付款,記得scan佢哋貼有支付寶五蚊優惠嘅QR code， 你所買任何飲品都可以減五蚊🤩🤩

如題啦，係平日黃昏時段， 冇人排隊嘅時候買嘅奶蓋紅茶， 成杯都仲係未溶嘅奶粉(定奶精？) 之前試過喺大埔分店買同樣嘅嘢飲都係咁， 但冇咁誇張。 今次真係每飲一啖都飲到奶粉，負評☹️

最初行過見到賞茶, 係俾佢個杯嘅設計吸引, 藍色底加上好Colourful 嘅插畫, 真係飲完都唔捨得掉左佢XD而最近秋意甚濃, 我地今次就飲左其中一杯秋日推介- 熱柚子烏龍茶飲左一啖就已經好鐘意! 係好濃郁嘅烏龍茶味! (我自己好鐘意茶香味) 本身以為會柚子味會較重較甜, 點知飲落岩岩好 (可能因為我叫左半糖), 所以成個味道就係好香嘅烏龍茶味加上少少甜甜地嘅柚子味! 而且仲可以食到柚子皮/肉, 鐘意飲果茶嘅人一定要試下!

我係附近返工，返工前會去買野飲，但每次1130落到去都未開門，有時有時間就等下，但等到1145都未開，閘都未開。其實幾點開真係吾緊要，不過寫左個營業時間但次次都吾係果個時間開門，點解吾改左個時間佢呢？

Overall, it is pathetic experience. The cashier’s attitude is very very bad, and the tea has too much sweet. It is not closer to what I had in Taiwan. I don’t think I will buy such crap again, and I do hope they can close business and get out of Hong Kong market.

其實都飲過幾次賞茶，味道一直覺得平平，不太合口味，是日來到大角咀，咁熱就去買杯凍飲降下溫啦，試下新野點了冬瓜檸檬（鮮）。冬瓜檸檬（鮮）（$22）其實（鮮）有咩意思的？新鮮檸檬？Anyways，凍飲好大杯，價錢上抵飲嘅，但少左冰都仲係好多冰，可能咁多先夠凍啦。味道呢，係冬瓜茶加左檸檬味，甜到一個點，好似食緊新年全盒啲糖冬瓜咁味，好甜好假，我究竟飲緊咩啊？完全不能解渴，好後悔試新野呢間分店店員服務認真麻麻，客人多做到忟燥吧？！

近來很喜歡飲芝士蓋茶，一直四處去飲。今天在奧海城，都頗多選擇。選了一家較多人排隊的 — 賞茶。那個芝士蓋很薄，份量很少，飲不到芝士和鹹味，而且一兩啖就沒了。茶味的回甘味道不強，茶味都不夠香，整體只可說普通。

#double_飲品 #double_大角咀.【超軟熟珍珠】@賞茶🍎👧🏽是珍珠控🧡 呢間係其中一間成日幫襯的😻今次想介紹下兩款👧🏽必點嘅產品～－－－－－－－－－－－1️⃣波霸鮮奶賞紅茶 ($26)⚫️🥤(熱) <無糖>波霸即係珍珠 加鮮奶紅茶(My fav❤️) 珍珠好好食 好軟熟☺️ 之前飲過微糖 紅茶味幾出👍🏼今次叫無糖 想試真啲佢個茶底🍃反而淡左 奶味重左少少🧐🧐 不過依然好味🤤🤤⭐️評分：7.5/10 (建議叫微糖🤭).2️⃣手工芋頭牛奶🥛 ($26) 熱 <無糖>暖暖的牛奶 入口香滑 部分芋頭跟牛奶融為一體 每一啖都充滿芋頭香 粉粉的芋頭粒 增加了咬口 令整杯飲品喝下去不覺得單調 好幸福的感覺😍 略嫌叫了無糖也偏甜❗️😩😩 究竟啲芋頭係咪用糖水浸㗎☹️.⭐️評分：7/10.－－－－－－－－－呢度啲珍珠令我念念不忘🤤🤤 一顆顆粉粉的芋頭亦很吸引 個人推薦熱飲 喜歡芋頭的不妨一試❤️.🍽味道：7.5/10🏝環境：N/A🛋服務：5/10 (這分店的員工態度一般😐)💲價錢：6.5/10💥翻兜指數：7/10.🍴餐廳名稱：賞茶 (大角咀)📍地址：大角咀海庭道18號奧海城二期G樓

香港天氣漸漸變得炎熱，行街逛商場口渴的時候往往喜歡買一點飲料來喝，今天經過奧海城，就嚐嚐這一間店吧標榜的是來自台灣地道的飲料，在這個商場的消費來說，價錢可算是十分便宜，平均只需＄20便有一杯凍飲我選了仙草奶茶，微糖，等候的人也不算太多，急不及待的我馬上要嚐一口個人覺得，茶底比較淡，可能跟茶葉選購質素有關吧，杯子上的圖案很特別，很有青春的氣息細看上面的文字，也帶有台灣風味的感覺，下次大家也不妨試試這間店子的飲料吧